Aã kareta Janejare'e 'Ãg omotekokuwa Pauru tokusiwa mijẽ Korĩtu wãnà kõ pè maekwerà. Janejare'e teipe opyteporo Pauru wayvu mojenuarà rõmõ toiko. Ajamã'ẽ Korĩtu wãnà kõ mõ kee e'i tite: “Ore ywesõ Jesu remimono kõ rõmõ oroiko”, e'i tite ojimojõvijã rã'ãga kupa (2Kor. 11.5). Ãmõ, “Janejare'e remipyteporokwerà kõ teve ore oroiko, Pauru vo”, e'i rã'ãga kupa ipi (2Kor. 11.12). Aepo jaa rè Pauru ojimokasiay javo okareta rupi imono.

Kee e'i teve ikusiwa: “Jesu rupi janereko pyaukwerà ikatuay wete”, e'i (2Kor. 3.6). Aã kareta rupi teve okusiwa manyvo toereko iporijau mãe kõ pãtavõa rõmõ.