— Taw'ããts hẽ paawä ỹ esoos a patug, õm h'yyb tsebé hyb n'aa, makarẽn doo a wë tabanäng hyb n'aa —näng mäh.

2 — Boas, ta karom ỹỹj masii moo boo boo bong doo, patuk ỹ makũh wakããn né hẽ —näng mäh. — Bada atsëm tahes'ooj hõm da ta joom sewada ranu gekãã do ag rabahesoos hẽnh. 3 Ehob wäd. Buu benyym doo me kahawug wäd. A saroor hanäm do madadäg, tii bä kä ahõm nä rabahesoos hẽnh. Man'oo manä da õm Boas hapëë bä ta waa tabawa do pooj jé —näng mäh.

4 — Tii bä baad mahegãã ub nyy bä tabahyy jat tabaỹỹh hyb n'aa. Tabaä̃ jat bä kä, ahõm, ta tsyym jatsë masëëts näh, mabaä̃ jat hyb n'aa ta pa. Õm tabahapäh bä, õm da tamaher'oot nyy da mabad'oo —näng mä Naõmi kyy Rut hã. 5 Ti m' Rut ky hadoo:

— Ỹ mamaher'oot doo da né hẽ ỹ bad'oo —näng mäh. 6 Ti m' tabahõm rabahesoos hẽnh. Sahõnh hẽ ta mayn mejũũ doo da né hẽ tabad'oo. 7 Ti m' Boas bawa wät jawén paa bä tawaa, tabeëg wät jawén paa bä m', tah'yyb tsebee kän. Ti m' tabahõm kän sewada natuuh nuu hã tabaỹỹh hyb n'aa. Taä̃ jëë nuu jé m', kaja hẽ Rut bahõm kän ta wë. Boas tsyym jatsë m' tasëëts nyyh, tabaä̃ jat hyb n'aa ta pa. 8 Ti m' atsëm ub Boas kahasyyg wät mäh. Takawareem wät bä m', tabahapäh ỹỹnh. Tamet'ee jat mä ta ti ỹỹnh ta tsyym pa hajat doo. 9 Ti m' Boas beaanh ta hã:

— Jaa õm? —näng mäh.

— Ỹ né hẽ, Rut, a karom its —näng mä Rut. —Taw'ããts hẽ ỹ majasuu a jatsë bód me. Ji tamasa do wakããn n'aa né õm, ër ky n'aa jaw'yyk do mejũũ doo da, a wakããn makũũh hã ỹ kat'ëë däk do hyb n'aa —näng mä Rut kyyh. 10 Ti m' Boas ky hadoo ta hã:

— Ỹ karẽn õm Tak'ëp Hyb N'aa Jawyk Do ky n'aa edëng —näng mäh.

— Dooh né hẽ a mayyn meréd bä. Ta hã mamasaa had'yyt hẽ, mahag'ããs ta hã. Baad ub né paawä ta ti mamoo wät doo, tabahä̃nh baad ub hỹỹ kä hã ỹ metsẽẽ doo. Makamahä̃n heh'äät ub do ta ti tametëëh. Dooh pahëëw ma näng doo hã maty ge-ee bä. Dooh pahëëw ma tamah doo hã maty ge-ee bä na-ããj hẽ —näng mäh. 11 —Ti hyb n'aa eỹỹm manäh. Sahõnh hẽ makarẽn doo da õm ỹ masa —näng mäh.

— Sahõnh hẽ panang buuj raky n'aa napäh ỹỹnh baad hawät do õm —näng mäh. 12 Tehub né hẽ, a patug makũũh wakããn né ỹỹh. Ti hyb n'aa ỹ karẽn õm ỹ masa ër ky n'aa jaw'yyk do mejũũ doo da né hẽ. Tii d’, tahado né paawä, ti anäng a patug makũũh wak'ããn seeh, a j'ooh heh'äät ub doo —näng mäh.

— Pooj jé ta hã ji beaanh, õm takarẽn bä tamasaa bä. 13 Taw'ããts hẽ babä mabaỹỹh dó. Jet'iip ỹ ber'oot ta sii. Takarẽn bä õm tamasaa bä, õm tagat'ëë bä, taw'ããts hẽ. Takanarẽn bä, õm ỹ masa né da tii bä, õm ỹ gat'ëë däk tii bä. Te hub né hẽ këh ỹỹ a hã mabahapäh hyb n'aa, Jawéh, Hawäd Had'yyt Do häd gó ỹ ky däng a hã —näng mäh. 14 Ti m' Boas pa Rut baä̃ jat. Ti m' tabawag hõm pooj jé, ji nahapäh nä bä, tabas'ëëg gëët. Ti m' Boas ky hadoo:

—Maher'ood manä sa hã joom ag ãã bahesoos hẽnh ỹỹnh bewäd nä doo, daap hẽ ër hã rah'yy genä mahä̃nh —näng mäh. 15 Ti m' Boas ky hadoo ẽnh ta hã:

— Magaj'eej jad a jatsë —näng mäh. Tagaj'eej jat bä m', ji mapoo oow pé nuu me tabehaa ta go s'ëëb. Ti m' Boas ma tog sooh mä Rut ta janoo bä ta majëëh hyb n'aa. Ti m' Boas mä ahõm kän panang hẽnh. 16 Ti m' Rut kaja jëng bä m' ta mayyn wë, ta mayyn eaanh mäh:

— Äkä, tok ỹỹ? —näng mäh. Ti m' sahõnh hẽ m' Rut maher'ood kän Boas kyyh, ta hã tamasa do na-ããj hẽ. 17 Ti m' taky hadoo näh:

— Hahỹỹ da Boas kyyh hã ỹỹ: “Ajëë manä bag hẽnh a mayyn wë.” Ti hyb n'aa taban'oo däk hahỹỹh sewada ag s'ëëb —näng mäh. 18 Ti m' Naõmi ky hadoo:

— Magadaa, mahyb n'aa tón manäh. Ër ky n'aa manewëë, nyy da Boas bad'oo —näng mäh.

Bada né hẽ tabaheg'ããs nyy da tabad'oo a ky n'aa —näng mä Naõmi kyyh.