1 แคะ กอย ดูอี อีซาเรลัะ บอกาเฆลียด, แฮะ แดม อูน จืร เฆ แคง ฌาราง บับ บืน คูนดีคัม แคง มืง อีซาเรลัะ. โกบ หมาบ ปี โบง เฆ ดูอี อายูดา, เฆ แฮะ กาดูห อี เหมต ฮาว แบน หมาย อี, กอย แคง มืง บาแบ. 2 พึง เฆ ดูอี อีซาเรลัะ อี แฮะ วี ตัห กอย แคง กาดาย แคง มืง โดง กอย บรีม เฆ, เฆ จืร ปาย นี. เฆ อี ตัห ดี อาต อี ตัห กอย แคง เรา แคง กาง เฆ, เฆ มูห ดา อี หลู ดี เฌาพรา อี มูห ดูอี ครึร อาเลวี บอ เฆ ดูอี อี โบง ฆาน แคง โฮว เฌาพรา.

3 เฆ ดูอี ครึร อายูดา, ครึร อาเบนยาม, ครึร อาเอพารีม บอ ครึร อามานาเซ อี กอย แคง มืง เยรูซาแลม, เฆ จืร ปาย นี.

4 หลูกหลาน อาเพเรด อี มูห ครึร อายูดา บอ มูห อาอูเซ อี มูห ฆอน อามีฮูด. อามีฮูด มูห ฆอน อาโอวมารี. อาโอวมารี มูห ฆอน อาอีมารี. อาอีมารี มูห ฆอน อาบานี.

5 แคง ดูอี อาโมยว อาซีโลวนี มึห ดู อี อี จืร อาซายา อี มูห ฆอน ฆีณ. อัน มึห บอ ฆอน อีมาย มัง อี.

6 ฆูณ ดัง เฆ ดูอี อาโมยว อาเฌนรา มูห อาเยอูลา. ดูอี อายูดา อี กอย แคง มืง เยรูซาแลม ตี, เฆ กอย เดา มาย็อห ดี ดีม ฆึร วี.

7 ครึร เฆ ดูอี อาเบนยาม อี กอย แคง มืง เยรูซาแลม บอ มูห อาซาลาอู อี มูห ฆอน อาเมซูลัม. อาเมซูลัม วี มูห ฆอน อาโฮวดาวา. อาโฮวดาวา วี มูห ฆอน อาฮาเซโนว. 8 อาเอเนยา มูห ฆอน อาเยโรวฮัม. อาเอลาฮา อี มูห ฆอน อาออจี บอ หลาน อามีคารี. อึณ บอ มูห บอ อาเมซูลัม อี มูห ฆอน อาเซพาดี. อาเซพาดี วี มูห ฆอน อาเรอูเอน. อาเรอูเอน วี มูห ฆอน อาเอบานียา. 9 เฆ ดูอี ครึร อาเบนยาม บอกาเฆลียด, เฆ กอย ดีม มาย็อห ดี พัน ฆึร ดี เดา วี. เฆ อี แฮะ แดม อูน แคง ฌาราง, เฆ ดอน อี มูห ดา ตาง อี แยต แคง อึณกรึห เฆ.

10 พึง เฆ ดา อี หลู ดี เฌาพรา บอ มูห อายีตายา, อาเยโฮวยารีบ, อายาคีน

11 บอ อาฌารียา อี มูห ฆอน อาฮีลาคี. อาฮีลาคี มูห ฆอน อาเมซูลัม, อาเมซูลัม มูห ฆอน อาฌาโดก. อาฌาโดก มูห ฆอน อามารายูด. อามารายูด มูห ฆอน อาฮีโตบ. ดูอี เฆ ตี มูห โตต ดา ตาง อี อึบ ดอน โมยว แคง กาง เฌาพรา.

12 อาตายา มูห ฆอน อาเยโรวฮัม. อาเยโรวฮัม มูห ฆอน อาบาซูรา. อาบาซูรา มูห ฆอน อามาลาคียา. อามาลาคียา มูห ฆอน อามาซายา. อามาซายา มูห ฆอน อาดีเอน. อาดีเอน วี มูห ฆอน อายาเฌรา. อายาเฌรา วี มูห ฆอน อาเมซูลัม. อาเมซูลัม วี มูห ฆอน อาเมซีลามีด. อาเมซีลามีด วี มูห ฆอน อาอีเมรา.

13 ดา อี หลู ดี เฌาพรา อี มูห ฆูณ ดัง แคง อึณกรึห เฆ ตี, เฆ กอย อู แหรณ ดี บู มาย็อห ดี เดา ฆึร วี. แคะ บอ มึห ฆาน ปี โลว โบง แคง กาง เฌาพรา, ดูอี เฆ ตี แฮะ อึบ โตต.

