1 อึย แม เฌาพรา, โอว หมาณ ดอ ตี นี, แตห แม เฌา กาเว โอว. โคว, บอ น็อห บอ พึอม โอว แฮะ บึง แม เฌา. อึณ ปี โอว แฮะ กอย โดบ แม ปี ฆอน มาเอียน อี โม็ง ครึม เพียง มา อัน. โอว หน็อะ ปาย ตี, แตห ดูก ตาง นี กอ ปวน โตต ดอน โมยว.

2 โอว ดี ซาคึร หมาณ ดี อัน เฌา อี อึบ โตต ดอน โมยว. อัน เฌา ดี บอ โบง แตห อึณ ฮอต โตต แคะ ปี คราม อัน.

3 อัน เฌา อี กอย แคง ฆางหราว, อัน ดี โลง บอ จอย โอว แตห โอว ลอด. อัน ดี บอ เอห เฆ อี ซี เหมต โอว. อัน เฌา บอ มึห น็อห ร็อก น็อห ซืร เซเซ. อัน ดี แคร เฆ อี คูงครัห ดี ง็อห โอว, แตห เฆ จู.

4 ดอ ตี นี, อึณ ปี โอว แฮะ กอย กาแต มาครังซี. อึณ บอ ปี โอว แฮะ อีด โดง กอย มาโดว แปร อี ซี ก็อะ โฮม ยัง โอว. อึณ มูห เฆ ดูอี, เฆ มึห หราง อี ปี บลา เลียห เฆ บลา. ซีดัะ เฆ บอ ปี มาปัวะ ลาง อี ลัม กาเซา.

5 อึย แม เฌาพรา, แตห ดอน อี นับ แคะ ตาง อาพูง ดังโคว แม. แม เฌา แฮะ ตาง หลึอม โตต อี กอย แคง ฆางหราว. แม บอ อึบ โตต แดง กาดาย นี ดอน โปละ.

6 อึณ ปี เฆ แฮะ ดีณ ยอต โดบ อึณเตณ โอว. น็อห พึอม โอว แฮะ ฮอต ดีฆรับ โลง. อึณ บอ ปี เฆ แฮะ ฆึห กาเดา นา อาต โอว. มาแล, โดว บรีม เฆ ปี วี โจห แคง กาเดา ตี.

7 อึย แม เฌาพรา, น็อห โอว แฮะ มัน ซีคยา, โอว ดี วี ต็อห โหมว ทัม, วี อืบ แม เฌาพรา.

8 โอว ตู วี แตห น็อห โอว ดีหลัห, ตู แตห โอว กอย ปีเยณ. โอว ดี ยีต อาต บลาง แปร, วี บัห ดีง ต็อห โหมว.

9 อึย แม เฌาพรา, โอว ดี อืบ แม เฌา, แตห บอ เฆ ดูอี อาโมยว เฮา กอ นับ. โอว ดี ต็อห โหมว ทัม อี อืบ แม เฌาพรา, แตห ดูอี บอกาเฆลียด กอ ยึร.

10 โคว, แม เฌาพรา แฮะ มึห น็อห ร็อก กาเซา เย. แม ร็อก โตต ดอน โมยว อี กอย แดง กาดาย กอ ฌัม ฆางหราว. บอ นา หมาน นา หมึอม แม เฌา บอ โบง ปาย ตี เซเซ.

11 อึย แม เฌาพรา, แตห ดอน อี นับ แคะ ตาง อาพูง ดังโคว แม. แม เฌา แฮะ ตาง หลึอม โตต อี กอย แคง ฆางหราว. แม บอ อึบ โตต แดง กาดาย นี ดอน โปละ.