1 ปี แดม อูน แคง บับ นี มูห โฆรห อางยาน บอด แปะ แฮะ แดม อูน คูนดีคัม อาซาโลวโมว อี มูห ฆอน อาดาวีด. อัน บอ มูห คูนดีคัม อี อึบ เฆ ดูอี อีซาเรลัะ.

2 โฆรห นี มูห โฆรห อี จอย แตห อี มึห อางยาน บอด บอ นับ ดี มาโนว นา บอด นา หมึอม. อึณ มืร มาโนว อี แตห เฆ นับ ปี ปาย แบน โมยว แบน โมยว.

3 โฆรห นี ดี จอย แตห แม นับ แบน โมยว แบน โมยว, นับ ดี โบง ซืร ซืร หมาน หมาน. อึณ มืร แตห แม นับ ดี ซูงพยาด อี โดบ ดารา บอ โบง นา มูห นา หมาน.

4 โฆรห นี ดี จอย ดูอี รึร, แตห เฆ วี หล็อก. อึณ ดี มาโนว ดูอี หนึม, แตห เฆ มึห อางยาน บอ นับ ดี กาย็อห อี หมึอม อี ตู หมึอม.

5 เฆ อี มึห อางยาน หมึอม, แตห เฆ โทม โฆรห นี, แตห เฆ แว นับ กาปัว. บอ เฆ อี นับ ดี กาย็อห อี หมึอม อี ตู หมึอม, แตห เฆ บอ นับ ปี โลว โบง เฆ.

6 แตห เฆ นับ ซีคยา ปี ปาย ซีเพา โฆรห มากาทัะ บอ โฆรห อูพามา. แตห เฆ นับ โฆรห ลาย ตัะ ปี ดีหมอด เฆ อี มึห อางยาน.

7 อาเซ ซี ปึอน อางยาน บอด, อัน โลว โรวเซ เฌาพรา ดี อาต. เฆ ดูอี รึร ยี แวน อางยาน บอด บอ ตู ซี เฮน นา บอด นา หมึอม ดอ เหมา.

8 อึย ฆอน กาโณม อึย, แตห แม โทม โฆรห ปี มาโนว โอว, โทม ปี กาลาง ฆูณ แม. แกวะ แตห แม แวน ปี มาโนว มา แม.

9 โฆรห ปี มาโนว ตี ดี จอย แม แตห แม มึห ซาเร, แตห อึณ ปี แม บร็อะ กาแมะ กามาย ดี ฆีณ แม. อึณ บอ ปี แม แฮะ ฮอย มากาแวะ ดี แมง แม, แตห แม มึห ซาเร.

10 อึย ฆอน กาโณม อึย, เซ ดูอี ตู หมึอม แดะ แม, แกวะ แตห แม เทว ดี ฮาว, เทว ดี โดบ.

11 เฆ นับ ดี ต็อห, “ตัห, แตห เอ ฮาว เหรต ดี ง็อห ดูอี มัง อี, แตห เอ ฮาว กาชัวะ, ฮาว กาโฆห ดี เฆ อี ตู หน็อะ อึณด็อะ หน็อะ อึณรอย.

12 แตห เอ แมง บลึอบ เฆ บอ อีม, แตห เฆ โจห แคง มืง มารานัะ บอ โดว.”

13 เฆ บอ ต็อห, “โกรวกราม เฆ ดอน โมยว, แตห เอ ปึอน ดี ดึห ตัห อูน, แตห อึณ กอ โนะ แคง กาง เอ.

14 ฮาว แม ฮาว โดบ เย, แคะ ปี โฌน เอ ดี อี, เอ ดี ลาย กาซาง ดี เอ.” เซ เฆ ต็อห ปาย ตี, แกวะ แตห แม โดบ.

15 อึย ฆอน กาโณม อึย, แกวะ แตห แม ฮาว โดบ เฆ. แตห แม กาฆ็อห ดี เฆ.

