1 อึย แม เฌาพรา, โอว หมาณ, แม แร, แม ฆ็อง โอว โกบ บึง โอว ดี แม.

2 โอว ต็อห ดี แม เฌาพรา, “แม มูห เฌาพรา ปี กรึบ โอว. แคะ มึห โอว นา บอด นา หมึอม, อึณ บอ มูห โตต ปี ดัว แม เฌา ดี โอว.”

3 อึณ บอ มึห เฆ อี หณึม ซีคยา แม เฌา, เฆ มูห ดูอี บอด, ดูอี หมึอม คาคัร. เซ โอว ปึอน ดี กอย รึม โดบ เฆ, อึณ บอ ล็อะ น็อห โอว.

4 เฆ อี ออน ดี กรึบ เฌาพรา แบน กาดัง แบน กาดัง, เฆ ดี บอ แว ดูก กาเซา. โอว มืร ตู หลู หนาม โดว ซัดดาวา โดบ เฆ. บอ จืร เฌาพรา แบน กาดัง แบน กาดัง ปี กรึบ เฆ ตี, โอว ตู ซี กาลาง, ตู ซี แตห อึณ เลห แคง โมต โอว.

5 แม เฌาพรา, แม มูห เฌาพรา ปี กรึบ โอว. แม แฮะ ดัว โตต ดอน โมยว แคะ ปี โลว โอว. อี ดี แบน นา อาต นี ดี โอว, แม เฌา มืร แฮะ นับ โตต.

6 แปะ แฮะ ดัว แม ดี โอว, อึณ แฮะ หมึอม กาเซา. โอว แฮะ ปึอน คาฆูน อี บอด, อี หมึอม.

7 โอว ดี อืบ แม เฌาพรา. แม แฮะ ดัว อากยาม อางยาน ดี โอว. กาแต ซึอม น็อห พึอม โอว บอ วี มาโนว โอว, แตห โอว นับ.

8 โอว ดี โหลห แม เฌาพรา เซเซ. แม กอย รึม โดบ โอว, แกวะ แตห โอว โลว โยว มาเซ.

9 โกบ อึณ ปาย ตี, แคง น็อห โอว ดี บอ ซีบลาง. พึอม โอว ดี บอ ดาคึย. บอ โดว โบ็ง โอว ดี บอ กอย ฆยามซา.

10 โคว, แม เฌา ตู แวน โอว แคง มืง มารานัะ. ดูอี อี ซีงา บอด, แม เฌา มืร ตู แตห อัน ยัม.

11 แม เฌา แฮะ แหน อึณเตณ อี แตห โอว อีม. โดง กอย แม เฌา ดี บอ โบยว ดาคึย กาเซา. เซ แม กอย โดบ โอว, บอ โอว แฮะ ดาคึย เซเซ.