Piparola Jems yeꞌre mee sa yuna mi mingklari uporo uporo. Wu isi yeꞌre mi uporo mee fai yukule nu pinuma e God ese nupene nale uporo nro. Wu yeꞌre mi riri mingklari plau niye piparola wunini namo fai ese mewmew ka keryane mone pinuma ese samo namale mi e God ka mupene. Jems yire mi kero nanrona, mana fina e bilipim Jisas namo, e fi karwaiye. Sa onne! Wu ese kero yangkeye nale uporo nu uma plai ka namo ese yuku nanrona bilip wunini sa nakeroye.