คาน 54
ปี ซาคึร แตห เฌาพรา ฆ็อง แร รันซู
อาดาวีด แฮะ แดม โหมว อี โดบ แมง มาซาคี นี ดอ มึห ดูอี ฌีพีม อี ฮาว กาลาง ดี อาซอลู ต็อห, “อาดาวีด กอย โดง กอย เอ นี.” แตห ดา อี แยต เฆ อี ต็อห โหมว นับ, โลว บัห บอ ดีง.
1 อึย แม เฌาพรา, โอว หมาณ, แตห ปวน แม เฌา คยอด โอว. แตห อึณ ลึห ซีคยา ลอง ตู มึห โอว หมาบ.
2 อึย แม เฌาพรา, โอว หมาณ, แตห แม เฌา โทม โฆรห ปี ซาคึร โอว นี.
3 โคว, เฆ ดูอี อี ปีคึก ปีพูง เฆ, เฆ แฮะ ต็อห ดี กาโฆห ดี โอว. เฆ ดูอี ฮาย, อี ตู โรวเซ แม เฌา, เฆ บอ เหรต ดี ง็อห ยัม โอว.
4 โอว แฮะ นับ, เฌาพรา อี ดี จอย โอว. อัน เฌา บอ มูห อี บัร อาซาก โอว.
5 แตห เฌาพรา โบง เวียะ นา ตู หมึอม ดี เฆ รันซู โอว. โกบ มึห แม เฌา น็อห ซืร, แตห แม เฌา ปยาต แวน เฆ.
6 โอว ดี หลู กืน แคะ มึห โอว น็อห ซี หลู ดี แม เฌาพรา. โอว ดี อืบ แม เฌา โคว, อึณ แบน นา หมึอม ดี โอว.
7 โคว, แม เฌาพรา แฮะ โบง แตห โอว เลห แคง ดูก ดอน โมยว. โอว ดี บอ ยึร ดอ ชึม รันซู โอว.