1 อาอีซาเรลัะ มึห ฆอน อีมาย ฆึร ดี อา วี. เฆ จืร อารูเบน, อาซีเมโอน, อาเลวี, อายูดา, อาอีซาคา, อาเฌบูโลน, 2 อาดาน, อาโยว, อาเบนยาม, อานาบทาลี, อาฆัด บอ อาเซน.

3 อายูดา ปี วี มึห ฆอน อีมาย โอย วี. เฆ จืร อาเอรา, อาออนัน บอ อาเซลา. มา อัน โอย วี ตี บอ มูห นาง เบดซูอา อี มูห ดูอี อาโมยว กานัณ. ฆอน ฆีณ อายูดา อี จืร อาเอรา, อัน ฮาย กาเซา แตห เฌาพรา กอ ง็อห ยัม อัน. 4 อายูดา ปี วี มึห ฆอน อีมาย ปอ อา วี ดี เอา อัน อี จืร นาง ทามา. ฆอน ฆาย ตี บอ จืร อาเพเรด ฆาย อาเฌนรา. ฆอน อายูดา บอกาเฆลียด มึห พัน วี.

5 อาเพเรด ปี วี มึห ฆอน อีมาย อี จืร อาเฮฌาโรน ฆาย อาฮามูลัะ.

6 ฆอน อาเฌนรา ปี วี มึห ฆอน อีมาย พัน วี อี จืร อาฌีมารี, อาเอทาน, อาเฮมาน, อากากอลัะ บอ อาดาราดา.

7 ฆอน อาคามี อี จืร อาคา, อัน โบง แตห อึณ แบน ดูก หณาบ ดี ดูอี อีซาเรลัะ โกบ แฮะ แฆบ อูน อัน โกรว ปี ดืง เฌาพรา.

8 อาเอทาน มึห ฆอน อีมาย อู วี อี จืร อาฌารียา.

9 อาเฮฌาโรน มึห ฆอน อีมาย โอย วี. เฆ จืร อาเยราเมเอน, อารามา บอ อาฆาลีบ.

10 อารามา บอ มึห ฆอน อี จืร อามีนาดาบ. อามีนาดาบ บอ มูห ฆูณ อานาโซน อี แบน ดา กาณา อี อึบ เฆ ดูอี อาโมยว ยูดา. 11 อานาโซน บอ มูห ฆูณ อาซาลาโมน. อาซาลาโมน วี มูห ฆูณ อาโบวอาบ. 12 อาโบวอาบ วี มูห ฆูณ อาโอวเบด. อาโอวเบด บอ มูห ฆูณ อาเยเซ.

13 อาเยเซ วี มึห ฆอน อีมาย บู วี. อาเอลีอาบ บอ มูห ฆอน ฆีณ อัน. วี ฮาอา บอ มูห อาพีนาดาบ. วี ฮาโอย บอ มูห อาซีมา, 14 วี อึณพวน มูห อาเนทาเนลา, วี อึณพัน มูห อารัดเด,

15 วี อึณเดา มูห อาโอวเฌม, วี อึณบู มูห อาดาวีด. 16 อาเยเซ มึห บอ ฆอน อีบึณ อา วี อี จืร นาง เจรูยา บอ นาง เอพีเฆลา. นาง เจรูยา ตี ปี วี มึห ฆอน อีมาย โอย วี อี จืร อาพีเซ, อายอพัะ บอ อาซาเฮลัะ. 17 นาง เอพีเฆลา บอ มึห ฆอน อีมาย อี จืร อามาซา. อีมาย อัน มูห ดูอี อาโมยว อาซามาน อี จืร อาเยซา.

18 อาเฮฌาโรน บอ มึห ฆอน อีมาย อี จืร อาฆาลีบ. อาฆาลีบ ตี แฮะ ดึห นาง เอจูพัะ บอ นาง เยโรด. นาง เอจูพัะ วี มึห ฆอน อีมาย โอย วี. เฆ จืร อาเยซา, อาซอบาบ บอ อาทูน. 19 วาย ยัม นาง เอจูพัะ, อาฆาลีบ ปี วี ดึห นาง เอพาราด, ปี วี มึห ฆอน อีมาย อู วี อี จืร อาฮูรา. 20 อาฮูรา ปี วี มึห ฆอน อี จืร อาอูรี. อาอูรี ปี วี มึห ฆอน อี จืร อาเบฌาเลน.

