1 อาดาวีด แฮะ ฮอต กัด กาเซา. ดอ อัน ตี อัน โจะ ฆอน อัน อี จืร อาซาโลวโมว แตห อัน แบน คูนดีคัม อี อึบ เฆ ดูอี อีซาเรลัะ.

2 แฮะ ฮอต, อัน ปี วี แดะ กาฌูะ เฆ อี มูห ดา ตาง อี อึบ อี แยต เฆ ดูอี อีซาเรลัะ บอ เฆ ดา อี หลู ดี เฌาพรา บอ เฆ ดูอี ครึร อาเลวี บอกาเฆลียด. 3 อัน วี แดม ฌาราง เฆ ดูอี ครึร อาเลวี อี มูห อีมาย อาซาก อี แฮะ โนะ โอย ฆึร ซีนัม โฮะ นา แดง. เฆ กอย โอย หมึณ ดี ดา แหรณ วี. 4 แคง ดูอี เฆ ตี อัน วี ร็อห ดูอี อาดา อา หมึณ ดี พวน แหรณ วี แตห เฆ แบน ดูอี อี โบง ฆาน แคง โฮว เฌาพรา. อาดา เดา แหรณ วี โลว แบน ดา อี แดม ฌาราง บอ ซูงพยาด อามู อี. 5 อาดา พวน แหรณ วี โลว บัร มาโลห. ปอ พวน แหรณ วี โลว โฆ็ง ดีง เฆ เวา แบน โมยว แบน โมยว อี โลว บูด โลว บัห แปะ แฮะ แรน อูน อัน, แตห เฆ อืบ มยูก เฌาพรา ปาย ตี.

6 อาดาวีด มืร กาย็อห เฆ ดูอี อาเลวี, แตห เฆ แบน โอย พึง โดบ ฆูณ ดัง เฆ อี มูห อาเฆนราโซน, อาโควฮาด บอ อาเมนรารี.

7 อาเฆนราโซน มึห ฆอน อีมาย อา วี อี จืร อาลาดาน บอ อาซีมี.

8 อาลาดาน ปี วี มึห ฆอน อีมาย โอย วี อี จืร อาเยฮีลา บอ มูห ฆอน ฆีณ, อาเฌทาม บอ อาโยวเอลัะ.

9 อาซีมี มืร มึห ฆอน อีมาย โอย วี อี จืร อาเซลอโมด, อาฮาฌีลา บอ อาฮาราน. เฆ ตี บอ แบน ฆูณ ดัง เฆ ดูอี อาโมยว อาลาดาน.

10 อาซีมี มึห ฆอน อีมาย พวน วี อี จืร อายาฮาด, อาฌีซา, อาเยอูด บอ อาเบรียา.

11 อายาฮาด บอ มูห ฆอน ฆีณ. อาฌีซา บอ มูห อี ดาม อัน. อาเยอูด ฆาย อาเบรียา ยี ตู มึห ฆอน อีมาย กืน. โคว, ฌาราง เฆ แฮะ วี กาฌูะ แบน อู พึง อี โลว โบง ฆาน อู โมยว.

12 อาโควฮาด มืร มึห ฆอน อีมาย พวน วี อี จืร อามารัม, อาอีฌาฮา, อาเฮโบรว บอ อาอูซีเอน.

13 ฆอน อีมาย อามารัม บอ มูห อาโรน บอ อาโมวแซ. เฌาพรา แฮะ กาย็อห อาโรน เฆ ฆอน อัน, แตห เฆ ยอด ลึมลา มี ครึง ตา อี ซีงา บอด บอ โดะ อึณกรึห อูห หงูน ดอ กรึบ เฆ ดี เฌาพรา บอ ฆาว ปวน เฌาพรา, แตห อัน เฌา ม็องการา ดัว ดี ดูอี เซเซ. 14 อาโมวแซ อี มูห ดูอี ปี อึบ เฌาพรา อัน มึห ฆอน อีมาย อี แฮะ แดม ฮับ แคง ฌาราง โดบ เฆ ดูอี ครึร อาเลวี.

15 อาโมวแซ มึห ฆอน อีมาย อา วี อี จืร อาเฆโซม บอ อาเอลีเอฌา.

16 ฆอน อาเฆโซม อี จืร อาเซบูลา บอ มูห ฆอน ฆีณ.

17 อาเอลีเอฌา ยี มึห ฆอน อีมาย อู วี อี จืร อาเรฮาบี. อาเรฮาบี ยี มึห ฆอน อีมาย กืน กาเซา.

18 อาอีฌาฮา ตึอน มึห ฆอน อีมาย อี จืร อาเซลอมีด อี มูห ฆอน ฆีณ.

19 อาเฮโบรว วี มึห ฆอน อีมาย พวน วี. อาเยรียา มูห ฆอน ฆีณ, อามารียา อี มูห วี ฮาอา, อายาฮาเฌลา มูห วี ฮาโอย บอ อาเยกามัม มูห วี อึณพวน.

