คาน 6
ลอง ครึร อาเลวี
1 เฆ ฆอน อีมาย อาเลวี จืร อาเฆนราโซน, อาโควฮาด บอ อาเมนรารี.
2 อาโควฮาด ปี วี มึห ฆอน อีมาย อี จืร อามารัม, อาอีฌาฮา, อาเฮโบรว บอ อาอูซีเอน.
3 อามารัม มึห ฆอน อีมาย อี จืร อาโรน ฆาย อาโมวแซ บอ นาง มีรียัม. อาโรน ปี วี มึห ฆอน อีมาย อี จืร อานาดาบ, อาบีฮู, อาเลอาซา บอ อาอีทามา.
4 ฆอน อาเลอาซา บอ จืร อาพีเนฮาด. ฆอน อาพีเนฮาด วี จืร อาพีซา.
5 ฆอน อาพีซา วี จืร อาบูกี. ฆอน อาบูกี บอ จืร อาออจี.
6 ฆอน อาออจี วี จืร อาเจราฮี. ฆอน อาเจราฮี วี จืร อามารายูด.
7 ฆอน อามารายูด วี จืร อามารียา. ฆอน อามารียา วี จืร อาฮีโตบ.
8 ฆอน อาฮีโตบ วี จืร อาฌาโดก. ฆอน อาฌาโดก วี จืร อาฮีมาด.
9 ฆอน อาฮีมาด วี จืร อาฌารียา. ฆอน อาฌารียา วี จืร อายอฮานัน.
10 ฆอน อายอฮานัน วี จืร อาฌารียา อี แบน ดา อี หลู ดี เฌาพรา. อัน แฮะ กอย แคง โฮว เฌาพรา ปี ซัม คูนดีคัม อาซาโลวโมว แคง มืง เยรูซาแลม ตึอน.
11 อาฌารียา วี มึห ฆอน อีมาย อี จืร อามารียา. ฆอน อามารียา วี จืร อาฮีโตบ.
12 ฆอน อาฮีโตบ บอ จืร อาฌาโดก. ฆอน อาฌาโดก บอ จืร อาซาโลม.
13 ฆอน อาซาโลม บอ จืร อาฮีลาคี. ฆอน อาฮีลาคี บอ จืร อาฌารียา.
14 ฆอน อาฌารียา บอ จืร อาเซรายา. ฆอน อาเซรายา บอ จืร อาเยโฮวฌาดัก.
15 อาเยโฮวฌาดัก มืร แฮะ กาดูห เหมต ดอ แฮะ จัร เฌาพรา ดี คูนดีคัม อาเนบูคัดเนจา, แตห อัน ตัห กาโฆห บอ เหมต ฮาว ดูอี มืง ยูดา บอ ดูอี แคง มืง เยรูซาแลม.
16 อาเลวี มึห ฆอน อีมาย อี จืร อาเฆนราโซน, อาโควฮาด บอ อาเมนรารี.
17 อาเฆนราโซน วี มึห ฆอน อีมาย อี จืร อาลีบานี บอ อาซีมี.
18 ฆอน อาโควฮาด บอ จืร อามารัม, อาอีฌาฮา, อาเฮโบรว บอ อาอูซีเอน.
19 ฆอน อาเมนรารี บอ มูห อามาลี ฆาย อามูซี. ดูอี เฆ ตี, เฆ มูห โตต ฆอน อาเลวี อี แฮะ แดม อูน แคง ฌาราง จืร ฆูณ เฆ.
20 จืร เฆ อาโมยว อาเฆนราโซน อึณ ปาย นี. อาเฆโซน มึห ฆอน อีมาย อี จืร อาลีบานี. ฆอน อาลีบานี วี จืร อายาฮาด. ฆอน อายาฮาด ปี วี จืร อาฌีมา. 21 ฆอน อาฌีมา บอ จืร อาโยวอา. ฆอน อาโยวอา ปี วี จืร อาอีตอ. ฆอน อาอีตอ ปี วี จืร อาเฌนรา. ฆอน อาเฌนรา ปี วี จืร อายาตารี.
