1 อาเบนยาม มูห ฆูณ อาเบนลา อี มูห ฆอน ฆีน อัน. อาจาเบน มูห ฆอน วี ฮาอา. อาฮารัะ มูห ฆอน วี ฮาโอย. 2 อานอฮา มูห ฆอน วี อึณพวน บอ อาราพัะ มูห วี อึณพัน.

3 ฆอน อาเบนลา บอ มูห อาดารา, อาฆีรา, อาบีฮูด, 4 อาพีซา, อาเนมาน, อาโฮว, 5 อาฆีรา, อาพูพาน บอ อาฮูรัม.

6 ฆอน อาเอฮูด เฆ อี แบน ฆูณ ดัง แคง อึณกรึห เฆ บอ กอย แคง มืง ฆีบา, เฆ จืร อาเนมาน, อาฮียา บอ อาฆีรา. 7 เฆ มืร กาดูห ดี ฮาว แบน หมาย ดูอี แคง มืง มานาฮาด. อาฮียา แฮะ กาดูห ดี แยต ฮาว เฆ. อัน บอ มูห ฆูณ อาอูฌา ฆาย อาฮีฮูด.

8 อาซารีม บอ แวน อีบึณ อา วี อี จืร นาง ฮูซีม ฆาย นาง บารา. 9 วาย อัน ตี อัน บอ วี กาโทะ ฮาว กอย แคง มืง โมวอาบ. อัน ปี วี ฮาว ดึห อีบึณ ปอ อู วี อี จืร นาง ฮอเดซา. อัน ปี วี มึห ฆอน อีมาย อี จืร อาโยวบาบ, อาซีเบ, อาเมซา, อามาลาคัม, 10 อายูฌา, อาซาคี บอ อามีรามา. ฆอน อีมาย อัน เฆ ตี บอ แบน ฆูณ ดัง แคง อึณกรึห เฆ. 11 อีบึณ อัน อี จืร นาง ฮูซีม ตึอน ปี วี มึห ฆอน อีมาย อี จืร อาบีโตบ ฆาย อาเอบาลัะ.

12 อาเอบาลัะ ปี วี มึห ฆอน อีมาย อี จืร อาเอบา, อามีซาอัม บอ อาซามีด. อาซามีด ตี บอ แบน อี แด มืง ออนอ, มืง ลอตา บอ เรา อี กอย เรต มืง เฆ ตี. 13 บอ อาเบรียา ฆาย อาเซมา มูห ฆอน อาเอบาลัะ. ฆาย บอ แบน ฆูณ ดัง แคง อึณกรึห เฆ ดูอี อี กอย แคง มืง อาจาลูน. เฆ มืร แฮะ โฮว เตา ดูอี อี กอย แคง มืง อาฆัะ ตึอน.

14 ฆอน อาเบรียา บอ มูห อาฮีออ, อาซาซาก, อาเยเรโมด, 15 อาเฌบาดี, อาราด, อาเอเด, 16 อามีคีลา, อาอีซาพา บอ อายอฮา.

17 ฆอน อาเอบาลัะ บอ มูห อาเฌบาดี, อาเมซูลัม, อาฮีจัะกี, อาเฮบา, 18 อาอีซาเมเร, อาเยจาลี บอ อาโยวบาบ.

19 ฆอน อาซีมี บอ มูห อายาคีม, อาฌีคารี, อาฌาบาดี, 20 อาเอเลน, อาฌีลาเซ, อาเอลีเอน, 21 อาตายา, อาเบเรยา บอ อาซีมาราด.

22 ฆอน อาซาซาก บอ มูห อาอีซาบาน, อาเอบา, อาเอลีเอน, 23 อาบาโตน, อาฌีคารี, อาฮานัน. 24 อาฮานานียา, อาเอลัม, อาตอซียา, 25 อาเอพาดียา บอ อาเบนูเอน.

26 ฆอน อาเยโรวฮัม บอ มูห อาซาซาเร, อาเซฮารี, อาเอทาลี, 27 อายาเรซียา, อาเอลียา, อาฌีคารี.

28 โดบ ฌาราง แปะ แฮะ แดม อูน เฆ, ดูอี เฆ ตี บอ แบน ฆูณ ดัง ดูอี แคง อึณกรึห เฆ บอ กอย แคง มืง เยรูซาแลม.

29 อาเยยีลา อี มูห ฆูณ อากีปอง บอ แด มืง กีปอง บอ กอย แคง มืง ตี. อีบึณ อัน จืร นาง มาคา ตึอน. 30 อัน แฮะ มึห ฆอน ฆีณ อัน อี จืร อาบาโตน. ฆอน อัน เฆ วี เฮา บอ จืร อาฌูรา, อากีซา, อาบาลัะ, อานาดาบ, 31 อาเกตอ, อาฮีออ, อาเฌเกรัะ 32 บอ อามีกาโลด อี มูห ฆูณ อาซีเมอาด ตึอน. หลูกหลาน ดูอี เฆ ตี, เฆ บอ กอย โคบ วอแว เฆ อี กอย แคง มืง เยรูซาแลม.

33 อาเนรัะ มึห ฆอน อีมาย อี จืร อากีซา. อากีซา ปี วี มึห ฆอน อีมาย อี มูห คูนดีคัม อาซอลู. อาซอลู วี มูห ฆูณ อาโยวนาทาน, อามาลัะคีชูวา, อาพีนาดาบ บอ อาอีซาบาลัะ.

34 อาโยวนาทาน บอ มูห ฆูณ อาเมรีบาลัะ. อาเมรีบาลัะ ปี วี มูห ฆูณ อามีคา.

35 อามีคา ปี วี มึห ฆอน อีมาย อี จืร อาพีโซน, อาเมเลก, อาทารา บอ อาคาด.

36 อาคาด ปี วี มูห ฆูณ อาเยโฮวทา. อาเยโฮวทา ปี วี มึห ฆอน อีมาย อี จืร อาลามีด, อาฌามาวีด บอ อาฌีมารี. อาฌีมารี บอ มูห ฆูณ อามอฌา. 37 อามอฌา บอ มูห ฆูณ อาบีนา. อาบีนา บอ มูห ฆูณ อารัะพา. อารัะพา บอ มึห ฆอน อี จืร อาเอลาซา. ฆอน อาเอลาซา บอ จืร อาฌีลา.

38 อาฌีลา วี มึห ฆอน อีมาย เดา วี. เฆ จืร อาฌารีกัม, อาโบวเครู, อาซามาน, อาซารียา, อาออบาดี บอ อาฮานัน. เฆ บอกาเฆลียด มูห ฆอน อาฌีลา ตึอน.

39 อาเอซีก อี มูห วา อาฌีลา ตึอน มึห ฆอน ฆีณ อัน อี จืร อาอูลัม. ฆอน วี ฮาอา จืร อาเยอูด, วี ฮาโอย บอ จืร อาเอลีเพเลด. 40 ฆอน อีมาย อาอูลัม, เฆ บอ แบน ดา ซึก อี กยัะ ดี กาโฆห บอ แหลว ดี บัณ อัะ. เฆ บอ วี มึห หลูกหลาน กืน กาเซา. เฆ บอกาเฆลียด กอย อู มาย็อห ดี พัน ฆึร วี. เฆ มูห โตต หลูกหลาน ครึร อาเบนยาม.