21 ดอ แฮะ โนะ อาซาก อาเฮฌาโรน เดา ฆึร ซีนัม, อัน วี คัด ดึห ฆอน อีบึณ อามาคีรา อี มูห ฆูณ อาฆีเลอาด. ฆาย วี มึห ฆอน อี จืร อาเซโกบ. 22 อาเซโกบ ปี วี มึห ฆอน อีมาย อี จืร อายาอีรา. อายาอีรา ตี บอ ปึอน ดี อึบ มืง อา ฆึร ดี โอย มืง อี กอย แคง กาดาย มืง ฆีเลอาด. 23 มาแล, อาเฆซูรา บอ อาราม บอ วี กาโฆห ปึอน มืง อาดา เดา ฆึร มืง. อึณ บอ บา บอ มืง ฮาโวดยาอีรา บอ มืง เกนาด บอ เรา เฆ อี กอย กาตัด มืง ตี. เฆ ดูอี อี กอย แคง มืง ตี, เฆ บอกาเฆลียด มูห หลูกหลาน อามาคีรา อี มูห ฆูณ อาฆีเลอาด ตึอน.

24 วาย แฮะ ฮอต ยัม อาเฮฌาโรน ดี มืง ฆาลีบเอพาทาด, นาง เอพียา อี แฮะ แบน ยา ซีปรัห บอ วี มึห ฆอน อีมาย อี จืร อาซูรา. อาซูรา วี แบน ฆูณ อาเดกอ.

25 ฆอน ฆีณ อาเฮฌาโรน อี จืร อาเยราเมเอน วี มึห ฆอน อีมาย พัน วี. เฆ จืร อารามา อี มูห ฆอน ฆีณ บอ อาบูน, อาโอวรีน, อาโอวเฌม บอ อาฮียา. 26 อาเยราเมเอน ปี วี มึห อีบึณ ปอ อู วี อี จืร นาง เอตารัะ. นาง เอตารัะ ตี บอ แบน มา อาโอวนาม.

27 ฆอน ฆีณ อาเยราเมเอน อี จืร อารามา ตึอน, อัน วี มึห ฆอน โอย วี. เฆ จืร อามาฌา, อายามีน บอ อาเอกา.

28 อาโอวนาม วี มึห ฆอน อีมาย อี จืร อาซามัย บอ อายาตา. อาซามัย ปี วี มึห ฆอน อีมาย อี จืร อานาดาบ บอ อาพีซูรา.

29 อาพีซูรา วี ดึห นาง เอพีเฮลา. ฆาย วี มึห ฆอน อีมาย อี จืร อาปัน ฆาย อามอลีด.

30 อานาดาบ ตึอน วี มึห ฆอน อีมาย อี จืร อาเซลีด บอ อาบีมา. อาเซลีด ยี ตู มึห ฆอน บอ ยัม.

31 เฆ ฆอน อีมาย อาบีมา บอ มูห อาอีซี อี มูห ฆูณ อาเซมซัน ตึอน. อาเซมซัน วี มึห ฆอน อีมาย อี จืร อาบาเล.

32 อายาตา อี มูห วา อาซามัย ตึอน วี มึห ฆอน อีมาย อี จืร อาเยซา บอ อาโยวนาทาน. อาเยซา ยี ตู มึห ฆอน บอ ยัม ฮาว.

33 อาโยวนาทาน วี มึห ฆอน อีมาย อี จืร อาเบเลด บอ อาฌัะฌา. ดูอี เฆ ตี บอกาเฆลียด มูห หลูกหลาน อาเยราเมเอน.

34 อาเซมซัน ตู มึห ฆอน อีมาย. อัน มึห มี ฆอน อีบึณ ดีโลย. อัน ยี มึห แดเจณ อู วี อี มูห ดูอี แอฆึบ อี จืร อายาฮา. 35 อัน วี แตห ฆอน อีบึณ อัน อู วี วี คัด ดึห อายาฮา ตี. แฮะ ฮอต, ฆอน อีบึณ อัน ตี วี มึห ฆอน อีมาย อู วี อี จืร อาทัย แตห อัน วี ปลูะ ฆูณ อัน.

36 อาทัย บอ มูห ฆูณ อานาทาน. อานาทาน บอ มูห ฆูณ อาฌาบาด.

37 อาฌาบาด บอ มูห ฆูณ อาเอพาลา. อาเอพาลา บอ มูห ฆูณ อาโอวเบด.

38 อาโอวเบด บอ มูห ฆูณ อาเยฮู. อาเยฮู บอ มูห ฆูณ อาฌารียา.