22 หลูกหลาน อาโควฮาด บอ มูห อามีนาดาบ. ฆอน อามีนาดาบ บอ จืร อาโควรา. ฆอน อาโควรา วี จืร อาซีรา. 23 ฆอน อาซีรา บอ จืร อาเอนคานา. ฆอน อาเอนคานา วี จืร อาเอบาซาบ. ฆอน อาเอบาซาบ วี จืร อาซีรา.
24 ฆอน อาซีรา วี จืร อาทาฮาด. ฆอน อาทาฮาด วี จืร อาอูเรเอน. ฆอน อาอูเรเอน วี จืร อาอูฌียา. ฆอน อาอูฌียา วี จืร อาซาอูน.
25 อาเอนคานา มึห ฆอน อีมาย อี จืร อามาเซ ฆาย อาฮีมูด.
26 ฆอน อาฮีมูด ตี จืร อาเอนคานา. ฆอน อาเอนคานา จืร อาจอแพ. ฆอน อาจอแพ วี จืร อานาฮัด. 27 ฆอน อานาฮัด บอ จืร อาเอลีอาบ. ฆอน อาเอลีอาบ วี จืร อาเยโรวฮัม. ฆอน อาเยโรวฮัม วี จืร อาเอนคานา. ฆอน อาเอนคานา วี จืร อาซามูเอน.
28 อาซามูเอน บอ มึห ฆอน อีมาย อา วี. ฆอน ฆีณ อัน บอ จืร อาโยวเอลัะ. วา อัน บอ จืร อาพียัะ.
29 อี มูห หลูกหลาน อาเมนรารี, เฆ จืร อามาลี. ฆอน อามาลี บอ จืร อาลีบานี. ฆอน อาลีบานี วี จืร อาซีมี. ฆอน อาซีมี บอ จืร อาอูฌาฮา.
30 ฆอน อาอูฌาฮา บอ จืร อาซีมา. ฆอน อาซีมา บอ จืร อาฮากียา. ฆอน อาฮากียา บอ จืร อาซายา.
ลอง เฆ ดูอี อี ต็อห โหมว แคง โฮว เฌาพรา
31 คูนดีคัม อาดาวีด แฮะ ดาง ดูอี เฆ นี, แตห เฆ แบน ดูอี อี ต็อห โหมว ดอ กรึบ เฆ เฌาพรา แคง มืง เยรูซาแลม วาย แฮะ ฮอต ดึห ตัห อูน เฆ ฌีดืก เฌาพรา ตึอน. 32 ดูอี เฆ ตี บอ โบง ฆาน เฆ, ต็อห โหมว แคง ทึบ บีก บอด โดง กอย เฌาพรา, แตห อึณ กอ วี ฌัม อาคราว วี ซัม คูนดีคัม อาซาโลวโมว โฮว เฌาพรา แคง มืง เยรูซาแลม. วาย อัน ตี มืร, เฆ วี โบง ฆาน เฆ โดบ แคะ ปี ป็อก อูน อี.
33 ดูอี อี โลว โบง ฆาน ฌึร ตี อี มูห ดูอี แคง พึง อาโควฮาด, อี แบน ดูอี อี ต็อห โหมว ตี, อึณ บอ มูห อาเฮมาน อี มูห ฆอน อาโยวเอลัะ. อาโยวเอลัะ วี มูห ฆอน อาซามูเอน.
34 อาซามูเอน วี มูห ฆอน อาเอนคานา. อาเอนคานา วี มูห ฆอน อาเยโรวฮัม. อาเยโรวฮัม วี มูห ฆอน อาเอลีเอน. อาเอลีเอน วี มูห ฆอน อาตออา.
