Aã kareta Janejare'e 'Ãg omotekokuwa Pauru tokusiwa mijẽ Timoteu pè maekwerà. Romã taa pè jimopã'ãga pè tui remẽ okusiwa ijupe upa. Okuwa noiko puku'ãi maevo. Ajawyi okusiwa amãtejẽ Timoteu mokasia rõmõ. Kee e'i ikusiwa: “Ãwitõ sota ikatu mã'ẽ oõvijã werovija katu jẽ jiapisia mẽ, ãwĩvo ve ikõ jimomorijaua pè tereiko ipi nẽ”, e'i (2Tim. 2.3). “Terepoi e'ã ikõ Jesu rerovijaa wyi a'evo remẽ ipi nẽ”, e'i (2Tim. 2.3). Ãmõ, kee e'i: “Moregeta teitetea rõwã Jesu rekoa ipi. Jiayvuvaja vajaa rõwã teve”, e'i (2Tim. 2.14).

Aã kareta rè Pauru kee e'i ikusiwa: “Pirujẽ Janejare'e ayvukwerà aje ywete... A'e rupi tè aje ywete mã'ẽ jakuwa ipi. Ãmõ, jakuwa ava mõ nivoi poromo'e remẽ... Ãmõ, a'e rupi nivoi ekoia jakuwa. Ãmõ, ivo katu ekoia jakuwa teve ipi”, e'i mã'ẽ (2Tim. 3.16).