1 อาอีซาคา ยี มึห ฆอน อีมาย พวน วี อี จืร อาโทวลา, อาพูวา, อายาโซบ บอ อาซีมารูน.

2 อาโทวลา ปี วี มึห ฆอน อีมาย อี จืร อาออจี, อาเรพายา, อาเยเรลา, อายามี, อายีซาม บอ อาซามูเอน. เฆ ตี บอ แบน ฆีณ อึณโฮม เฆ. ดอ มูห โจว บาน คูนดีคัม อาดาวีด เฆ หลูกหลาน อาโทวลา แฮะ ตีห โตต อา หมึณ ดี อา แหรณ ดี เดา มาย็อห วี. เฆ มูห อีมาย อี กยัะ ดี กาโฆห.

3 อาออจี บอ มึห ฆอน อีมาย อี จืร อาอีจาราฮี. อาอีจาราฮี ปี วี มึห ฆอน อีมาย อี จืร อามีคีลา, อาออบาดี, อาโยวเอลัะ บอ อาอีซียา. หลูกหลาน อาออจี พัน วี ตี, เฆ บอ แบน ดา ตาง แคง ดูอี อาโมยว เฆ. 4 เฆ วี มึห อีบึณ เฆ ฆอน กืน กาเซา. อึณ บอ แตห หลูกหลาน เฆ อี โบง ฆาน ดา ซึก กอ โนะ โอย หมึณ ดี เดา แหรณ วี.

5 อึณ บอ แฮะ แดม อูน แคง ฌาราง เฆ อี มูห ดา ตาง อี ปึอน แบน ฆีณ ซึก ดูอี ครึร อาอีซาคา ตี, เฆ กอย ดา หมึณ ดี บู แหรณ วี.

6 อาเบนยาม มึห ฆอน อีมาย โอย วี อี จืร อาเบนลา, อาเบคารา บอ อายีตาเยน.

7 อาเบนลา ยี วี มึห ฆอน อีมาย พัน วี. เฆ จืร อาเอฌาโบน, อาออจี, อาอูซีเอน, อาเยรีมูด บอ อาอีรี. ดูอี เฆ ตี, เฆ บอ แบน ดา ตาง แคง อาโมยว เฆ. แคง ฌาราง เฆ แฮะ แดม อูน ดา ซึก อา หมึณ ดี อา แหรณ ดี โอย ฆึร ดี พวน วี.

8 อาเบคารา วี มึห ฆอน อีมาย อี จืร อาเฌมารี, อาโยวอาด, อาเอลีเอฌา, อาเอลีออเน, อาโอวมารี, อาเยเรโมด, อาพียัะ, อานาโทด บอ อาลามีด. เฆ บอกาเฆลียด มูห โตต ฆอน อาเบคารา. 9 เฆ แฮะ ฮับ จืร เฆ แคง ฌาราง อี มูห ฆีณ อึณโฮม บอ จืร ดา ซึก เฆ. เฆ กอย อา หมึณ ดี อา มาย็อห วี.

10 อายีตาเยน วี มึห ฆอน อีมาย อู วี อี จืร อาบีลาฮาน. อาบีลาฮาน ยี วี มึห ฆอน อีมาย อี จืร อาเยอูด, อาเบนยาม, อาเอฮูด, อาเคนานา, อาเฌทาน, อาทาซีด บอ อาฮีซาฮา. 11 ดูอี เฆ ตี มูห หลูกหลาน อายีตาเยน. เฆ แบน ดา ตาง แคง อึณโฮม เฆ. เฆ บอ แบน ดา ซึก อาดา อู หมึณ ดี บู แหรณ ดี อา มาย็อห วี อี แฮะ โพรม ดี กาโฆห.

12 เฆ ดูอี อาโมยว อาซูเบม บอ อาโมยว อาฮูพีม แฮะ บา แคง ดูอี อาอีรัะ. เฆ ดูอี อาฮูซีม ยี มูห หลูกหลาน อาเฮรา.