16 โคว, เฆ ตู ปึอน ยืน ดี โบง นา จีจีว. เฆ บอ ครัน ดี ง็อห ยัม อี.

17 เซ แม ดีณ อึณรับ ดอ ยึร มาซีม, อาว มึห อาฆยึร มาเซ.

18 ปาย ตี ดูอี ฌึร ตี, เฆ ดี วี เคร ยอต ปี ดีณ เฆ. ปี คราม เฆ ดี โบง ปี วี แตห โดว บรีม เฆ ยัม.

19 เฆ อี โฌน อี, เฆ ดี บอ ยัม ปาย ตี. เฆ อี โบง หมาบ, เฆ ดี วี คัม อาฆยึร หมาบ ปี โบง เฆ ตี.

20 อางยาน บอด ปี อีบึณ อี กาลาง โฆรห ดอ ฮาว อัน โดบ อึณเตณ, บอ ดอ กอย อัน แคง กาลัห. แตห เบ โทม อางยาน ตี.

21 อัน ดัด ตาง ตาง โดง กาฌูะ กืน ดูอี. อัน บอ มาโนว อี บาง มาโลห มืง.

22 อัน ต็อห, “อึย เบ ดูอี รึร, แฮะ เหลณ เบ แฮะ โบง อี ตู มึห ดีโคว. เบ ดูอี ปีคึก, แฮะ เหลณ เบ ลูกตาย อี บอด. แฮะ เหลณ เบ บอกาเฆลียด แฮะ แวน อางยาน.

23 เซ เบ โทม โฆรห ปี มาโนว โอว, โอว ดี บอ ฮูห น็อห พึอม โอว ดี เบ, แตห เบ นับ ปี ปาย อางยาน โอว.

24 โอว แฮะ ฮอต แดะ เบ, เบ ยี ตู ย็อห. โอว แฮะ ฮอต บาง เบ ตัห. มาแล, เบ ตู โทม โฆรห โอว.

25 เบ แฮะ แวน อากยาม อางยาน โอว. เบ ตู คัม ตู โลว ปี มาโนว โอว ดี เบ.

26 โคว อัน ตี ดอ คัม เบ ดูก ตาง, โอว ดี บอ กาณัห เบ. ดอ โยว กาเซา เบ, โอว ดี ปี วาณาก ดี เบ.

27 เซ น็อห เบ บลืง ปี คูน ตาง ตัห บูด เบ, เซ อาเพ อาเร แฮะ ตัห ฌัม เบ ปี คูน ลาง ตัห, เซ อึณ ฮี ดูก หณาบ กาเซา ดี น็อห เบ,

28 ปัน ตี เบ ปี บอ วี แดะ โอว มืร, โอว ตู เวียะ โฆรห เบ. เบ ปี บอ วี เหรต โอว ดอน นา ดอน โปละ มืร, เบ ฮู ยึร โอว.

29 โกบ แฮะ ฌ็อง เบ อางยาน, โกบ ตู มึห เบ น็อห ซี โรวเซ เฌาพรา,

30 โกบ ตู มึห เบ น็อห ซี เฮน อากยาม อางยาน โอว บอ แวน ปี มาโนว โอว,

31 เบ ดี โลว คัม ปี กาอาบ เบ คัม. รูห ปี โบง เบ ดี วี แบน ดูก หณาบ กาเซา ดี น็อห เบ.

32 โคว, เฆ ดูอี รึร ดี บอ ยัม โกบ แวน เฆ อางยาน บอด. เฆ ดูอี ฮาย ดี บอ ลึร ชึม โกบ กอย ดีรึร ดีเดต เฆ.

33 เฆ อี โทม โฆรห โอว, เฆ ยี ปึอน กอย ดาคึย, กอย ซีคยา. อาว มึห ดี โลว โยว อาเพ อาเร มาเซ.”