14 ดูอี อาเลวี อี กอย แคง มืง เยรูซาแลม บอ มูห อาเซมายา อี มูห ฆอน อาฮาโซบ. อาฮาโซบ มูห ฆอน อาฌารีกัม. อาฌารีกัม มูห ฆอน อาฮาซาบี อี มูห ดูอี อาโมยว อาเมนรารี. 15 อึณ มูห บอ อาบักบาคา, อาเฮเรด, อากาลาน บอ อามาทานี อี มูห ฆอน อามีฆา. อามีฆา บอ มูห ฆอน อาฌีคารี. อาฌีคารี บอ มูห ฆอน อาซาบ. 16 อึณ มูห บอ อาออบาดี อี มูห ฆอน อาเซมายา. อาเซมายา บอ มูห ฆอน อากาลาน. อากาลาน บอ มูห ฆอน อาเยดูทูน. อึณ มึห บอ อาเบเรก อี มูห ฆอน อาซา. อาซา บอ มูห ฆอน อาเอนคานา อี กอย แคง เรา เฆ ดูอี อาโมยว อาเนตอพา.

17 เฆ อี บัร มาโลห แคง กาง เฌาพรา บอ มูห อาซาโลม, อาเอโคบ, อาตาลาโมน, อาฮีมาน บอ บีนอง วอแว อัน อู พึง. อาซาโลม บอ แบน ดา กาณา อี อึบ เฆ. 18 กอ ฌัม ดอ ตี นี เฆ โลว บัร มาโลห อี กอย บลาก นา เลห ซีแง อี มูห มาโลห โดง ลึบ คูนดีคัม เฆ. เฆ ดูอี แคง พึง อาเลวี อี กาดูห ดี บัร มาโลห ตี บอ มูห 19 อาซาโลม อี มูห ฆอน อาโควเร. อาโควเร วี มูห ฆอน อาเอบาซาบ. อาเอบาซาบ วี มูห ฆอน อาโควรา. อึณ มูห บอ วอแว อัน อี มูห อาโมยว อาโควราด ตึอน. เฆ โลว บัร มาโลห แคง ทึบ เฌาพรา อี มูห โดง กอย เฌาพรา. เฆ โลว บัร โลว ยอด โดง กอย เฌาพรา ตี, แตห อึณ กอ ปี แปะ แฮะ ดึอม โบง ดา ดา เฆ ดอ บัร เฆ ทึบ บีก บอด ตึอน. 20 ดอ มึอน อาต นี อาพีเนฮาด อี มูห ฆอน อาเลอาซา แฮะ แบน ดา ตาง เฆ ดูอี อี บัร มาโลห. เฌาพรา มืร กอย รึม โดบ อัน. 21 อึณ บอ มูห อาซาคารา อี มูห ฆอน อามาเซลาม, อัน แฮะ แบน ดูอี อี บัร มาโลห แคง ทึบ เฌาพรา อี มูห โดง ลาย กาตูณ เฌาพรา เฆ ดูอี.

22 เฆ ดูอี อี แบน ดูอี อี บัร มาโลห ตี, เฆ บอกาเฆลียด กอย อา มาย็อห ดี ฆึร ดี อา วี. เฆ บอ แฮะ แดม อูน ฌาราง เฆ แคง เรา แคง มืง โดง กอย เฆ. คูนดีคัม อาดาวีด ฆาย อาซามูเอน อี มูห ดูอี อี นับ ดี ยึร,^a ฆาย แฮะ ดาง แตห เฆ โบง ฆาน ตี. 23 กอ วี ฌัม โจว หลูกหลาน เฆ มืร, เฆ บอ บัร มาโลห กาง เฌาพรา ปาย ตี. กาง เฌาพรา ตี เฆ บอ แตห อัน จืร ทึบ บีก. 24 มาโลห ตี บอ กอย พวน บลาก อี มูห บลาก นา กัว, บลาก นา เตต, บลาก นา เลห ซีแง บอ บลาก นา เฆต ซีแง. 25 บีนอง เฆ อี กอย แคง เรา เฆ ตี, เฆ บอ โลว ลาย กาปลูะ ตัห บัร แบน เฌณ แบน เฌณ. อู เฌณ เฆ โลว กอย บัร บู ซีแง. 26 เฆ ดา ตาง พวน วี อี บัร ตึอน, เฆ มูห ดูอี อาโมยว อาเลวี. เฆ บอ โลว บัร, โลว ยอด แมน บอ โฮง, บอ โฮง ปี อูน เฆ คาฆูน อี กอย แคง กาง เฌาพรา. 27 แคง หมึร เฆ บอ โลว กอย โคบ บาง มาโลห กาง เฌาพรา ตี. โคว, เฆ บัร ดี วึห คัดเซา มาโลห ดอน หณา.

