Mi nile piparola mee fei yopro mi alele fina isi yeꞌre piparola mee. Mana fina namo yeꞌre piparola mee youw wu wone nanrona “iramana” e sios e God. Mi mingklari e histri e Kristen sios nopro mi alele nanrona piparola mee e isi yolowi Jon. Ka Jon namo, sa aposel namo fina isi samo rere plau Jisas ka yangke ommo wunini. Nu saveman mingklari e Baibel wola nanrona Jon wone isi yeꞌre piparola namo pai nu pinuma e sios wongke ka nouw sios namo nanrona “pinuma” ka wu “pinmela” e sios wongke namo sa wiye mokoi e Jon waiyeye. Jon yire nu ese samo wolnane nu plai ka nu ese naine amone e nu uma fai karnirene. Nu uma namo fai karnirene nu sa uma fai nemmaire ka samo nisnorine mi e God. E isi Jon yeꞌre piparola pai, nu aposel mingklari e Jisas namo, sa isi rili pu. Ka e taim namo, tikse mingklari fai karnirene namo, won naraine ka nemaire wolpuna e nu uma Kristen ese nupene nu ese wolpuna fafaile pai Jisas. Nanrona fane piparola mee sa fai keryane nu uma Kristen namo ese neri kero e bilip ka nupene mi alwone namo e God isi nu nem pu ka yolowi mele ka waiye yukaine nu fori uporo wamo plau God. Ka e piparola namo, Jon yali miuporo nu uma Kristen fai nu ese neri mow rama e nu tikse fai karnirene namo.