Aã kareta Janejare'e 'Ãg omotekokuwa Pauru tokusiwa Karasia yvy wãnà kõ pè maekwerà. Janejare'e tè opyteporo Pauru, Juteu rõwã mãe kõ motekokuwaarà rõmõ toiko. A'e wemikusiwarerà omonooka Jesu koty rewarà kõ pè tomã'ẽ ee, Karasia yvy wãnà kõ pè. Wemikusiwarerà rupi tè omotekokuwa kõ, tojimoripeoka e'ã Janejare'e ayvu rè poromo'e rã'ãga mãe kõ ayvu pè. Kee rewarà mõ. Akypyre kyty Juteu kõ mõ oo Karasia yvy kyty remẽ. Ãmõ rupi tè omo'e Jesu koty rewarà kõ a'e pè ãmẽ kupa ky'y. Kee e'i tite Jesu koty rewarà pè: “Tãmõ Moisesi remikusiwarerà rupi katu jaiko remẽ tè katu Janejare'e janerereko katu kuwa ipi, ãwisõ ipyri tijaiko”, e'i tite kupa (J.K.R. 15.1-35). Karasia wãnà kõ pè aepo e'i kupa. “Aje ipõ” e'i tite Karasia wãnà kõ mõ ãmẽ, ijayvu kõ renu. A'evo ojireko tite ãmẽ kupa, ijayvu kõ rupi. Ajaire a'evoa ojenu Pauru pè remẽ, ijayvukasi imono okareta rupi ijupe kõ.

Kee e'i Pauru ikusiwa imonooka. “Ajawyi ije rõwã maevo sõ tite epirà pupe aiko ky'y. Kiristu tè epirà pupe ekoi mã'ẽ vo 'ejẽ ije aiko ky'y. A'e rè ajirovija aiko, ajuve jẽ aiko remẽ. Janejare'e Ra'yry rè tẽ tesõ ajirovija aiko ipi. Erauvay wyi omãnõ eupewarà mõ mã'ẽ tè a'e”, e'i ikusiwa (Kar. 2.20).