35 อาตออา วี มูห ฆอน อาฌูพัะ. อาฌูพัะ วี มูห ฆอน อาเอนคานา. อาเอนคานา วี มูห ฆอน อามาฮาด. อามาฮาด วี มูห ฆอน อามาเซ.
36 อามาเซ วี มูห ฆอน อาเอนคานา. อาเอนคานา วี มูห อาโยวเอลัะ. อาโยวเอลัะ วี มูห ฆอน อาฌารียา, อาฌารียา วี มูห ฆอน อาเจพานี.
37 อาเฌพานี วี มูห ฆอน อาทาฮาด. อาทาฮาด วี มูห ฆอน อาซีรา. อาซีรา วี มูห ฆอน อาเอบาซาบ. อาเอบาซาบ วี มูห ฆอน อาโควรา. อาโควรา วี มูห ฆอน อาอีฌาฮา. อาอีฌาฮา วี มูห ฆอน อาโควรา.
38 อาโควรา วี มูห ฆอน อาอีฌาฮา. อาอีฌาฮา วี มูห ฆอน อาโควฮาด. อาโควฮาด วี มูห ฆอน อาเลวี อี บอ มูห ฆอน อาอีซาเรลัะ ตึอน.
39 อี จอย อาเฮมาน, อัน จืร อาซาบ. อัน จ็อง บลาก อาอัห อาเฮมาน. อาซาบ มูห ฆอน อาเบเรก. อาเบเรก วี มูห ฆอน อาซีมา.
40 อาซีมา วี มูห ฆอน อามีคีลา, อามีคีลา วี มูห ฆอน อาบาเซยา, อาบาเซยา วี มูห ฆอน อามาลาคียา. 41 อามาลาคียา วี มูห ฆอน อาเอทานี. อาเอทานี วี มูห ฆอน อาเฌนรา. อาเฌนรา วี มูห ฆอน อาตายา.
42 อาตายา วี มูห ฆอน อาเอทาน. อาเอทาน วี มูห ฆอน อาฌีมา, อาฌีมา วี มูห ฆอน อาซีมี. 43 อาซีมี วี มูห ฆอน อายาฮาด. อายาฮาด วี มูห ฆอน อาเฆนราโซน. อาเฆนราโซน บอ มูห ฆอน อาเลวี ตึอน.
44 อี กอย บลาก อาฆัะ อาเฮมาน บอ มูห ดูอี พึง อาเมนรารี อี จืร อาเอทาน. อาเอทาน บอ มูห ฆอน อากีซี, อากีซี วี มูห ฆอน อาพาดี, อาพาดี วี มูห ฆอน อามาลูก, 45 อามาลูก วี มูห ฆอน อาฮาซาบี. อาฮาซาบี วี มูห ฆอน อามาฌียา. อามาฌียา วี มูห ฆอน อาฮีลาคี.
46 อาฮีลาคี วี มูห ฆอน อาอัมฌี. อาอัมฌี วี มูห ฆอน อาบานี, อาบานี วี มูห ฆอน อาซาเมรา. 47 อาซาเมรา วี มูห ฆอน อามาลี, อามาลี วี มูห ฆอน อามูซี. อามูซี วี มูห ฆอน อาเมนรารี อี วี มูห ฆอน อาเลวี อู วี.
48 เฆ ดูอี เฮา อี มูห ดูอี อาเลวี, เฆ ดอน อี โบง ฆาน ดอน โมยว อี กอย แคง โดง ดี กรึบ เฆ เฌาพรา. 49 อาโรน บอ ฆอน อัน, เฆ แบน โตต ดา อี หลู ปี ดี หลู แดง กาโช็ง หลู. อึณ มูห โดง หลู เฆ โดว อี โดะ ดี เงา, บอ แดง กาโช็ง ปี หลู เฆ อึณกรึห อูห หงูน. เฆ โบง ฆาน บอ แคง โดง ซีงา บอด หลึอม โตต. เฆ บอ หลู แตห ดูอี อีซาเรลัะ วี กาล็อะ ดี เฌาพรา. แตห อึณ โดบ แคะ ปี ดัม อูน อาโมวแซ อี มูห แดเจณ เฌาพรา.
