1 อึย แม เฌาพรา, โอว หมาณ, แตห แม กาเว โอว. โคว, ดูอี มัง อี, เฆ แฮะ คูงครัห โอว. เฆ บอ คาหนาบ โอว เซเซ.

2 ดอน ซีแง เฆ รันซู โอว บอ โดบ โอว. เฆ กืน บอ ปีคึก เฆ, กาโฆห ดี โอว.

3 ดอ โยว โอว ตี, โอว บอ บึง แม เฌาพรา.

4 โอว บอ บึง เฌาพรา บอ อืบ โฆรห อัน เฌา, อาว ฮู มึห ดี โลว โยว มาเซ. ดูอี มืร ตู ปึอน ปาย เหมา ดี โอว.

5 เซเซ เฆ บอ กาเบลียะ โฆรห โอว บอ คราม ดี โบง นา ตู หมึอม ดี โอว.

6 เฆ บอ ลาย ซังคยาง, บัร ดี ยอด, แตห เฆ นับ นา ฮาว โอว, แตห เฆ บอ บัร ดี ง็อห อาซาก โอว.

7 ดูอี ฌึร ตี, แม เฌาพรา, แกวะ แตห เฆ ลอด คัม หมาบ เฆ. แตห แม เฌาพรา รู ดี เฆ, แวน รันซู โอว, แตห เฆ ชึม โตต.

8 แม เฌา, แกวะ แตห แม ปีว ดูก โอว. แกวะ แตห แม เฌา ปีว แคะ กืน อึม งาย โอว. แตห แม แดม อูน แคง ฌาราง ลอง อึม งาย โอว ตี.

9 ดอ ซาคึร หมาณ โอว ดี แม เฌาพรา, เฆ รันซู โอว ดี วี กาบัด วีว นา ปัน. ปาย ตี, โอว ดี บอ นับ, เฌาพรา แฮะ กอย รึม โดบ โอว.

10 โอว บึง เฌาพรา บอ อืบ โฆรห อัน เฌา.

11 โอว บึง เฌาพรา, โอว มืร ตู โยว มาเซ. ดูอี ตู ปึอน ปาย เหมา ดี โอว.

12 อึย แม เฌาพรา, แคะ ปี ดึอม กาแซณ โอว, โอว มืร ดี โบง. โอว ดี หลู ปี ดี หลู อี ดาง ฆูง เฆฌู ดี แม เฌาพรา.

13 โคว, แม เฌาพรา แฮะ คยอด โอว, แกวะ แตห โอว ยัม. แม เฌา มืร แฮะ จอย โอว, แกวะ แตห โอว เกห. แม เฌา แฮะ วี แตห โอว ปึอน ดี กอย รึม โดบ ดูอี อีม, แตห โอว วี กอย โดง บลาง อี ดัว อาซาก กามาย ดี อี, อี มูห โดง กอย แม เฌา.