Raha ny momba ny hena nagnanaovana jôro amin’ny andriamagnitra tsy izy, dia fantatsikany fa managna fahaizana atsika dahôlo. Ny fahaizana dia mampatonga ny ôlona miendaenda; fa ny fitiavana no mampandroso. 2 Raha misy ôlona mihevitra fa mahay raha, dia mbôla tsy mahay an’izay raha tokony ho fantany avy izy. 3 Raha misy ôlona tia an’Andriamagnitra, dia hain’Andriamagnitra izy. 4 Ary ny momba ny fihinanana hena nagnanaovana jôro amin’ny andriamagnitra tsy izy, dia haintsika fa tsisy andriamagnitra tsy izy amin’izao tontolo izao, ary tsisy Andriamagnitra afa-tsy tokana foagnany. 5 Na dia misy ma izany ny raha lazaina fa andriamagnitra, na aigny an-dagnitra, na aketo ambonin’ny tany, izay mampatonga andriamagnitra betsaka sy tômpo betsaka. 6 Amintsikany kosany indray dia tokana foagnany Andriamagnitra; dia ny Ray, izay nihavian’ny raha dahôlo, ary Izy no antony hahavelomantsika. Tokana foagna ny Tômpo, dia Jesoa Kristy. Avy Aminanjy no nampisy ny raha dahôlo sy nahavelona atsika. 7 Kanefa tsy managna an’izany fahaizana izany dahôlo ôlona. Misy ôlona mbôka efa zatra niaraka tamin’ny andriamagnitra tsy izy, ka mandraka ity nigniany rehefa homana hena izy dia heveriny fa hena avy nagnanaovana joro no nohaniny ka voaloto ny feon’ny fieritreretany satria malemy. 8 Tsy ny raha hohanina no hampifagnakaiky antsika amin’Andriamagnitra; na dia tsy homana ary atsika, dia tsy maty antoka, ary na dia homana ary atsika, dia tsy mahazo tombony.