Aã kareta Janejare'e 'Ãg omotekokuwa Pauru tokusiwa Timoteu pè maekwerà. Kõnomĩokyry tè Timoteu. Pauru taa taa rupi oo poromotekokuwa mijẽ remẽ, weraa Timoteu oupi opãtavõarà rõmõ (J.K.R. 16.1-5). Opyri ekoi remẽ, omotekokuwa ereko manyvo tijaiko Jesu koty rewarà kõ motekokuwaarà kõ rõmõ jaiko mã'ẽ rè e'i. Ajaire otekokuwa sa'u remẽ, Pauru oity oo Epesu taa pè tomotekokuwa jẽ Jesu koty rewarà kõ a'e pè iko. A'evo remẽ Pauru omotekokuwa jẽ okareta kusiwarerà kõ rupi. Ke'ĩrõwã iwyi ekoi epe remẽ, omotekokuwa jẽ.

Kee jaa rè omotekokuwa aã kareta rupi. Manyvo tijaiko jajimoaty Janejare'e rè jaja'a remẽ mã'ẽ rè. Ãmõ, manyvo Jesu koty rewarà kõ rõvijã toereko ipi mã'ẽ rè. Ãmõ, mã vo mã'ẽ Jesu koty rewarà kõ topyteporo tõvijã kõ rõmõ teve mã'ẽ rè. A'evo 'evo mã'ẽ rè omotekokuwa Timoteu.