ลอง เฆ ดูอี อาโรน
50 อานี มูห จืร หลูกหลาน อาโรน. อาโรน มึห ฆอน อีมาย อี จืร อาเลอาซา. ฆอน อาเลอาซา บอ จืร อาพีเนฮาด. ฆอน อาพีเนฮาด บอ จืร อาพีซา. 51 ฆอน อาพีซา วี จืร อาบูกี. ฆอน อาบูกี บอ จืร อาออจี. ฆอน อาออจี บอ จืร อาเจราฮี.
52 ฆอน อาเจราฮี บอ จืร อามารายูด. ฆอน อามารายูด บอ จืร อามารียา. ฆอน อามารียา บอ จืร อาฮีโตบ. 53 ฆอน อาฮีโตบ บอ จืร อาฌาโดก. ฆอน อาฌาโดก บอ จืร อาฮีมาด.
ลอง โดง กอย เฆ ดูอี อาโมยว อาเลวี
54 ดอ กาตาม เฆ มาน มืง, แตห ดอน อี มึห โดง ดี กอย อัน, ปี กาตาม ปี กาย็อห เฆ ดอ โฆว, อึณ มูห โดง กอย เฆ หลูกหลาน อาโรน อี มูห ดูอี อาโควฮาด.
55 มืง โดง กอย เฆ บอ มูห มืง เฮโบรว อี กอย แคง กาดาย มืง ยูดา บอ โอ็ง เปต อี แฮะ กอย นา เรต มืง ตี. 56 มาแล, อี มูห มาน เฆ โดง นา อี โรบ มืง บอ เรา เฆ ตึอน, เฆ แฮะ ฮอต อาบ ดัว ดี อาฆาลีบ อี มูห ฆอน อาเยโพวนา.
57 ปาย ตี มืง โดง แฮะ หมาย อูน เฆ อาดา หลูกหลาน อาโรน บอ มูห มืง เฮโบรว, อี มูห มืง โดง ปึอน เตา เครียง. อึณ มูห บอ มืง ลีปานา, มืง ยาตีรา, มืง เอซาตามอ, 58 มืง ฮีเลน, มืง เดบีรา, 59 มืง อาซาน บอ มืง เบดเซเมด บอ โดง มึห เปต อี กอย โรบ มืง เฆ ตี. 60 แคง กาดาย ดูอี อาเบนยาม มืร, เฆ หลูกหลาน อาโรน แฮะ ปึอน บอ มืง บอ กาดาย บอ โอ็ง เปต แปะ แฮะ หมาย อูน เฆ อี มูห มืง ฆีบา, มืง อาลามีด บอ มืง อานาโซด. มาน มืง เฆ ตี บอกาเฆลียด กอย ฆึร ดี โอย มืง. เฆ แบน โตต โดง ดี กอย ดูอี โควฮาทีด.
61 แคง กาดาย อามานาเซ อู กาแต มืร, เฆ แฮะ กาซาง อูน มืง ฆึร มืง อาดา เฆ ดูอี ครึร อาโควฮาด อี ซี ฆีด ตึอน.
62 เฆ หลูกหลาน อาเฆนราโซน ดอน อึณกรึห มืร, เฆ แฮะ ปึอน มืง ฆึร ดี โอย มืง อี กอย แคง กาดาย อาโมยว ดูอี อาอีซาคา. กาดาย อาโมยว ดูอี อาเซน, อาโมยว ดูอี อานาบทาลี บอ อาโมยว ดูอี อามานาเซ อู กาแต อี มูห มืง บาซัน.
