Sema Maykadgwen Solat Paul Ired Ma Gwared
THESSALONICA
Sema Maypangkep Niyay A Dibcho
Sema iren ematid Thessalonica, nonta bisa ra wiy pilmiron solat Paul, gwara pay laeng ira ma eg cha igwathan maypangkep na ioli din Cristo tep gwariy echom a toon engowa-ngowan cha si-kara i imoli wala dis Cristo. Isonga, insolat Paul iyay a maykafidgwa cha si-kara iy gwara emo pay laeng cha Corinth nonta A.D. 51 ono A.D. 52 emo.
Say kigwan Paul cha solat to, nat imoli nin si Cristod jay tep mesepol a gwara nin i toon manparang a engaranan na Naengontred Afo Chiyos. Sema too, egwisen toy tothoon mengemag na ngaaw et onkarkaro pay i basol na tothoo. Mesepol a mepesamak ira jay asan on-oli dis Cristo.
Binidin pay Paul iriy emati i petpetan cha komiy pamati ra tan itolo-toloy cha pay komen mengemag na mapteng, angken pedigathan cha ira. Kigwan pay Paul cha si-kara i nat itolo-toloy cha komen esarot ira, no diket onsedo koma iren man-obda say gwariy kakanen cha.
Sema Iyaysolat
Sema kapoanan na solat 1:1-2
Sema inpansalamat iren Paul kagol na ematin gwared Thessalonica 1:3-4
Sema pengowis Afo Chiyos na tothoo 1:5-12
Sema bilin maypangkep na ioli din Jesus a Afo thayo 2:1-17
Sema adok Paul i ikararagan cha 3:1-5
Sema bilin maypangkep na kasapolan na pan-obda 3:6-15
Sema kaonoran na solat 3:16-18