39 อาฌารียา บอ มูห ฆูณ อาเฮเลด. อาเฮเลด บอ มูห ฆูณ อาเอลาซา.

40 อาเอลาซา บอ มูห ฆูณ อาซีซามัย. อาซีซามัย บอ มูห ฆูณ อาซาโลม.

41 อาซาโลม บอ มูห ฆูณ อาเยคามียา. อาเยคามียา บอ มูห ฆูณ อาเอลีซามา.

42 ฆอน ฆีณ อาฆาลีบ อี มูห วา อาเยราเมเอน ตึอน บอ จืร อาเมซา. อาเมซา บอ มูห ฆูณ อาจีพัะ อี มูห ฆูณ อามาเรซา. อามาเรซา วี มูห ฆูณ อาเฮโบรว.

43 อาเฮโบรว มึห ฆอน อี จืร อาโควรา, อาทาโบว, อาเรเคม บอ อาเซมา. 44 อาเซมา วี มูห ฆูณ อาราฮัม อี วี แบน ฆูณ อายอคอม ตึอน. อาเรเคม ปี วี มึห ฆอน อีมาย อี จืร อาซามัย. 45 ฆอน อาซามัย จืร อามอนัะ. อามอนัะ วี มึห ฆอน อี จืร อาเบดฌูรา.

46 อาฆาลีบ วี มึห อีบึณ เตียะ อี จืร นาง เอพา. อัน วี มึห ฆอน อีมาย อี จืร อาฮาราน, อามอฌา บอ อาฆาเฌด. ฆอน อาฮาราน บอ มูห อาฆาเฌด.

47 อายาเด บอ มึห ฆอน อีมาย อี จืร อาเรเฆม, อาโยวทาม, อาเฆซาม, อาเบลีด, อาเอพา บอ อาซาพา.

48 อีบึณ เตียะ อาฆาลีบ อี จืร นาง มาคา ตึอน ปี วี มึห ฆอน อีมาย อี จืร อาเซบีรา บอ อาตีรัะฮานา. 49 วาย อัน ตี ฆาย ปี วี มึห ฆอน อี จืร อาซาพา วี อี มูห ฆูณ อามาตัะเมนา บอ อาซีวา. อาซีวา มูห ฆูณ อามาคาเบนา บอ อากีบียา. อาฆาลีบ มึห บอ ฆอน อีบึณ อี จืร นาง เอซอ. 50 เฆ ดูอี ตี มูห โตต หลูกหลาน อาฆาลีบ.

ฆอน อีมาย อาฮูรา อี มูห ฆอน ฆีณ นาง เอพารา, อัน จืร อาโซวบาน. อาโซวบาน ตี แบน ดัง มืง กีรียาดยารีม. 51 ฆอน อีมาย อาฮูรา วี ฮาอา บอ จืร อาซาลามา. อัน แฮะ แบน ดัง มืง เบดแลม บอ ฆอน อีมาย อาฮูรา อี จืร อาฮาเรบ อี แฮะ แบน ดัง มืง เบดกาเด.

52 อาโซวบาน อี แฮะ แบน ดัง มืง กีรียาดยารีม บอ มูห ฆูณ ดัง เฆ ดูอี อาโมยว อาฮารอ บอ ดูอี อาโมยว อามาเฮซี อู กาแต. 53 ดูอี อี กอย แคง มืง กีรียาดยารีม บอ มูห ดูอี อาอีทารีด, ดูอี อาบูฮีด, ดูอี อาซูมาดีด บอ ดูอี อามีซารีด. หลูกหลาน ดูอี เฆ ตี แฮะ แบน ดูอี โฌวรา บอ ดูอี เอซาตาลา.

54 อาซาลามา อี แฮะ แบน ดัง มืง เบดแลม ตึอน, อัน บอ แบน ฆูณ ดัง เฆ ดูอี อาโมยว อาเนตอพา, ดูอี อาโมยว อาตราเบดยอพัะ, ดูอี อาโมยว อามาเฮซี อู กาแต, ดูอี อาโมยว อาจอรีด บอ ดูอี อาโมยว โฌวรีด. 55 บอ เฆ ดูอี อี กอย แคง มืง ยาเบฌา บอ ดูอี อาโมยว ตีราซีด, ดูอี อาโมยว ซีมาซีด บอ ดูอี อาโมยว จูคาซีด, ดูอี เฆ ตี มูห ดูอี อาโมยว อากีนี บอ ตัห ดี อาฮามาด อี มูห ฆูณ ดูอี อาโมยว อาเรคาบ ตึอน.