1 เฆ ดูอี อี แฮะ ดึอม กอย แคง มืง ยูดา อี แฮะ แบน กาดาย มืง ปี อึบ คูนดีคัม แคง มืง บาแบ, เฆ ดูอี แปะ แฮะ ดึอม เหมต ฮาว คูนดีคัม อาเนบูคัดเนจา อี กอย แคง มืง บาแบ ตึอน, เฆ แฮะ วี ตัห ฌัม แคง มืง เยรูซาแลม บอ แคง มืง ยูดา, เฆ บอ วี ฮาว โดง กอย บรีม เฆ วี เหมา วี อัน.

2 เฆ อี กาโดบ ตัห ตี, เฆ แฮะ โดบ อาเฌรูบาเบน บอ อายอซู, อาเนฮามี, อาเซรายา, อาเรลายา, อาโมวตาเก, อาบีฆาวี, อามีฌาบา, อาบีกาเว, อาเรฮูม บอ อาบานา. ดูอี เฆ ตี แฮะ แยต เฆ ดูอี เฮา.

ฌาราง เฆ ดูอี อีซาเรลัะ บอกาเฆลียด อี แฮะ วี ตัห แคง มืง เฆ, อึณ ปาย นี.

3 เฆ หลูกหลาน อาบาโรด เฆ กอย อา แหรณ ดี อู มาย็อห ดี บู ฆึร ดี อา วี.

4 เฆ หลูกหลาน อาเซพาดี เฆ กอย โอย มาย็อห ดี บู ฆึร ดี อา วี.

5 เฆ หลูกหลาน อาราฮา เฆ กอย บู มาย็อห ดี บู ฆึร ดี พัน วี.

6 เฆ หลูกหลาน อาบาฮาดโมวอาบ อี มูห อาโมยว อายอซู ฆาย อายอพัะ เฆ กอย อา แหรณ ดี ดา มาย็อห ดี ฆึร ดี อา วี.

7 เฆ หลูกหลาน อาเอลัม เฆ กอย อู แหรณ ดี อา มาย็อห ดี พัน ฆึร ดี พวน วี.

8 เฆ หลูกหลาน อาจาตูะ เฆ กอย ดีม มาย็อห ดี พวน ฆึร ดี พัน วี.

9 เฆ หลูกหลาน อาจาเค เฆ กอย บู มาย็อห ดี เดา ฆึร วี.

10 เฆ หลูกหลาน อาบานี เฆ กอย เดา มาย็อห ดี พวน ฆึร ดี อา วี.

11 เฆ หลูกหลาน อาเบเบ เฆ กอย เดา มาย็อห ดี อา ฆึร ดี โอย วี.

12 เฆ หลูกหลาน อาฌากาด เฆ กอย อู แหรณ ดี อา มาย็อห ดี อา ฆึร ดี อา วี.

13 เฆ หลูกหลาน อาตอนีกัม เฆ กอย เดา มาย็อห ดี เดา ฆึร ดี เดา วี.

14 เฆ หลูกหลาน อาบีฆาวี เฆ กอย อา แหรณ ดี พัน ฆึร ดี เดา วี.

15 เฆ หลูกหลาน อาตีน เฆ กอย พวน มาย็อห ดี พัน ฆึร ดี พวน วี.

16 เฆ หลูกหลาน อาตัะ อี มูห ครึร อาเฮจัะกี เฆ กอย ดีม ฆึร ดี ดา วี.

17 เฆ หลูกหลาน อาเบฌา เฆ กอย โอย มาย็อห ดี อา ฆึร ดี โอย วี.

18 เฆ หลูกหลาน อาโยวรา เฆ กอย อู มาย็อห ดี ฆึร ดี อา วี.

19 เฆ หลูกหลาน อาฮาโซม เฆ กอย อา มาย็อห ดี อา ฆึร ดี โอย วี.

20 เฆ หลูกหลาน อาฆีบา เฆ กอย ดีม ฆึร ดี พัน วี.

