Timoti sa Kristen keklepe wongke e taun Listra waiye provins Galesia. Moka wunini sa nu uma Juda pin ka nangka wunini sa nu uma Grik mana. Pol yumane Timoti yane naraine mokoi mokoi ka Pol yangke ommo misin woneni (puru mi wiye buk Aposel 16:1-3). Ingke se, Timoti yem wok fa pai risiye sios e taun Efesus fane Pol yeꞌre piprola mee pai wu. Ompla e piprola mee emen yireye namo: sa Timoti ese saimoroye nu uma fa nu uma ese noloni ka nemmaire ira e nu pinuma ka nire nanrona, ommo e pike mee sa fi uporo. Nanrona fane le mana yire yem laip uporo, wu ese yuplen ommo plai fa none ka re e fi yem pin. Ka ompla wongke e piprola mee yireye: sa yireye rokoi uporo fa samorone mow kori ka nangke ommo e sios. Ka pekimo e piprola mee sa yire Timoti ese waiye mana uporo fai yangke ommo e Jisas Krais ka nale namo wu ese yangke nu pinuma e nainene sios.