1 แกวะ แตห อึณ ดูก อึณ หณาบ ดี น็อห เบ โกบ เฆ ดูอี ฮาย. แกวะ หลัยะ เฆ อี โบง นา ตู หมึอม.

2 อาว เหลณ เฆ ดี หราย ปี เปต. เฆ ดี ปี เดา อี เฮียะ กาฮ็อห. แฮะ ฮอต, อาว ฮู มึห.

3 แตห เบ บึง เฌาพรา บอ โบง นา บอด นา หมึอม. อึณ ดี แตห เบ กอย ซีคยา แคง มืง ปี อึบ เฌาพรา.

4 เซ เบ ดาคึย ดี โบง ปี อึง เฌาพรา, อัน เฌา ดี บอ ดัว แคะ ปี ซี ปึอน น็อห เบ.

5 ลอง ปี กาพา เบ นา อาต ดี ปาย เหมา, แตห เบ บึง เฌาพรา. อัน เฌา ดี บอ โบง แตห อึณ เฌะฌูง โตต ดอน โมยว.

6 เฌาพรา ดี แตห อึณ ลึห ลอง น็อห ซืร เบ, แตห อึณ ปี อี ยึร บลาง ซีแง. นา หมาน ปี โบง เบ, อัน เฌา ดี แตห อี ยึร, แตห อึณ ปี บลาง ดอ กาแต ซีแง.

7 แตห เบ กอย เยน เยน. แตห เบ หน็อะ เฌาพรา, แกวะ โดบ น็อห กาฮัวะ น็อห แหม เบ. แกวะ แตห อึณ แบน น็อห กาฮัวะ ดี เบ, เซ เบ ยึร ดูอี ครัม อี โบง นา ตู หมึอม, อี โดบ ปี อึง เฆ.

8 แตห เบ โอด น็อห รู, แวน น็อห จาว. แกวะ แตห อึณ แบน น็อห กาฮัวะ ดี เบ. โคว, อึณ ดี แตห เบ ฌัม ดูก.

9 เฌาพรา ดี แวน เฆ อี โบง นา ตู หมึอม. เฆ อี บึง เฌาพรา, เฆ ยี ปึอน ดี กอย ซีคยา แคง มืง แปะ แฮะ ดัว เฌาพรา ดี เฆ.

10 อาว เหลณ อู กาจัน เฆ อี ฮาย, เฆ ดี หราย โตต. เบ ปี บอ วี เหรต เฆ, อาว ฮู นับ ดี ยึร.

11 เฆ อี มึห น็อห โฆม, เฆ ยี ปึอน กอย แคง มืง แปะ แฮะ ดัว เฌาพรา ดี เฆ. เฆ ดี บอ โบยว ดาคึย โกบ แบน โมยว แบน โมยว ปี ดัว เฌาพรา ดี เฆ.

12 เฆ ดูอี ฮาย, เฆ คราม ดี โบง กาบัห ดี ดูอี หมึอม. เฆ ดี บอ ฌ็อง ดี มัม ดี ดูอี หมึอม ตึอน.

13 เฌาพรา วี เอว กาณัห เฆ. อัน นับ, อาว เหลณ เฆ ดี ฌัม ดูก.

14 เฆ ดูอี มืก บอ ทอด มาปัวะ ลาง เฆ บอ วีต อัะ เฆ, ต็อห ดี ง็อห ยัม เฆ ดูอี ฆีน ปี คาหนาบ เฆ. เฆ ซี ง็อห ยัม บอ เฆ อี โบง นา หมึอม.

15 มาปัวะ ลาง เฆ ตี ยี วี ซัด โดว บรีม เฆ, แตห เฆ ยัม. อัะ เฆ บอ กาบัก ลึร โตต.

16 เฆ ดูอี อี มึห น็อห ซืร, เฆ ยี ตู มึห กืน โกรวกราม. แคะ มึห เฆ ยี หมึอม หลึอม โกรวกราม กืน ปี อูน เฆ ดูอี ฮาย.

17 โคว, เฌาพรา ดี บอ ดึห แวน ปวน เฆ ดูอี ฮาย. อัน ยี ดี แร ดี ฆ็อง เฆ ดูอี หมึอม.

18 เฌาพรา บอ โนว บอ นับ โตต ลอง เฆ อี โทม โฆรห อัน. คาฆูน แปะ แฮะ ดัว เฌาพรา ดี เฆ, อึณ ดี กอย เซเซ.

19 ดอ ฌัม อาคราว ตู หมึอม, เฆ ตู โลว คัม อี หมึอม ซาย ปี อี เฮา. ดอ ฌัม อาคราว เอต ปี ดี โฮม, เฆ ดี มึห หลึอม ปี โลว เฆ.

20 เฆ ดูอี ฮาย, เฆ ดี ลึร ชึม โตต ปี โบห อี ชีด แคง แปร. อาว เหลณ แฮะ หราย. เฆ ดี บอ หราย ปี ดัก เงา.