63 เฆ ดูอี อาเมนรารี แฮะ ปึอน ฆึร ดี อา มืง โดบ อึณโฮม เฆ อึณโฮม เหมา อึณโฮม อัน. มืง เฆ ตี กอย แคง กาดาย อารูเบน, กาดาย อาฆัด บอ แคง กาดาย อาเฌบูโลน.
64 ปาย ตี เฆ ดูอี อีซาเรลัะ แฮะ ดึห มืง บอ กาดาย บอ โอ็ง เปต อี กอย โรบ มืง เฆ ตี บอ อาบ, แตห อึณ แบน โดง กอย เฆ ดูอี อาโมยว อาเลวี. 65 มืง อี แฮะ ฮอต แดม อูน, เฆ แฮะ ดึห บอ แคง กาดาย ดูอี อายูดา, แคง กาดาย ดูอี อาซีเมโอน บอ แคง กาดาย ดูอี อาเบนยาม.
66 หลูกหลาน อาโควฮาด มัง พึง แฮะ ปึอน มืง เฆ โอ็ง เปต อี กอย แคง กาดาย ดูอี อาเอพารีม.
67 มืง ปี ดี อาบ ดัว เฆ อี กอย แคง กาดาย นอน อาเอพารีม บอ มูห มืง เซเคม อี มูห มืง โดง ปึอน เฆ เตา เครียง. อึณ มูห บอ มืง เกจา, 68 มืง โยกมัม, มืง เบดโฮวรูน, 69 มืง อาจาลูน บอ มืง ฆาทัะรีมโมน บอ โอ็ง เปต อี กอย นา เรต มืง เฆ ตี.
70 แคง กาดาย ครึร อามานาเซ อู กาแต เฆ แฮะ อาบ ดัว ดี หลูกหลาน อาโควฮาด มืง อาเนรา, มืง บีลัม บอ โอ็ง เปต เฆ ตึอน.
71 เฆ ดูอี อาเฆนราโซน แฮะ ปึอน มืง ปาย นี. แคง กาดาย ครึร อามานาเซ อู กาแต มูห มืง กอลัน, แคง กาดาย มืง บาซัน บอ มืง อาซาตารูด บอ โอ็ง เปต อี กอย นา เรต มืง เฆ ตี.
72 อี มูห แคง กาดาย ครึร อาอีซาคา อึณ มูห มืง เกเดซัะ, มืง ตาบาราด, 73 มืง ราโมด บอ มืง อานีม บอ โอ็ง เปต อี กอย นา เรต มืง เฆ ตี.
74 แคง กาดาย ครึร อาเซน บอ มูห มืง มีซาลา, มืง อาบาโตน, 75 มืง ฮูโกด บอ มืง เรโฮบ บอ โอ็ง เปต อี กอย นา เรต มืง เฆ ตี.
76 แคง กาดาย ครึร อานาบทาลี บอ มูห มืง เกเดซัะ อี กอย แคง กาดาย อืง ฆาลีเล, มืง ฮามาโอน บอ มืง กีรียาซีม บอ โอ็ง เปต อี กอย นา เรต มืง เฆ ตี.
77 เฆ ดูอี อาโมยว อาเมนรารี อี มูห ดูอี แคง ครึร อาเลวี อี ซี ฆีด ซี กอย, เฆ แฮะ ปึอน มืง ปาย นี. แคง กาดาย ครึร อาเฌบูโลน เฆ แฮะ ปึอน มืง รีมโมน, มืง ทาบอรา บอ โอ็ง เปต อี กอย นา เรต มืง เฆ ตี.
78 แคง กาดาย ครึร อารูเบน อี กอย นา ตัะ แบลง อึม ยอดาน บอ นา เลห ซีแง มืง เยรีโคว, เฆ แฮะ ปึอน มืง บีจา อี กอย แคง แปร กาฮ็อห บอ มืง ยาฮาด, 79 มืง เกดามูด บอ มืง เมพาด บอ โอ็ง เปต อี กอย นา เรต มืง เฆ ตี.