1 เซ ดูอี ฮาย โบง หมาบ, อึณ แตห อัน กาพา แคง น็อห ต็อห, “อาว มึห ดี โลว โยว เฌาพรา.”

2 อัน บอ นับ ดี ปีพูง อัน บอ ทาง, อาว มึห อาเซ อี ยึร หมาบ อัน ตี, อาว มึห อาเซ อี ต็อห, อึณ หมึอม กาอีห.

3 อัน บอ กาลาง โฆรห ฮาย, โฆรห กาโลว. อัน ตู มึห อางยาน, ตู นับ ดี โบง นา หมาน นา หมึอม.

4 อัน บอ กอย โดง อีด อัน เฌณฌา มี นา ตู หมึอม เซเซ. แคะ ปี โบง อัน, อาว มึห อี บอด อี หมึอม. อัน ตู นับ ดี กาอีห นา ตู หมึอม.

5 อึย แม เฌาพรา, แม นับ ดี ร็อก กาเว เย เซเซ. แม ร็อก โตต ดอน โมยว อี กอย แดง กาดาย กอ ฌัม ฆางหราว. แม บอ ร็อก กาเว เย เซเซ, ตู ปีว ดอ เหมา.

6 แม เฌา นับ ดี โบง นา หมาน นา หมึอม เซเซ, ตู บยอง ดอ เหมา. อึณ บอ ปี นอน ตาง แปะ แฮะ โบง แม. ปี ซูงพยาด อูน แม เฌา แฮะ ลึก กาเซา. อึณ บอ ปี กาดัม อึม นัมมูกซารา. แม เฌา ยอด แมน บอ ดูอี บอ โดว ซัดดาวา.

7 ปี ร็อก กาเว เฌาพรา ดี เย, อึณ หมึอม กาเซา ปี โกรว อี บอด, อี ง็อห ตาง. บอ เฆ ดูอี บอกาเฆลียด ดี บึง ปวน แม เฌาพรา. เฆ ปี ฆอน มาซีม อี กอย ครึม เพียง มา อัน.

8 ปี ดัว แม เฌาพรา ดี เย แบน โมยว แบน โมยว, อึณ ปี, เย ปึอน ดี โฮม บลอย ตาง แคง กาง แม เซเซ. บอ น็อห โบยว ดาคึย ปี ดัว แม ดี เย, อึณ ปี, แม แตห เย เดียง อึม เฆียด ดี แบลง อึม อี ตู นับ ดี ฮีด.

9 โคว, แม เฌา มูห อี ดัว อาซาก ดี ดูอี. เย บอ ปึอน ดี กอย แคง บลาง, โกบ บลาง ปี ดัว แม เฌา.

10 โอว หมาณ, แตห แม เฌาพรา ร็อก เซเซ เฆ อี นับ แม เฌา. แตห แม เฌา คยอด เฆ เซเซ อี มึห น็อห ซืร น็อห หมาน.

11 โอว บอ หมาณ, แกวะ แตห เฆ ดูอี ปีคึก ปึอน ดี อึบ โอว ปี เฆ แณต โอว. แกวะ แตห เฆ ดูอี มืก ปึอน ดี ซูต เตา โอว.

12 แตห เบ ยอด เฆ ดูอี มืก เฆ ดี เกห ยัม โตต. เฆ มืร ตู ปึอน ดี วี ยีต ดอ เหมา.