21 เฆ ดูอี แคง มืง เบดแลม, เฆ กอย อู มาย็อห ดี อา ฆึร ดี โอย วี.

22 เฆ ดูอี แคง มืง เมตอพา เฆ กอย พัน ฆึร ดี เดา วี.

23 เฆ ดูอี แคง มืง อานาโทด เฆ กอย อู มาย็อห ดี อา ฆึร ดี ดา วี.

24 เฆ ดูอี แคง มืง อาฌามาวีด เฆ กอย พวน ฆึร ดี อา วี.

25 เฆ ดูอี แคง มืง กีรียาดยารีม, มืง เคพีรา บอ มืง เบรอซี เฆ กอย บู มาย็อห ดี พวน ฆึร ดี โอย วี.

26 เฆ ดูอี แคง มืง รามา บอ ดูอี แคง มืง ฆีบา เฆ กอย เดา มาย็อห ดี อา ฆึร ดี อู วี.

27 เฆ ดูอี แคง มืง มีกมาด เฆ กอย อู มาย็อห ดี อา ฆึร ดี อา วี.

28 เฆ ดูอี แคง มืง เบดาเอน ฆาย มืง อายี เฆ กอย อา มาย็อห ดี อา ฆึร ดี โอย วี.

29 เฆ ดูอี แคง มืง เนปอ เฆ กอย พัน ฆึร ดี อา วี.

30 เฆ ดูอี แคง มืง มาฆาเบด เฆ กอย อู มาย็อห ดี พัน ฆึร ดี เดา วี.

31 เฆ ดูอี แคง มืง เอลัม ปอ อู มืง เฆ กอย อู แหรณ ดี อา มาย็อห ดี พัน ฆึร ดี พวน วี.

32 เฆ หลูกหลาน อาฮารีม เฆ กอย โอย มาย็อห ดี อา ฆึร วี.

33 เฆ ดูอี แคง มืง ลอตา, มืง ฮาดีด บอ มืง ออนอ เฆ กอย บู มาย็อห ดี อา ฆึร ดี พัน วี.

34 เฆ ดูอี แคง มืง เยรีโคว เฆ กอย โอย มาย็อห ดี พวน ฆึร ดี พัน วี.

35 เฆ ดูอี แคง มืง เซนา เฆ กอย โอย แหรณ ดี เดา มาย็อห ดี โอย ฆึร วี.

36 ฌาราง เฆ ดา อี หลู ดี เฌาพรา อึณ ปาย นี.

อี มูห หลูกหลาน อายีตายา อี ตัห แคง ครึร อายอซู เฆ กอย ดีม มาย็อห ดี บู ฆึร ดี โอย วี.

37 เฆ มูห หลูกหลาน อาอีเมรา เฆ กอย อู แหรณ ดี พัน ฆึร ดี อา วี.

38 เฆ หลูกหลาน อาบาซูรา เฆ กอย อู แหรณ ดี อา มาย็อห ดี พวน ฆึร ดี บู วี.

39 เฆ หลูกหลาน อาฮารีม เฆ กอย อู แหรณ ดี ฆึร ดี บู วี.

40 ฌาราง เฆ ดูอี ครึร อาเลวี อี มูห เฆ หลูกหลาน อายอซู บอ อากาตาเมลา อี มูห หลูกหลาน อาโฮวตาวา เฆ กอย บู ฆึร ดี พวน วี.

41 เฆ ดูอี อี นับ ดี ต็อห โหมว อี มูห หลูกหลาน อาซาบ เฆ กอย อู มาย็อห ดี อา ฆึร ดี ดา วี.

42 เฆ ดูอี อี บัร บาง มาโลห แคง โฮว เฌาพรา อี มูห หลูกหลาน อาซาโลม, หลูกหลาน อาตา, หลูกหลาน อาตาลาโมน, หลูกหลาน อาเอโคบ, หลูกหลาน อาฮาตีตา บอ หลูกหลาน อาซอเบ เฆ บอกาเฆลียด กอย อู มาย็อห ดี โอย ฆึร ดี ดีม วี.