20 อาอูซีเอน วี มึห ฆอน อีมาย อา วี. อามีคา บอ มูห ฆอน ฆีณ, อาอีซียา มูห วี ฮาอา.

21 ฆอน อีมาย อาเมนรารี บอ มูห อามาลี ฆาย อามูซี. อามาลี ปี วี มึห ฆอน อีมาย อา วี อี จืร อาเลอาซา บอ อากีซา. 22 อาเลอาซา ยี ตู มึห ฆอน อีมาย. อัน มึห มี ฆอน อีบึณ ดีโลย ดอ ยัม อัน. ฆอน อีบึณ เฆ ตี, เฆ บอ วี คัด ดึห มูห ฆอน ฆูณ แตะ เฆ อี จืร อากีซา ตึอน.

23 อามูซี วี มึห ฆอน อีมาย โอย วี อี จืร อามาลี, อาเอเด บอ อาเยเรโมด.

24 ดูอี เฆ ตี เฆ มูห ดูอี ครึร อาเลวี บอ ฮับ แคง ฌาราง โดบ อึณโฮม เฆ. เฆ บอ แบน ดา ตาง อี อึบ อี แยต ดูอี แคง อึณโฮม เฆ. เฆ บอ ฮับ แคง ฌาราง แบน วี แบน วี อาซาก อี แฮะ โนะ อา ฆึร ซีนัม โฮะ นา แดง. ดูอี เฆ ตี โลว โบง ฆาน แคง โฮว เฌาพรา. 25 อาดาวีด แฮะ ฮอต ต็อห, “เฌาพรา อี มูห เฌาพรา ปี กรึบ ดูอี อีซาเรลัะ ดี แตห เฆ ดูอี ปี อึบ อัน กอย ดาคึย ฆยามซา. อัน เฌา มืร ต็อห ดี ตัห กอย แคง มืง เยรูซาแลม เซเซ. 26 โคว, วาย อัน ตี เฆ ดูอี ครึร อาเลวี อาว ฮู โลว กาฆอด ทึบ บีก บอด บอ ครึง ตา ปี โลว จัร ดอ กรึบ เฆ ดี เฌาพรา.” 27 เฆ ยี แฮะ ตีห ฮับ แคง ฌาราง ดอน อี แคง ครึร อาเลวี, อาซาก อี แฮะ โนะ อา ฆึร ซีนัม โฮะ นา แดง, แตห อึณ โดบ โฆรห ปี กาลาง อาดาวีด ดี กาแดะ ซืด.

28 เฆ ดูอี ครึร อาเลวี เฆ โลว จอย ดา อี หลู ดี เฌาพรา อี มูห หลูกหลาน อาโรน, แตห เฆ โบง ฆาน แคง โฮว เฌาพรา. เฆ โลว ยอด ลึมลา โฮว เฌาพรา บอ แวง อัน บอ โฮง ดอน โฮง บอ ครึง ตา อี ซีงา บอด. เฆ โลว โบง แตห อึณ ซีงา บอด โตต ดอน โมยว. 29 เฆ โลว จอย ยอด บอ ลอง คามูน ปี ดี เบลห เฆ แดง กาโช็ง, บอ กาแปะ อาดา ปี ดี หลู ดีฆาว แบน โมยว แบน โมยว, บอ คามูน ดีแคลบ อี ตู ฮับ ซีนัม บรัห, บอ กาแปะ อี กาซู กาวัร. เฆ โลว ซัะ, โลว เฆา, โลว ตีห โกรว ดอน โมยว ปี โลว ฮับ แคง ปี หลู ดอน โมยว. 30 เฆ บอ โลว อืบ มยูก เฌาพรา บอ กาลาง ฆูง เฆฌู ดี เฌาพรา ดอน ซีณวัห ดอน บา ดี อับ. 31 เฆ โลว อืบ มยูก เฌาพรา ดอ ตัห หลู อี เฮา ปี ดี หลู เฆ, บอ ดอ มูห ซีแง ดีเหลา, ซีแง ลืนโมน บอ ซีแง อี อาเร ตาง. เฆ โลว กอย ดี อาต เฌาพรา เซเซ, แตห อึณ โดบ แคะ ปี ดึอม ดัม อูน อาโมวแซ ดี เฆ. เฆ มืร โบง แคะ ปี ดึอม เบลห อูน ลอง หนาง วี โบง ฆาน อู โมยว อู โมยว.

32 ปาย ตี เฆ ดูอี ครึร อาเลวี โลว ลึบ โบง ฆาน แคง ทึบ บีก บอด อี มูห โดง ลาย กาตูณ เฌาพรา ฆาย ดูอี บอ แคง โดง บอด กาเซา. เฆ โลว จอย บอ บีนอง วอแว เฆ อี มูห ฆอน อาโรน เฆ ตึอน, อี โบง ฆาน แคง โฮว เฌาพรา.