Taitus wu seke Juda mana. Ka taim e wu bilipim Manawamo Jisas ka waiye yukaine Kristen wongke, wu mewmew Pol taim wu fa yangke ompla e wone yukaine aposel. Nanrona fane Pol yupone Taitus waiyeye ailan Krit fa e yuruye ommo e sios mokoi namo. Ka piparola e emen yire nanrona nale e nu uma e ailan Krit namo sa fi samo uporo. Nanrona fane mana e yire pai risi ommo ka nu pinuma e sios namo sa ese samo yupene nale uporo nro. Ingke se, Pol yukune Taitus rokoi e fa nukulene nu pinuma. Ka nu pinuma namo, sa nu pinuma almari ka nu efapu ka nu pinmangkrama ka nu wokboi siwole nro. Ka mi pekimo e piparola mee sa yire nanrona, Taitus ese yukule nu pinuma fa e sam naine wolpuna wokera ka nangke nale uporo nu uma plai. Ka nu e fi nenrele nu plai ka nemnopune mi.