43 ฌาราง เฆ ดูอี อี โบง ฆาน แคง โฮว เฌาพรา อึณ ปาย นี.

อึณ มูห เฆ หลูกหลาน อาฌีฮา, หลูกหลาน อาฮาซาพา, หลูกหลาน อาตาปอก, 44 หลูกหลาน อาเกโรด, หลูกหลาน อาซายาฮา, หลูกหลาน อาบาโดน, 45 หลูกหลาน อาเลปานา, หลูกหลาน อาฮากาบา, หลูกหลาน อาเอโคบ,

46 หลูกหลาน อาฮากับ, หลูกหลาน อาซาลาแม, หลูกหลาน อาฮานัน, 47 หลูกหลาน อากีดเดลา, หลูกหลาน อากาฮา, หลูกหลาน อารายา,

48 หลูกหลาน อาเรจีนา, หลูกหลาน อาเนกอตา, หลูกหลาน อากีจับ, 49 หลูกหลาน อาอูฌา, หลูกหลาน อาพาเซยา, หลูกหลาน อาเบเซ, 50 หลูกหลาน อาซานา, หลูกหลาน อามาฮานีม, หลูกหลาน อานาปูซี, 51 หลูกหลาน อาบากาโบว, หลูกหลาน อาฮากูพา, หลูกหลาน อาฮารูยา, 52 หลูกหลาน อาบาฌาลีด, หลูกหลาน อามาฮีตัะ, หลูกหลาน อาฮารัะซา, 53 หลูกหลาน อาบาโกด, หลูกหลาน อาซีซาลัะ, หลูกหลาน อาทามา, 54 หลูกหลาน อาเนจี บอ หลูกหลาน อาฮาตีพา.

55 ฌาราง หลูกหลาน เฆ ดูอี อี มูห หมาย คูนดีคัม อาซาโลวโมว ตึอน อึณ ปาย นี.

อึณ บอ มูห หลูกหลาน อาซอเด, บอ หลูกหลาน อาซอเพราด, หลูกหลาน อาเบรูตา. 56 เฆ หลูกหลาน อายาลา, หลูกหลาน อาดาโคน, หลูกหลาน อากีดเดลา, 57 เฆ หลูกหลาน อาเซพาดี, หลูกหลาน อาฮาทีลา, หลูกหลาน อาพอคีด อี ตัห แคง มืง เฌบีม, หลูกหลาน อามีน.

58 เฆ ดูอี อี โบง ฆาน แคง โฮว เฌาพรา บอ หลูกหลาน เฆ, เฆ อี มูห แดเจณ คูนดีคัม อาซาโลวโมว, เฆ บอกาเฆลียด กอย โอย มาย็อห ดี ดีม ฆึร ดี อา วี.

59 เฆ อี แฮะ ตัห แคง มืง เตลัะแมลา บอ แคง มืง เตลัะฮาซา, แคง มืง เดราบ, มืง อัดตาน บอ มืง อีเมรา. เฆ ยี ตู ปึอน บยัะ มาเซ อี แตห อึณ ลึห ซีคยา ลอง มูห เฆ ดูอี อีซาเรลัะ.

60 อึณ ปี วี มึห ดูอี อาดา เดา มาย็อห ดี พัน ฆึร ดี อา วี อี มูห หลูกหลาน อาเดลายา, หลูกหลาน อาตอพียา บอ หลูกหลาน อาเนกอตา.

