—Titan,

/il ton abꞌi,

/ ẍi ey jin an.

2 Catuꞌ jix wilon an.

Ey jun noꞌ sajin che eya jun mactxequel yibꞌan,

ey jun julbꞌal iꞌbꞌil a yu.

Jix akꞌle jun scorona.

Jix lawi tuꞌ,

jix toi,

jix too jaxca junoj chi akꞌon ganar jowal,

jaxca tuꞌ jix yun stoi.

3 Jaꞌ yet jix snicꞌon el jun yet scaabꞌ spixil Naj chi yij Yuneꞌ Meꞌ tuꞌ xin,

catuꞌ jix wabꞌen yalon jun yet scaabꞌ tzetyetal iquis jaxca tiꞌ:

—Titan,

/il ton abꞌi,

/ ẍi.

4 Ey junxa noꞌ che cajin yili jix wil an.

Jaꞌ jun mac eya yibꞌan jun che tuꞌ,

jix ẍaꞌ yipal yin yiꞌon el watxꞌcꞌulal yin masanil yul yibꞌankꞌinal,

catuꞌ oj smakꞌlen cam sbꞌa ebꞌ ánima.

Ey jun miman espada jix akꞌle tet.

5 Jaꞌ yet jix snicꞌon el jun yet yox spixil jun Naj Yuneꞌ Meꞌ tuꞌ,

catuꞌ jix wabꞌen yalon jun yet yox tzetyetal iquis tuꞌ jaxca tiꞌ:

—Titan,

/il ton abꞌi,

/ ẍi.

Catuꞌ jix wilon an.

Ey junxa noꞌ che kꞌejin yili jix wil an.

Jaꞌ jun mac eya yibꞌan jun che tuꞌ,

ey jun echbꞌal libra iꞌbꞌil a yu.

6 Catuꞌ jix wabꞌen yoc jun aw snan xol ebꞌ canwan tzetyetal iquis tuꞌ.

Jix yal jun aw tuꞌ jaxca tiꞌ:

—Caabꞌ libra tiriw yin jun denario,

* cꞌal wajebꞌoj libra cebada yin jun denario.

Manche ja chaꞌ etex el aceite olivo yetoj vino,

ẍi tet.

7 Jaꞌ yet jix snicꞌon el jun yet scan spixil Naj Yuneꞌ Meꞌ,

catuꞌ jix wabꞌen yalon jun yet scan tzetyetal iquis tuꞌ jaxca tiꞌ:

—Titan,

/il ton abꞌi,

/ ẍi.

8 Catuꞌ jix wilon an,

ey junxa noꞌ che saj puqꞌuinaj yili jix wil an.

Jaꞌ jun eya yibꞌan jun che tuꞌ,

Camich sbꞌi.

Tzajan oc jun yaawil jun lugar bꞌey eyecꞌ spixan ebꞌ camnaj yintaj.

Jaꞌ jun mactxequel tuꞌ,

jix akꞌle yip Naj yibꞌan jun yet scan bꞌulan ebꞌ ánima bꞌey yul yibꞌankꞌinal.

Oj cam ebꞌ yu jowal,

ma yu wail,

ma yu yaꞌbꞌil,

ma xin yu noꞌ noꞌ ey smey.

9 Jaꞌ yet jix snicꞌon el jun yet sjoꞌ spixil Naj Yuneꞌ Meꞌ tuꞌ,

catuꞌ jix wilon jun smeẍail xaambꞌal.

Jaꞌ yalan,

jatuꞌ eyoctoj spixan ebꞌ makꞌbꞌil cam yu cꞌal skꞌane Dios,

yutol yakꞌnaj sbꞌa ebꞌ testigoal yin.

10 Jix yal ebꞌ tuꞌ yin ipal jaxca tiꞌ:

—Jaach Kaawil,

watxꞌ jaach ton cꞌaltaꞌa.

Chi cꞌal yun tzet cha walaꞌ.

¿Jantaj toj yet oj kechbꞌane oj ja naꞌon oc yin ebꞌ a yul yibꞌankꞌinal yu cu camichal,

catuꞌ oj ja wiꞌon ecꞌ cu paj tet ebꞌ?

ẍi ebꞌ.

11 Catuꞌ jix akꞌle junjun saj pichile tet junjun ebꞌ.

Catuꞌ jix al-le tet ebꞌ tol chi xew ebꞌ niꞌojxa,

masantaꞌcꞌal chi tzꞌajna sbꞌisil ebꞌ yet creyenteal,

ebꞌ tꞌinan smakꞌle cam jaxca ebꞌ tuꞌ,

ebꞌ jix akꞌwi servil Cristo yetoj ebꞌ.

12 Jaꞌ yet jix wilon snicꞌon el jun yet swaj spixil Naj Yuneꞌ Meꞌ tuꞌ,

jix ecꞌ jun miman quixcabꞌ caw jow.

Jix kꞌejbꞌi cꞌu,

jaxca junoj kꞌejin kꞌap.

Jal xꞌaaw,

jix cajbꞌi el sicꞌlebꞌil jaxca chicꞌ.

13 Catuꞌ jix titqꞌuey kꞌotlabꞌoj weycan satcan,

catuꞌ jix eyqꞌuey yul yibꞌankꞌinal,

jaxca chi yun stitqꞌuey cꞌotlabꞌoj sat teꞌ on^a yu mimej kaꞌeꞌ,

tol cꞌamto chi taeloj.

14 Jaxca chi yun ẍul-le a junoj juun,

jaxca tuꞌ jix yun slawi el satcan,

masanil wonan,

cꞌal txꞌotxꞌ txꞌotxꞌ snan jaꞌ mar,

jix cꞌal bꞌilwi,

catuꞌ jix el txꞌotxꞌ yin slugar.

15 Jaꞌ ebꞌ rey bꞌey yul yibꞌankꞌinal,

jix yewbꞌa el sbꞌa ebꞌ yul-laj mimej nachꞌen,

yetoj xol-laj chꞌen bꞌey wonanlaj.

Quey pax tuꞌ jix yute sbꞌa masanil ebꞌ mimej winaj,

ebꞌ bꞌeom,

ebꞌ yaaw,

cꞌal ebꞌ ey yeloc apnoj,

cꞌal ebꞌ yakꞌomal servil yei,

cꞌal ebꞌ yet xa sbꞌa,

jix too ebꞌ masanil.

16 Jix cꞌoli yalon ebꞌ tet wonanlaj cꞌal tet chꞌen mimej nachꞌen tuꞌ jaxca tiꞌ:

—Titanwej kibꞌan.

Catuꞌ che yewbꞌa jon el sattaj Naj chotan ey yul sdespacho.

Yutol jaꞌ sjowal scꞌul Naj Yuneꞌ Meꞌ,

caw cꞌam chi koche chi jul kibꞌan.

17 Yutol jix jul jun scꞌual caw miman yeloc apnoj,

yet chi yatej sjowal scꞌul Dios kibꞌan.

¿Mac oj techa jun cꞌual tuꞌ yu?

ẍi ebꞌ.