28 เฆ ดูอี อาเลวี มัง อี เฆ แบน ดูอี อี โลว ยอด แมน ลึมลา ครึง ปี ตา ดอ กรึบ เฆ เฌาพรา แคง กาง เฌาพรา. ดอ ดึห ลึบ ดึห เลห เฆ, บอ ดอ ดึห จัร ดึห ตา เฆ, เฆ บอ โลว ตีห ดี ยอด ดอน เฌณ. 29 เฆ ดูอี อาเลวี มัง อี บอ โลว ยอด ลึมลา กาโช็ง เฆ มาตีณ บอ ครึง อี ซีงา บอด บอ กาแปะ เคาคยูง, อึม มางูน, นามัน, ซีนัม อูห หงูน บอ เดา อูห หงูน. 30 มาแล, เฆ ดา อี หลู ดี เฌาพรา มัง อี เฆ โลว กาซู กาวัร นามัน บอ อึณกรึห อูห หงูน. 31 ดูอี อาโมยว อาเลวี อู วี อี จืร อามาดีซี อี มูห ฆอน อาซาโลม แคง อาโมยว อาโควรา, อัน บอ โบง คามูน ปี ดี หลู เฆ ดี เฌาพรา. 32 เฆ บีนอง อี มูห ดูอี อาโควฮาด, เฆ แบน ดูอี อี แรน คามูน อี ซีงา บอด ปี ลาย กาปลูะ เฆ บอ ปี เบลห เฆ แดง กาโช็ง แคง กาง เฌาพรา ดอ มูห ซีแง ดีเหลา.

33 เฆ ดูอี อาโมยว อาเลวี มัง อี เฆ อี ต็อห โหมว แคง โฮว เฌาพรา, เฆ ดูอี อี มูห ดา ตาง อี อึบ อี แยต ดูอี แคง ครึร เฆ ตี, เฆ บอ กอย แคง โฮง อีด แคง โฮว เฌาพรา ตึอน. เฆ มืร ตู โลว โบง ฆาน โมยว เฮา. โคว, เฆ โลว โบง ฆาน เฆ ดอง คืน ดอง วัน.

34 ดูอี เฆ ตี, เฆ มูห ฆูณ ดัง บอ ดา ตาง แคง ดูอี อาโมยว อาเลวี. จืร เฆ บอ โดบ ฌาราง แปะ แฮะ แดม อูน เฆ. เฆ มืร กอย แคง มืง เยรูซาแลม.

35 อาเยยีลา อี มูห ฆูณ อากีปอง บอ กอย แคง มืง กีปอง. อีบึณ อัน บอ จืร นาง มาคา. 36 ฆอน อีมาย อี มูห ฆอน ฆีณ อัน บอ จืร อาบาโตน. อาเยยีลา บอ มึห ฆอน อีมาย ปอ อึณปัว, เฆ จืร อาฌูรา, อากีซา, อาบาลัะ, อาเนรัะ, อานาดาบ, 37 อาเกตอ, อาฮีออ, อาซาคารา บอ อามีกาโลด. 38 อามีกาโลด บอ มูห ฆูณ อาซีเมอาม. บอ ดูอี เฆ ตี กอย แคง มืง เยรูซาแลม โคบ โดง กอย บีนอง วอแว เฆ.

39 อาเนรัะ บอ มึห ฆอน อีมาย อี จืร อากีซา. อากีซา บอ มูห ฆูณ อาซอลู. อาซอลู ปี วี มึห ฆอน อีมาย อี จืร อาโยวนาทาน, อามาลัะคีชูวา, อาพีนาดาบ บอ อาอีซาบาลัะ.

40 อาโยวนาทาน ปี วี มึห ฆอน อีมาย อี จืร อาเมรีบาลัะ อี บอ มูห ฆูณ อามีคา ตึอน.

41 อามีคา ปี วี มึห ฆอน อีมาย อี จืร อาพีโซน, อาเมเลก, อาทาเรอา บอ อาคาด.

42 อาคาด ปี วี มึห ฆอน อี จืร อายาดา. อายาดา วี มึห ฆอน อีมาย อี จืร อาลามีด, อาฌามาวีด บอ อาฌีมารี. 43 อาฌีมารี ตี บอ มูห ฆูณ อามอฌา. อามอฌา วี มึห ฆอน อี จืร อาบีนา. อาบีนา ปี วี มึห ฆอน อี จืร อาเรพายา. อาเรพายา ปี วี มึห ฆอน อีมาย อี จืร อาเอลาซา. อาเอลาซา ปี วี มึห ฆอน อีมาย อี จืร อาฌีลา.

44 อาฌีลา วี มึห ฆอน อีมาย เดา วี. เฆ จืร อาฌารีกัม, อาโบวเครู, อาซามาน, อาซารียา, อาออบาดี บอ อาฮานัน. เฆ บอกาเฆลียด มูห ฆอน อาฌีลา.