Timoti yane Pol nempuru nangke ommo nanrona fane, Pol yeꞌre piprola mee pai Timoti ese yukune nale uporo wu ese yupene. Timoti ese fei yimaine ommo neingke wu ese yangke fafaile bilip wunini ka re, wu ese fei mi peperi e yopro miuporo e Jisas Krais. Wu ese samo yupene mi e God. E nu uma nane eni wu, wu e fei wolyaure ommo namo. Wu ese yeri kero e yangke ommo yukaine God isi yane wu. Timoti e fi ripi yarana mi fafaile wongkwongkeni e nu uma ira fafaile namo. Mi fafaile namo, fai yangke fafaile laip e nu uma e nupu mi namo. Ese uporo wamo, le Timoti samo yuru nale e Pol ka wu yupene. Wu ese yupene nale fa bilip kero ka waiye wolpun raulo ka wolyane nu uma plai wamo ka yungkam eni.