1 เฌาพรา กอย กาแต เฆ อามู อามาด อัน อี ตาง, อี มึห ปวน. อัน บอ ซูงพยาด อามู เฆ เฌา ปี กรึบ ดูอี เฮา. อัน ต็อห,

2 “เบ แกวะ ซูงพยาด อามู อี นา ตู มูห นา ตู หมาน. แกวะ แตห เบ จอย เฆ ดูอี มืก.

3 แตห เบ ยอด แมน อาเร เฆ ดูอี ฆีน, แตห เบ จอย เฆ ฆอน ซีปรัห. แตห เบ จอย เฆ ดูอี อี ตู มึห โดง บึง โดง อีง, แกวะ แตห อี เฮา แนนัะ เฆ.

4 แตห เบ คยอด เลห เฆ อี ตู มึห อี จอย, แตห เฆ ลอด ตัะ เฆ ดูอี ฮาย.

5 เบ นี, เบ แฮะ รึร, เบ ตู นับ มาเซ. อึณ ปี เบ กอย แคง อับ ว็อง. โคว, นา มูห นา หมาน อาว ฮู ปึอน ยึร แดง กาดาย นี.”

6 โอว แฮะ ดึอม ต็อห, “เบ มูห เฌา ปี กรึบ อี เฮา. เบ บอกาเฆลียด มูห ฆอน เฌาพรา อี อึบ โตต ดอน โมยว.

7 มาแล, เบ ดี บอ ยัม ปี เฆ ดูอี ดอน อี. อาซาก เบ ดี บอ โตต ปี เฆ ดา กาณา ดอน กาดัง.”

8 อึย แม เฌาพรา, แตห แม ซูงพยาด อามู ดอน อี แดง กาดาย นี. โคว, ดูอี ดอน โมยว อี กอย แดง กาดาย นี, เฆ บอ มูห โตต ดูอี ปี อึบ แม เฌาพรา.