1 เฆ ดูอี รึร บอ กาพา แคง น็อห เฆ ต็อห, “อาว มึห เฌาพรา.” แคง น็อห เฆ อาว มึห อี หมึอม, แฮะ ฮอต ลึร โตต. เฆ บอ โบง อี หมึอม กาอีห กาเซา. อู วี มืร อาว มึห อี โบง นา บอด นา หมึอม.

2 เฌาพรา บอ กอย แคง ฆางหราว ยอด โลง เฆ ดูอี, โยว อึณ มึห ดูอี อี มึห อางยาน, อี ซี โทม โฆรห เฌาพรา.

3 แคะ กอย ดูอี บอกาเฆลียด แฮะ กาลึบ โตต ดอน อี. อาว มึห อี โบง นา บอด นา หมึอม คอ อู วี.

4 เฆ ดูอี มืก ดูอี ฮาย ตี, เฆ มืร ตู มึห อากยาม อางยาน. เฆ บอ ง็อห แวน ดูอี อี หณึม โอว, แตห อึณ ปี เฆ โฮม คามูน. เฌาพรา มืร, เฆ ตู นับ ดี ซาคึร.

5 เฆ กอย โดง กอย เฆ บอ โยว ดียูห ดีเยณ. เฆ ตู ดึอม โยว แคะ ตี. โคว, เฌาพรา ดี บอ ดึห เฆ, แตห เฆ ยัม จาว, แกวะ แตห กาอาง เฆ กอย แคง บาเรว. เฆ บอ ชึม ซาเร, แตห เฆ ซาย อี โกบ แฮะ แวน เฌาพรา ดี เฆ.

6 โอว หมาณ, แตห อึณ มึห อี จอย อี คยอด ดูอี อีซาเรลัะ, แตห อัน ตัห ดี นอน ฌีโอน. แปะ แฮะ พาด รันซู ดอน โมยว ดี ดูอี อี บึง เฌาพรา, เฌาพรา ดี วี ดัว เวียะ ดี เฆ. ดอ อัน ตี แตห เฆ ดูอี อาโมยว อาโกบ วี โคย, แตห เฆ ดูอี อีซาเรลัะ วี ดาคึย กาเซา.