1 วาย อัน ตี อึณ บอ มูห ดา ตาง หลู ดี เฌาพรา อี จืร อาเอลาเซบ บอ เฆ บีนอง อัน อี มูห ดา อี หลู ดี เฌาพรา, เฆ วี จูห ดี วี โฆว วี อึณปราย มาโลห แรง มืง อี จืร มาโลห มาบู. แฮะ ฮอต, เฆ บอ หลู บลัะ มาโลห บอ ฮับ ดี มา มาโลห. เฆ บอ วี โบง ฮาว แรง มืง, แตห อึณ กอ ฌัม ดี โฮว จา อี จืร โฮว จีเมอา, วี โบง ฮาว ฌัม ดี โฮว จา อี จืร โฮว จีฮานาเนลา. แฮะ ฮอต, เฆ บอ หลู. 2 เฆ อี วี ซืบ ฮาว ดี ตี, อึณ บอ มูห ดูอี อี ตัห แคง มืง เยรีโคว. อี วี ซืบ เฆ ตี บอ วี มูห อาฌากูรา อี มูห ฆอน อาอีมารี.

3 เฆ หลูกหลาน อาฮาเซนา ปี วี อึณปราย มาโลห อี จืร มาโลห ฆา. เฆ บอ วี ฮับ มา มาโลห บอ บลัะ มาโลห. เฆ ฮับ บอ คัดเซา บอ แซ อัน. 4 อี วี ซืบ ฮาว ดาม ดี ตี, บอ วี มูห อาเมเรมูด อี มูห ฆอน อาอูรียา บอ หลาน อาฮาโคด ตึอน. อี วี ซืบ ดาม อัน ตี บอ วี มูห อาเมซูลัม อี มูห ฆอน อาเบเรก บอ หลาน อาเมจาเบน. อัน บอ วี โฆว วี โบง ฮาว. อี วี ซืบ ดาม อัน ตี บอ วี มูห อาฌาโดก อี มูห ฆอน อาบานา. 5 อี วี ซืบ ดาม ดี ตี บอ วี มูห เฆ ดูอี อี ตัห แคง มืง เดกอ. มาแล, เฆ อี มูห ดา ตาง แคง มืง ตี, เฆ ยี ตู โบง ตู จอย มาเซ. โคว, เฆ ตู คัม ปี จัร ดา อี อึบ ฆาน ตี.

6 อาเยฮอยาดา อี มูห ฆอน อาพาเซยา บอ อาเมซูลัม อี มูห ฆอน อาเบซอคียา, เฆ บอ วี อึณปราย มาโลห อี จืร มาโลห บรีม ตึอน. เฆ บอ วี ฮับ มา มาโลห, บอ บลัะ มาโลห, ฮับ บอ คัดเซา บอ แซ อัน. 7 อาเมลัะ อี ตัห แคง มืง กีปอง บอ อายาโดน อี ตัห แคง มืง เมรอนอด บอ เฆ ดูอี แคง มืง กีปอง อี มูห ดูอี ปี อึบ ดา กาณา อี กอย บลาก นา เฆต ซีแง อึม แบลง อูพาราด, เฆ บอกาเฆลียด บอ วี โฆว วี โบง ฮาว. 8 ดา อี นับ ดี จึม ครีว อี จืร อาอูซีเอน, อี มูห ฆอน อาฮัะฮายา, อัน บอ วี โฆว วี ซืบ ฮาว ดี ตี. ดา ซารา อี นับ ดี โบง นามัน อูห หงูน อี จืร อาฮานานียา, อัน ปี บอ วี ซืบ ดี ตี. เฆ วี โฆว โบง แตห แรง มืง เยรูซาแลม กอ ซีคยา, แตห กอ วี ฌัม ดี โดง อี จืร แรง กาว็อห. 9 อี วี ซืบ ดี ตี บอ วี มูห อาเรพายา อี มูห ฆอน อาฮูรา. อัน มูห ดา กาณา อี อึบ มืง เยรูซาแลม อาดา อู บลาก. 10 อายีตายา อี มูห ฆอน อาฮารูมาบ บอ วี ซืบ ดี ตี, บอ วี โฆว วี โบง ฮาว โดง กอย กาซืร กาง อัน ตึอน. อี วี ซืบ ดาม อัน ตี, อึณ บอ วี มูห อาฮาดูด อี มูห ฆอน อาฮาซาบานี. 11 อามาลาคียา อี มูห ฆอน อาฮารีม บอ อาฮาโซบ อี มูห ฆอน อาบาฮาดโมวอาบ, ฆาย ปี บอ วี โฆว วี โบง ฮาว บอ อึณปราย โฮว จา อี กอย โดง มึห กาฟาง เงา. 12 อาซาโลม อี มูห ฆอน อาฮาลอ อี มูห ดา กาณา อี อึบ มืง เยรูซาแลม อาดา ปอ อู บลาก, อัน บอ วี โฆว วี โบง ซืบ ฮาว ดี ตี. ฆอน ดีบยา อัน มืร จอย อัน.