13 ฆอน อีมาย อานาบทาลี บอ จืร อายาเฌเอน, อาฆูนี, อาเยเฌน บอ อาซีเลม. ดูอี เฆ ตี เฆ มูห โตต หลูกหลาน นาง บีลา.

14 อีบึณ เตียะ อามานาเซ อี มูห ดูอี อาโมยว อาราม ตึอน, อัน วี มึห ฆอน อีมาย อี จืร อาซารีเอน บอ อามาคีรา. อามาคีรา ตี บอ มูห ฆูณ อาฆีเลอาด. 15 อามาคีรา วี ดึห อีบึณ แคง ดูอี อาโมยว อาฮูเพีม ฆาย อาซูเบม อี จืร นาง มาคา. ฆอน อีมาย อามาคีรา บอ จืร อาจาลอพัด. อาจาลอพัด ยี วี มึห มี ฆอน อีบึณ ดีโลย. 16 นาง มาคา อี มูห อีบึณ อามาคีรา ตี, ปี วี มึห ฆอน อีมาย อี จืร อาเพเรซัะ บอ อาเซรีด. อาเพเรซัะ ปี วี มึห ฆอน อีมาย อี จืร อาอูลัม บอ อาเรคีม.

17 อาอูลัม ปี วี มึห ฆอน อีมาย อี จืร อาเบดาน. ดูอี เฆ ตี บอกาเฆลียด, เฆ มูห โตต หลูกหลาน อาฆีเลอาด อี มูห ฆอน อามาคีรา บอ หลาน อามานาเซ ตึอน. 18 วา อาฆีเลอาด อี จืร นาง ฮามอเลคีด ปี วี มึห ฆอน อีมาย อี จืร อาอีซอตา, อาบีเอจา บอ อามาลา.

19 อาซามีดา ปี วี มึห ฆอน อีมาย อี จืร อาฮีอาน, อาเซเคม, อาลีคาฮี บอ อานีอาม.

20 เฆ หลูกหลาน อาเอพารีม เฆ จืร อาซูเทลา อี วี มึห ฆอน อี จืร อาเบเรด. อาเบเรด วี มึห ฆอน อี จืร อาทาฮาด. อาทาฮาด วี มึห ฆอน อี จืร อาเอลาตา. อาเอลาตา วี มึห ฆอน อี จืร อาทาฮาด. 21 อาทาฮาด วี มึห ฆอน อี จืร อาฌาบาด. อาฌาบาด วี มึห ฆอน อี จืร อาซูเทลา. แดง อาซูเทลา เฆ ตี, อาเอพารีม ปี วี มึห ฆอน อีมาย อี จืร อาเอเฌน บอ อาเอลาด. เฆ ดูอี อาฆัะทัะ แฮะ ง็อห ยัม ฆาย อูกัด อูวา ตี โกบ แฮะ ปรา ฆาย มามัก เฆ. 22 ฆูณ ฆาย บอ กลึร บอ เหงา กอ เหลณ กาเซา โกบ ฆอน อัน ฆาย ตี. เฆ บีนอง วอแว อัน บอ วี ตัห เหลา น็อห อัน. 23 วาย อัน ตี อัน ปี วี อีด รึม โดบ อีบึณ อัน ตึอน. อีบึณ อัน ตี บอ วี แด บาดีก ซันเท, วี มึห ฆอน อีมาย อี จืร อาเบรียา. ซีเพา เบรียา บอ มูห อึณโฮม อัน แฮะ ฌัม ดูก ตาง. 24 อาเอพารีม มึห บอ ฆอน อีบึณ อี จืร นาง เซเอรา. นาง เซเอรา ตี บอ มูห อี แด มืง เบดโฮวรูน อี กอย บลาก นา กัว บอ บลาก นา เตต. อัน แด บอ มืง ออเฌนเซเอรา.

25 แฮะ ฮอต, อาเอพารีม ปี วี มึห ฆอน อีมาย ปอ อู วี อี จืร อาเรพัะ. อาเรพัะ วี มึห ฆอน อี จืร อาเรซีม, อาเรซีม วี มึห ฆอน อี จืร อาเทลา, อาเทลา วี มึห ฆอน อี จืร อาทาฮาน.

