Nat Mahedsang Pay I Pamati Ra
3
Nem si-kayon aahik, idi iyan-iya-iyanak cha si-kayo nontan, nat kiyayak a intoroan tahejon inges toy nainpasing kon mantoro ired ma naengonod na Ispirito Santo tep singen too kayod dobong a chiyan onori bengat i piyan cha. Singen aanak kayod pamati yod Cristo. 2 Sema intorok cha si-kayo, singen kathas a mainom tep eg kayo pay nin mahakakan na keneg. Say piyan kon a-seden, seta intorok cha si-kayo, nat echalek tep eg jo nin kiyayen egwathan. Et angken ingkathod niman, eg jo pay laeng kiyayen egwathan i echalek a toro-toro 3 tep jowan onori pay i piyan jo. Kigwan ko jay tep seta echom cha si-kayo, maapa-apal, tan sema echom, mabekal. Sejay ira, nainbiybiy to i jowan onori nin i piyan jo, et sema aramid jo, inges toy aramid na toon nat naemati. 4 Tep no konen na sa-kin echom jo i “Kowan onoris Paul,” nem sema sa-ki ngo, konen to i “Kowan onoris Apollos,” say naimag jo, inges toy naimag iren ma eg naematid Afo Chiyos.Sema Itsora Na Obda Iren Ma Naengibalnay Na Naemati
5 Siya ngarod si Apollos tan siyaak ngo? Bagaen to kawi bengat Afo Chiyos a iyosal ton iyantorod si-kayo say memati kayo koma. Tiyongpal mi bengat i obd 12 en inpiyal Afo Chiyos cha sa-ki tan sa-kid si-kawi. 6 Singen si-kak i iyantanem tan si Apollos i iyansibog, nem si Afo Chiyos i engisimit na tanem. 7 Isonga, sema naiyantanem tan sema naiyansibog, nat ainportanti ira, no diket si Afo Chiyos i ainportanti tep si-kathoy naengisimit. 8 Sema naiyantanem tan sema naiyansibog, man-inges i pangkep cha. Et i-kanan Afo Chiyos i sa-ki tan sa-ki na kongkonen iyay-anam ngod ma imag to. 9 Tep sankadgwa kawid pansilsilbid Afo Chiyos. Tan si-kayo, inges to kayon payow Afo Chiyos a naiyan-obdaan mi.
Inges to kayo ngon baliy a ipategwen Afo Chiyos. 10 Kagol na daing a in-i-kan Afo Chiyos cha si-kak, singen edaingak a naengitegwen. Imag koy iyaytegwenan na baliy, tan sema echom ngo, chiyan tobtobiy inchogik. Nem say sa-ki tan sa-ki, mesepol a isingpet toy pesing a mengitegwen. 11 Tep gwariy sa-sa-kin iyaytegwenan na baliy a si Jesu Cristo, et nat mebedin a mesa-dathan. 12 Sema iren naengitobtob chiwa iyaytegwenan na baliy, afil i naiyosal cha. Sema echom, naiyosal chiy malagchen inges toy balitok, silbir, tan ebanol a batho. Sema echom, naiyosal chiy inam-ay a mechechal a inges toy kejow, bila-jo, tan sagwal. 13 Nem no onmothok aliy akow a pengowis Cristo na emiin, maybiybiy aliy banol na imag na sa-ki tan sa-ki. Tep igwan aliy afoy no seman alin akow, et parasen niwa afoy i obda na sa-ki tan sa-ki. 14 Sema iyaytobtob chiwa iyaytegwenan na baliy, no nat mepoolan, sema toon engitobtob, kongkonaen to di. 15 Nem no epoolan iwa iyaytobtob, nagwariy kongkona niwa too. Maysalakan, nem inges toy toon dimesot cha afoy.
16 Sigoradon amta yo i si-kayoy timplon Afo Chiyos, tan man-iiyan i Ispirito thod si-kayo. 17 Isonga, no gwariy toon mengomas na timplon Afo Chiyos, omasen ngon Afo Chiyos iwa too. Tep esantoan i timplon Afo Chiyos tan si-kayo ma timplo.
18 Enog i siyaol i angel jo. No gwariy mengowan i edaing, nem naedafoy daing tod ja dobong, mapmapteng pay a bebnekan to man a daing to say ondaing na podnon daing a naedafod Afo Chiyos. 19 Tep sema daing a naedafod ja dobong, nagwariy banag tod Afo Chiyos. Tep iyaysolat chiwa esel Afo Chiyos i “Sema iren nakigwan cha i edaing ira, osalen Afo Chiyos iwan a tahal chen on-agwak cha si-kara.” a 20 Iyaysolat pay i “Amten Afo Chiyos i sema nemnem na iyangkedaing, nagwariy silbi tho.” b 21 Isonga, enog i inki-tek i too et onoran jo man. Tep kegwen j on emiin i eparsowa. 22 Si-kawin Apollos tan si Peter, kegwen jo kawi tep pinispis to kawin Afo Chiyos a mantorod si-kayo. Seja dobong, biyag, pathiy, niman iren akow, tan sema iren akow a onmothok ali, kegwen jo ngon emiin. 23 Et kegwen to kayon Cristo, et si Cristo, kegwen ngon Afo Chiyos.