13 อาฮานูน บอ เฆ ดูอี แคง มืง จานอ, เฆ บอ วี โฆว วี โบง บาง มาโลห อี กอย โคบ ดีลัยะ. เฆ บอ วี ดึห มา มาโลห บอ บลัะ มาโลห วี ฮับ. เฆ บอ ฮับ คัดเซา บอ แซ อัน. เฆ บอ วี โบง บอ แรง มืง อี โต็ง อาดา อู แหรณ กานีห. อึณ กอ วี ฮาว ฌัม ดี มาโลห อี จืร มาโลห เอียง มัก.

14 อึณ ยี มูห อามาลาคียา อี มูห ฆอน อาเรคาบ, อัน มูห ดา กาณา อี อึบ โดง จืร เบดฮาคารีม. อัน บอ วี โฆว วี โบง มาโลห อี จืร มาโลห เอียง มัก ตี. อัน บอ วี ฮับ บอ บลัะ มาโลห บอ คัดเซา บอ แซ อัน.

15 อาซาโลม อี มูห ฆอน อากอลาฮาจา อี มูห ดา กาณา อี อึบ มืง มีฌาพา อาดา อู บลาก, อัน บอ วี โฆว วี โบง มาโลห อี จืร มาโลห โตห อึม. อัน บอ วี ตับ มาโลห ตี, บอ ฮับ บอ มา มาโลห บอ บลัะ มาโลห, ฮับ บอ คัดเซา บอ แซ อัน. ดี อึม ดึง อี จืร อึม ดึง เซลัะ ตึอน, อัน บอ อึณปราย แรง มืง อี กาดึก ดี กาปึม คูนดีคัม. อัน บอ โบง ฮาว, แตห อึณ กอ วี ฮาว ฌัม ดี อึณแตง อี โลง ดี มืง อาดาวีด ตึอน. 16 อี วี ซืบ ดาม ดี ตี, อึณ บอ มูห อาเนฮามี อี มูห ฆอน อาจาบูก. อัน บอ มูห ดา กาณา อี อึบ มืง เบดฌูรา อาดา อู บลาก. อัน บอ วี โบง ฮาว กอ วี ฌัม โดง กาซืร ดี บาเรว อาดาวีด บอ อึม ดึง ปี โบง อูน เฆ บอ โดง กอย กาง เฆ ดา ซึก.

17 อี วี ซืบ ดาม ดี ตี บอ มูห ดูอี ครึร อาเลวี. อึณ บอ มูห อาเรฮูม อี มูห ฆอน อาบานี อี แยต เฆ. อาฮาซาบี อี มูห ดา กาณา อี อึบ มืง ฆีลัะ, อัน ปี บอ วี โฆว วี โบง ฮาว แคะ ปี โลว โบง เฆ ดูอี แคง มืง ปี อึบ อัน. 18 เฆ บีนอง อี กอย แคง มืง ฆีลัะ ปอ บลาก, บอ อาบาเว อี มูห ฆอน อาเฮนาตัะ, อี อึบ มืง ฆีลัะ อาดา ปอ อู บลาก ตึอน, เฆ ปี วี โฆว วี ซืบ ฮาว ดี ตี. 19 อาเอเฌน อี มูห ฆอน อายอซู, อัน มูห ดา กาณา อี อึบ มืง มีฌาพา. อัน ปี วี โฆว วี ซืบ ฮาว อาดา อู ปอด. อัน บอ จูห นา อาต โดง อูน เฆ ครึง กาโฆห กอ วี ฌัม ดี กาโตะ แรง มืง ตึอน. 20 อาบารัก อี มูห ฆอน อาจาเบ, อัน วี โฆว วี ซืบ ฮาว. อัน บอ จูห ดี กาโตะ แรง มืง ตี, กอ วี ฮาว ฌัม ดี บาง มาโลห กาง ดา ตาง อี หลู ดี เฌาพรา อี จืร อาเอลาเซบ. 21 อาเมเรมูด อี มูห ฆอน อาอูรียา บอ หลาน อาฮาโคด ตึอน, อัน วี โฆว วี ซืบ ฮาว. อัน บอ จูห ดี บาง มาโลห กาง อาเอลาเซบ ตึอน, กอ วี ฮาว ฌัม ดี กาโตะ กาง อัน.

