Filemon namo, wu sa manawamo. Wu sa Kristen wongke e taun Kolosi. Wokboi wongke wunini noula e wu sa Onesimus e yulpalo yupone wu ka pai waiye taun wongke. Ka taun e wu pai waiyeye namo, wu yuru Pol ka Pol yukune wu ka wu namale Manawamo ka wu waiye yukaine Kristen wongke. E taim namo, Pol e isi waiye kalabus ka wu e fi pai ka yuru Filemon. Ka wu yeꞌre piprola wongke ka yane Onesimus ka wu yuna pai yane manawamo woneni. Ka mi e wiye piprola namo, Pol yireni Filemon e fi yenre wokboi woneni. E fika, wokboi e wone namo, e bilipim Manawamo ka waiye yukaine Kristen wongke. Nanrona fane, e noula e Manawamo Jisas, Filemon ese yem wu kore ka yuru rona wu sa ino woneni.