1 เฆ ฆอน อาดาวีด อี ฆึอด ดอ กอย อัน ดี มืง เฮโบรว ตึอน, เฆ จืร ปาย นี. ฆอน ฆีณ อัน จืร อามานูน. มา อัน มูห นาง เอฮีนอง อี มูห อาโมยว ดูอี เยจาเรลัะ. ฆอน อีมาย อาดาวีด วี ฮาอา บอ จืร อาดาเนลัะ. มา อัน มูห นาง เอพีเฆลา อี ตัห แคง กาดาย มืง ฆาเมลัะ.

2 ฆอน อีมาย อาดาวีด วี ฮาโอย บอ จืร อาบาซาโลม. มา อัน มูห นาง มาคา อี มูห ฆอน อาตาลาม อี แบน คูนดีคัม แคง มืง เฆซูรา ตึอน. ฆอน อาดาวีด วี อึณพวน บอ จืร อาตอนียา. อัน มูห ฆอน นาง ฮากีด.

3 ฆอน อาดาวีด วี อึณพัน บอ จืร อาเซพาดี. มา อัน มูห นาง เอบีตาลัะ. ฆอน อาดาวีด วี อึณเดา บอ จืร อาอีซาลัม. มา อัน มูห นาง เอกาลา.

4 ฆอน อีมาย อาดาวีด อาดา เดา วี ตี ฆึอด ดอ อึบ อาดาวีด มืง เฮโบรว อาดา บู ซีนัม ดี อู กาแต. แฮะ ฮอต, อัน บอ วี ฮาว กอย แคง มืง เยรูซาแลม อาดา โอย ฆึร ดี โอย ซีนัม.

5 แคง มืง ตี อัน วี มึห ฆอน อีบึณ บอ ฆอน อีมาย กืน กาเซา. อีบึณ อัน อี จืร นาง เบดเซบา อี มูห ฆอน อาเมลา ตึอน. อัน วี มึห ฆอน อีมาย พวน วี. เฆ จืร อาซามูอา, อาซอบาบ, อานาทาน บอ อาซาโลวโมว. 6 แฮะ ฮอต, อาดาวีด ปี วี มึห ฆอน อีมาย ปอ ดีม วี. เฆ จืร อาอีบารา, อาเอลีซูอา, อาเอลีเพเลด, 7 อานอกา, อาเนเพก, อายาพา, 8 อาเอลีซามา, อาเลตัะ บอ อาเอลีเพเลด. 9 แดง ตี อัน ปี วี มึห ฆอน อีมาย ดี เฆ อีบึณ เตียะ อัน. อัน วี มึห บอ ฆอน อีบึณ อู วี อี จืร นาง ทามา.

10 ฆอน อาซาโลวโมว จืร อาเรโบม. ฆอน อาเรโบม บอ จืร อาพียัะ. ฆอน อาพียัะ บอ จืร อาซา. ฆอน อาซา บอ จืร อายอซาพาด.

11 ฆอน อายอซาพาด บอ จืร อาเยโฮวรัม. ฆอน อาเยโฮวรัม บอ จืร อาฮาฌียา. ฆอน อาฮาฌียา บอ จืร อาโยวอาด.

12 ฆอน อาโยวอาด บอ จืร อามาฌียา. ฆอน อามาฌียา บอ จืร อาฌารียา. ฆอน อาฌารียา บอ จืร อาโยวทาม.

13 ฆอน อาโยวทาม บอ จืร อาคาด. ฆอน อาคาด บอ จืร อาเฮจัะกี. ฆอน อาเฮจัะกี บอ จืร อามานาเซ.

14 ฆอน อามานาเซ บอ จืร อาโมน. ฆอน อาโมน บอ จืร อาโยวซียา.

15 ฆอน ฆีณ อาโยวซียา บอ จืร อายอฮานัน, วี ฮาอา บอ จืร อายอยาคีม, วี ฮาโอย บอ จืร อาเฌเดกี, วี อึณพวน บอ จืร อาซาโลม.

16 อายอยาคีม วี มึห ฆอน อีมาย อี จืร อาเยคอนี. ฆอน อาเยคอนี บอ มูห อาเฌเดกี.

17 คูนดีคัม อาเยคอนี อี แฮะ กาดูห อี เหมต ฮาว อัน แคง มืง บาแบ, อัน มึห ฆอน อีมาย อี จืร อาเซทีเอน. 18 อาเซทีเอน บอ มึห ฆอน อี จืร อามาลัะคีรัม, อาเบตายา, อาเซนาฌา, อาเยคามียา, อาโฮวซามา บอ อาเนตาบียา.

19 อาเบตายา วี มึห ฆอน อีมาย อี จืร อาเฌรูบาเบน ฆาย อาซีมี. อาเฌรูบาเบน บอ มูห ฆูณ อาเมซูลัม ฆาย อาฮานานียา บอ วา ฆาย อี มูห ฆอน อีบึณ อี จืร นาง เซลอมีด.

20 แดง ตี, อาเฌรูบาเบน ปี วี มึห ฆอน อีมาย บอ พัน วี. เฆ จืร อาฮาซูพา, อาออเฮน, อาเบเรก, อาฮาซาตี บอ อายูซาเฮซีด.

21 อาฮานานียา ปี วี มึห ฆอน อีมาย อา วี ฆาย จืร อาเบลาทียา บอ อาเยซายา. อาเยซายา ปี วี มึห ฆอน อี จืร อาเรพายา. อาเรพายา มึห ฆอน อี จืร อามาน. อามาน ปี วี มึห ฆอน อี จืร อาออบาดี. อาออบาดี ปี วี มึห ฆอน อี จืร อาเซคานี.

22 อาเซคานี ยี มึห ฆอน อีมาย อู วี อี จืร อาเซมายา. ฆอน อาเซมายา เฆ จืร อาฮาดูด, อาอีฆาลัะ, อาบารี, อานารี บอ อาซาพัด. เฆ หลูกหลาน อาเซคานี บอกาเฆลียด มึห เดา วี.

23 อานารี ปี วี มึห ฆอน อีมาย อี จืร อาเอลีออเน, อาเฮจัะคีม บอ อาฌารีกัม.

24 อาเอลีออเน ปี วี มึห ฆอน อีมาย บู วี. เฆ จืร อาโฮวตาวา, อาเอลาเซบ, อาเบลายา, อาเอโคบ, อายอฮานัน, อาเดลายา บอ อานานี.