22 เฆ ดา อี หลู ดี เฌาพรา อี กอย แคง ฆลัง, เฆ วี โฆว วี ซืบ ฮาว ดาม ดี ตี. 23 อาเบนยาม บอ อาฮาโซบ วี โฆว วี ซืบ ฮาว กาซืร กาง ฆาย. อี วี ซืบ ดาม ฆาย ตี, บอ มูห อาฌารียา อี มูห ฆอน อามาอาเซยา บอ หลาน อานานียา, บอ อัน วี โฆว วี โบง ฮาว อี กอย โคบ กาง อัน. 24 อาบีนูอี อี มูห ฆอน อาเฮนาตัะ, อัน ปี วี โฆว วี ซืบ ฮาว จูห ดี กาง อาฌารียา กอ วี ฮาว ฌัม ดี กาโตะ แรง มืง. 25 อาพาลัะ อี มูห ฆอน อาอูเจ ปี บอ วี โฆว วี ซืบ ฮาว. อัน บอ จูห ดี กาโตะ แรง มืง อี กอย กาตัด โฮว จา อี เครียะ โฮว คูนดีคัม กาตูะ กัว. อึณ บอ กอย กาตัด แวง กาปึม. อาเบตายา อี มูห ฆอน อาบาโรด วี ซืบ ฮาว ดี ตี. 26 บอ เฆ ดูอี อี โบง ฆาน แคง โฮว เฌาพรา, เฆ บอ วี ซืบ ฮาว. เฆ มูห ดูอี อี กอย โดง อี จืร ออพีลา. เฆ บอ โบง ฮาว ฌัม มาโลห อี จืร มาโลห อึม. โดง ตี, อึณ กอย บลาก นา เลห ซีแง ดี โฮว จา อี วี แปน เลห นา เรต. 27 เฆ ดูอี อี กอย แคง มืง เดกอ ปี วี โฆว วี ซืบ ฮาว อาดา อู ปอด. เฆ บอ จูห โดง ลาย กาซืร ดี โฮว จา อี วี แปน เลห นา เรต ตึอน, กอ วี ฮาว ฌัม ดี โดง จืร ออพีลา.

28 อี วี ซืบ ดาม ดี ตี, อึณ บอ มูห พึง เฆ ดา อี หลู ดี เฌาพรา. เฆ บอ วี โฆว วี โบง จูห ดี บาง มาโลห อี จืร มาโลห มังปร็อง วี โฮะ บลาก นา กัว. ดอน อี โบง กาซืร กาง อาเซ กาง อัน. 29 อี วี ซืบ ดาม เฆ ตี, อึณ บอ มูห อาฌาโดก อี มูห ฆอน อาอีเมรา. บอ อัน วี โฆว วี โบง ฮาว อาดา อู ปอด อี ลาย กาซืร ดี กาง อัน. อี วี ซืบ ดี ตี บอ มูห ดา ตาง อี บัร มาโลห อี จืร มาโลห นา เลห ซีแง. อัน จืร อาเซมายา อี มูห ฆอน อาเซคานี. 30 อี วี ซืบ ดาม ดี ตี, บอ มูห อาฮานานียา อี มูห ฆอน อาเซลามี บอ อาฮานูน อี มูห ฆอน อาฌาลาบ. อัน มูห ฆอน อาฌาลาบ วี อึณเดา. ฆาย บอ วี โฆว วี โบง ฮาว อาดา ปอ อู ปอด. อาเมซูลัม อี มูห ฆอน อาเบเรก, อัน วี โฆว วี โบง ฮาว อาดา อู ปอด อี กอย นา อาต กาง อัน. 31 อี วี ซืบ ดาม ดี ตี บอ มูห อามาลาคียา อี มูห ดา อี นับ ดี จึม ครีว. อัน บอ วี โฆว วี โบง ฮาว กอ วี ฌัม โดง กอย กาง เฆ อี โบง ฆาน แคง โฮว เฌาพรา. เฆ บอ วี โบง ฮาว ฌัม โดง กอย เฆ ดูอี อี ย็อง โกรว ดี บาง มาโลห อี มูห มาโลห โดง ฮับ เฆ ฌาราง ดูอี, บอ วี โฮะ ฌัม บลาก นา กัว กาโตะ แรง มืง. 32 เฆ ดา อี นับ ดี จึม ครีว บอ เฆ ดา อี ย็อง โกรว, เฆ วี โฆว วี โบง ฮาว. เฆ บอ วี จูห บลาก นา กัว กาโตะ แรง มืง ตึอน, วี โบง ฮาว แตห อึณ กอ วี ฮาว ฌัม มาโลห อี จืร มาโลห มาบู อี มูห โดง แฮะ จูห เฆ ดี อึณปราย แรง มืง ตี.