21 เฆ ดูอี ฮาย, เฆ นับ ดี การ็อห ดี อี, เฆ ยี ตู ซี วี เวียะ. เฆ ดูอี หมึอม เฆ ยี มึห น็อห ดีฮาง, นับ ดี กาเว อี, ดัว ดีโลย ดี อี.

22 เฆ ดูอี อี ปึอน ปี ม็องการา ดัว เฌาพรา, เฆ มึห คาฆูน แคง มืง ปี ดัว เฌาพรา เซเซ. เฆ ดูอี ปี เอห ปี ดืง เฌาพรา, เฆ ยี โลว คัม ดูก. โคว, เฌาพรา ดี แวน เฆ.

23 เฌาพรา โบยว ดี แยต ดูอี. อาเซ โบง อี ล็อะ น็อห เฌาพรา, อัน ปึอน ดี กอย ซีคยา.

24 อัน ปี บอ ดีปลาด, อัน ยี ตู เกห. โคว, เฌาพรา ดี ปา อัน.

25 ซีณ ดอ หนึม กอ ฌัม ปัน กัด โอว ดอ ตี นี, โอว ตู ดึอม ยึร เฌาพรา เบลห แวน ดูอี หมึอม. โอว มืร ตู ยึร หลูกหลาน อัน โลว หมาณ ดี โฮม ดี อี เฮา.

26 ดูอี หมึอม ฌึร ตี, อัน นับ ดี ดัว อี การ็อห ดี อัน, บอ ดัว ดีโลย ดี อี. บอ หลูกหลาน อัน ปึอน ดี ม็องการา ดัว ดี อี.

27 แตห เบ แวน อี ตู หมึอม, วี โบง นา หมึอม. เซ เบ โบง ปาย ตี, หลูกหลาน เบ ดี ปึอน ดี กอย ดาคึย เซเซ แคง มืง ปี ดัว เฌาพรา.

28 โคว, เฌาพรา อึง ดี โบง นา บอด นา หมึอม. อัน บอ ร็อก กาเว เฆ, ตู เบลห ตู แวน เฆ ดอ เหมา. อัน บอ แร บอ ฆ็อง เฆ เซเซ. หลูกหลาน เฆ ดูอี มืก, อัน ยี แวน.

29 เฆ ดูอี อี มึห น็อห ซืร, เฆ ดี ปึอน คาฆูน ปี ดัว เฌาพรา ดี เฆ. เฆ ดี บอ กอย ดี ตี เซเซ.

30 ดูอี อี โบง นา หมาน, อัน กาลาง โฆรห อี มึห อางยาน. โฆรห อี เลห แคง โมต อัน, อึณ บอ การัม, ตู ร็อก ตู ฌ็อง อาเซ.

31 โฆรห เฌาพรา บอ กอย แคง น็อห อัน. อัน บอ โบง มาเซ, อัน ตู กาลึบ.

32 เฆ ดูอี ฮาย ยี บัร ดี ง็อห เฆ ดูอี บอด.

33 เฌาพรา ยี ตู อาบ ดูอี บอด ตี ดี เฆ. อัน ตู แตห เฆ ดัม หมาบ ดี เฆ ดูอี บอด ดอ ซูงพยาด อัน อามู เฆ.

34 แตห เบ หน็อะ อึณด็อะ เฌาพรา บอ โบง ปี อึง อัน. อัน ดี มยูก เบ, แตห เบ ปึอน ดี กอย แคง มืง ปี ดัว เฌาพรา. เบ ดี บอ ยึร เฆ ดูอี ฮาย ลึร ชึม.

35 โอว แฮะ ดึอม ยึร เฆ ดูอี ฮาย อี แฮะ ปีคึก น็อห เฆ. เฆ แฮะ ปีจา น็อห เฆ แตห อึณ ปี เฮ อารีด ตาง อี กอย ดี นอน เลบานูน.^a

36 วาย ตี, ดอ วี ตัห ว็อะ โอว, อาว ฮู มึห. โอว วี เหรต เฆ มืร, อาว ฮู ยึร.

37 แตห เบ บัร ดี ยอด เฆ ดูอี อี ซีคยา บอ ดูอี อี มึห น็อห ซืร. เฆ ดี มึห หลูกหลาน อี แตห ครึร เฆ กอย เซเซ.

38 หลูกหลาน เฆ อี โบง นา จีจีว, เฆ ยี ชึม.

39 อึณ มูห เฌาพรา อี นับ ดี คยอด ดูอี หมึอม. ดอ ฌัม เฆ ดูก, เฆ ดี บึง อัน เฌา.

40 เฌาพรา บอ จอย เฆ, แตห เฆ ลอด ดี ดูอี ฮาย. โกบ บึง เฆ ดี อัน, อัน เฌา บอ คยอด เฆ.