1 อึย แม เฌาพรา, แตห แม ซูงพยาด นา หมาน นา หมึอม. แตห แม เฌาพรา โนว โฆรห ปี ซาคึร โอว. โอว มืร มึห น็อห ซืร, ตู กาโลว. แตห แม เฌา โทม ปี หมาณ โอว อี เลห แคง น็อห โอว ตี.

2 แตห แม เฌา ยอด แคะ ซืร น็อห โอว, แตห แม บอ ซูงพยาด นา หมาน.

3 แม ดี บอ ตัห ยอด, ตัห เทว น็อห โอว ดอ กาแต ซึอม, แม เฌา มืร ตู ยึร มาเซ นา ตู หมึอม แคง น็อห โอว. โอว มืร แฮะ อูน น็อห, ตู กาลาง โฆรห ตู หมึอม.

4 โอว ตู โดบ ปี โบง เฆ ดูอี เฮา. โอว มืร โทม โดบ โฆรห แม เฌาพรา, ตู โบง โดบ ปี เฆ ดูอี ฮาย, อี หมึอม โยว.

5 โอว ฮาว นา เหมา, โอว มืร แฮะ โดบ ซีคยา ดารา แม เฌา, แกวะ แตห โอว กาลึบ.

6 โอว ซาคึร ดี แม เฌาพรา, โกบ โทม แม ปี ซาคึร โอว. โอว บอ หมาณ, แตห แม ดัว ปี หมาณ โอว.

7 อาเซ ซี บึง แม เฌา, แม เฌา บอ จอย แตห อัน เลห ตัะ ดูก ปี โบง รันซู ดี อัน. โอว หมาณ, แตห แม เฌา คยอด เฆ. น็อห ร็อก กาเว แม, อี หมึอม อาม กาเซา, แตห อึณ บอ ลึห ดี เฆ.

8 โอว หมาณ, แตห แม เฌา ยอด แมน โอว, แตห อึณ ปี แม เฌา ลึมลา งาย แม. แตห โอว กอย ซีคยา โดบ แม, แตห อึณ ปี มาซีม แฮะ กอย ครึม เพียง มา อัน.

9 แตห โอว ลอด ตัะ เฆ ดูอี อี ฮาย กาเซา อี คาหนาบ โอว, บอ ดี เฆ รันซู อี กาโรบ โอว, ต็อห ดี ง็อห ยัม โอว. แกวะ แตห เฆ ยึร โอว.

10 เฆ ดูอี ฌึร ตี, เฆ ตู นับ ดี กาเว อี. เฆ บอ ปีพูง เฆ บอ กาลาง มี โฆรห ตู หมึอม.

11 โอว ฮาว นา เหมา, เฆ บอ แฌด ดี ยอด ปัน โอว. ดอ ตี นี, เฆ แฮะ บัร ดี กาโรบ โอว, แตห เฆ ปึอน ดี เหมต โอว. เฆ บัร ดี ยอด เซเซ, แตห เฆ แป โอว.

12 เฆ บอ ปี มาครังซี อี แฮะ กาปราณ กาเซา ปี ดี โฮม, อี กอย แคง แปร กาหลึบ, ซี กายาต ดี โฮม ยัง อี.

13 อึย แม เฌาพรา, โอว หมาณ, แตห แม เฌา ฮาว แคร เฆ, แตห เฆ ชึม. แตห แม เฌา จอย โอว, แตห แม ตา มาปัวะ ลาง แม, แตห โอว ลอด ตัะ เฆ ดูอี มืก ตี.

14 โอว หมาณ, แตห แม เฌา จอย แตห โอว ลอด ตัะ เฆ ดูอี ฌึร ตี. เฆ นับ มี ลอง แดง กาดาย นี, มึห มี อาฆยึร แดง กาดาย นี. อึณ ยี มูห ดูอี ปี ร็อห แม, แตห แม เฌาพรา ดัว เฆ โฮม แพ, แตห เฆ มึห โกรวกราม กืน, แตห เฆ บอ มึห ดี ดัว บอ ดี หลูกหลาน เฆ.

15 อี มูห โอว, โอว ดี โบง นา บอด นา หมึอม แตห โอว ปึอน ดี ยึร แม เฌา. ดอ วี อึณซึห โอว, แม เฌา ดี บอ กอย โคบ โอว, แตห น็อห โอว ดาคึย.