61 ครึร เฆ ดา อี หลู ดี เฌาพรา อี ตู นับ ดี กาลาง อาเซ มูห ฆูณ ดัง เฆ, อึณ บอ มูห หลูกหลาน อาฮาบายา, หลูกหลาน อาฮาโคด บอ หลูกหลาน อาบาจี. อาบาจี ตี แฮะ ดึอม ดึห อีบึณ อี มูห ฆอน อาบาจี อี กอย แคง มืง ฆีเลอาด. อัน บอ ดึห จืร โดบ ครึร บึร อัน ตี. 62 ดูอี เฆ ตี เฆ เหรต จืร ฆูณ ดัง เฆ แคง ฌาราง ดูอี อีซาเรลัะ, ยี ตู ยึร. โคว, เฆ ตู ปึอน แบน ดา อี หลู ดี เฌาพรา. เฆ ตู ซีงา โดบ ปี ดัม ดารา.

63 ดา กาณา อี อึบ มืง ยูดา แฮะ ซูงพยาด ต็อห, “แกวะ แตห ดา อี หลู ดี เฌาพรา โฮม อี บอด แปะ แฮะ ฮอต หลู ดี เฌาพรา. แตห เอ หน็อะ ดา อี หลู ดี เฌาพรา ตัห อี มึห ดี โฆ็ง อูรีม ฆาย ทูมีม, อี ปึอน ดี ซูงพยาด ดี ยอด ลอง อัน ตี.”

64 เฆ ดูอี อี แฮะ วี ตัห แคง มืง เฆ, เฆ บอกาเฆลียด กอย พวน หมึณ ดี อา แหรณ ดี โอย มาย็อห ดี เดา ฆึร วี. 65 อี มูห หมาย อี เฮา บอ อีบึณ บอ อีมาย เฆ กอย บอ บู แหรณ ดี โอย มาย็อห ดี โอย ฆึร ดี บู วี. ดูอี อี นับ ดี ต็อห โหมว บอ อีบึณ บอ อีมาย เฆ บอ กอย อา มาย็อห วี. 66 มังปร็อง เฆ บอ มึห บู มาย็อห ดี โอย ฆึร ดี เดา โดว. บอ มาโลว อา มาย็อห ดี พวน ฆึร ดี พัน โดว. 67 มังปร็อง กาฮาต เฆ บอ มึห พวน มาย็อห ดี โอย ฆึร ดี พัน โดว. มาลา เฆ บอ มึห เดา แหรณ ดี บู มาย็อห ดี อา ฆึร โดว.

68 เฆ ดูอี บอกาเฆลียด ดอ แฮะ ฮอต วี ตัห ฌัม โตต เฆ โดง กอย โฮว เฌาพรา แคง มืง เยรูซาแลม ตึอน, เฆ ฆีณ อึณโฮม มัง อี, เฆ บอ วี มึห น็อห ซี หลู ซี ดาน, แตห เฆ วี ปึอน ดี วี ซัม โฮว เฌาพรา โดง กอย บรีม อัน ตึอน. 69 เฆ บอ หลู แคะ ปึอน เฆ หลู. เฆ บอ ดึห ครีว เดา หมึณ ดี อู แหรณ กยาบ, บอ รึอน พัน แหรณ มีนา^a บอ ซีโตว ตูน ปี ตา ดา อี หลู ดี เฌาพรา อู มาย็อห พืน. เฆ วี ดึห โตต โกรว ตี, วี หลู ฮับ แคง ฌีดืก โดง เบลห อูน เฆ ปี ดี หลู ตึอน.

70 วาย อัน ตี ดา อี หลู ดี เฌาพรา อี มูห ครึร อาเลวี บอ เฆ อี ต็อห โหมว, เฆ อี บัร มาโลห โฮว เฌาพรา บอ เฆ ดูอี อี โบง ฆาน แคง โฮว เฌาพรา เฆ บอกาเฆลียด วี ฮาว กอย แคง เรา แคง มืง ฆูณ ดัง เฆ อู ซีณ อาต นี. เฆ โดบ ดูอี แคง เรา แคง มืง เฆ ตี บอ เฆ ดูอี อีซาเรลัะ ดอน อี อี ฮาว แคง มืง เฆ, ราง อาเซ ราง อัน.