Aã kareta Janejare'e 'Ãg omotekokuwa Pauru tokusiwa Korosu wãnà kõ pè maekwerà. Nooi ajamã'ẽ Pauru Korosu taa kyty. Opãtavõarà mõ kõrijõ omonooka a'e wãnà kõ gyty, Jesu rekoa tomojenu ijupe kõ iko. Parasi eu emimono mõ pè. A'e ywesõ omotekokuwa Korosu wãnà kõ Jesu rekoa rè iko. Ajamã'ẽ Pauru oja'a jẽ ee kõ, ke'ĩrõwã teipe ekoi iwyi kõ remẽ. Pauru wenu ekoa kõ rewarà, jimopã'ãga pè tui remẽ, Romã taa pè.

Kee jaa ãmẽ wenu Pauru: “Janejare'e ayvu rè poromo'e rã'ãga mãe kõ uu Korosu wãnà kõ pytery pè. A'e kõ omomoi kõ tarepe ayvu e'eay wyi”, ejaa wenu. Aepo jaa wenu remẽ, kareta okusiwa imono ijupe kõ, imotekokuwaa kõ rõmõ. Kee e'i ikusiwa: “Tapejimoripeoka e'ã ikõ poromo'e rã'ãga mãe kõ pè nẽ. Kiristu rõwã omo'e kõ. Wekoa rupi tè poromo'e rã'ãga iko kupa ipi... Ajawyi tapejapyaka e'ã ikõ ijayvu kõ rè peiko ipi nẽ”, e'i ikusiwa (Krs. 2.8). Aã kõ rupi okareta omonooka. Tikiku. Onesimu. Ãwĩ kõ rupi okareta omonooka Korosu wãnà kõ pè.