26 อาทาฮาน วี มึห ฆอน อี จืร อาลาดาน, อาลาดาน วี มึห ฆอน อี จืร อามีฮูด, อามีฮูด วี มึห ฆอน อี จืร อาเอลีซามา. 27 อาเอลีซามา วี มึห ฆอน อี จืร อานูน, อานูน วี มึห ฆอน อี จืร อาโยวซูอา.

28 กาดาย ปี ปึอน เฆ ดูอี อาเอพารีม บอ มูห มืง เบดาเอน บอ เรา อี กอย เรต มืง ตี. มืง นาอาราน อี กอย บลาก นา เลห ซีแง, มืง เกจา บอ โอ็ง เปต อี กอย นา เรต มืง เฆ ตี อี กอย นา เฆต ซีแง. อึณ บอ บา บอ มืง เซเคม บอ เรา อี กอย โดบ อึณเตณ อี ฌัม มืง อายา บอ เรา อี กอย โรบ มืง ตี. 29 โคบ กาอูน กาดาย โดง กอย ดูอี อามานาเซ บอ มึห มืง เบดแซอัน, มืง ทานัก, มืง มีกีตอ, มืง ดอรา บอ เรา อี กอย โรบ มืง เฆ ตี. แคง กาดาย ตี อึณ แบน โตต โดง กอย ครึร หลูกหลาน อาโยว อี มูห ฆอน อาอีซาเรลัะ ตึอน.

30 อานี วี มูห ดูอี แคง ครึร อาเซน. อัน บอ มึห ฆอน อีมาย อี จืร อาอีมานาฮา, อาอีซาวา, อาอีซาวี บอ อาเบรียา. อัน มึห บอ ฆอน อีบึณ อี จืร นาง เซรา.

31 อาเบรียา ปี วี มึห ฆอน อีมาย อี จืร อาเฮบา ฆาย อามาลาคีลา. อามาลาคีลา บอ มูห ฆูณ อาบีราจาอีด.

32 อาเฮบา ปี วี มึห ฆอน อีมาย อี จืร อายาพาเลด, อาโซวเมรา บอ อาโฮวซาม. อัน มึห บอ ฆอน อีบึณ อี จืร นาง จูอา.

33 อายาพาเลด ปี วี มึห ฆอน อีมาย อี จืร อาบาซัก, อาบีมาฮาลา บอ อาซาวัด.

34 อาโซวเมรา ปี วี มึห ฆอน อีมาย อี จืร อาฮีน, อาโรวคา, อาฮูบา บอ อาราม.

35 อาโซวเมรา วี มึห วา อี จืร อาเฮเลม อี มึห ฆอน อีมาย อี จืร อาโจวพัะ, อาอีมานา, อาเซเลด บอ อาเอมาลา.

36 เฆ ฆอน อีมาย อาโจวพัะ บอ มูห อาซูอา, อาฮาเนพัะ, อาซูอาน, อาเบรี, อาอีมารา, 37 อาเบเฌรา, อาโฮวตา, อาซัมมา, อาซีลาซา, อายีทาราน บอ อาบีรา.

38 ฆอน อาเยซา บอ มูห อาเยโพวนา, อาบีซาบา บอ อาราอา.

39 ฆอน อาอูลา บอ มูห อาราฮา, อาฮาเยลา บอ อาเรฌียา.

40 ดูอี เฆ ตี บอ มูห โตต หลูกหลาน อาเซน. เฆ บอ แบน ฆูณ ดัง บอ ดูอี ตาง แคง ครึร เฆ. เฆ แบน บอ ฆีณ ซึก อี ตาง อี มึห ซาเร. ดา ซึก เฆ อี แฮะ ปึอน กาโฆห, เฆ กอย อา หมึณ ดี เดา แหรณ วี. แคะ ตี แฮะ โดบ แปะ แฮะ แดม อูน แคง ฌาราง เฆ.