Jaꞌ jun libro tiꞌ jix tzꞌibꞌelecan yet abꞌil 68-69 d.C. Jaꞌ naj Judas jix tzꞌibꞌencan yet eyecꞌ naj bꞌey Jerusalén. Jaꞌ naj Judas tiꞌ yuẍtaj sbꞌa yetoj Jesucristo.

Judas sbꞌi jun carta tiꞌ, jaꞌton jun scarta naj Judas tiꞌ tet ebꞌ creyente bꞌey junjun iglesia. Chi yalontoj naj tol caw tecꞌan chi yute sbꞌa ebꞌ tet wanxa ebꞌ chi ecꞌ alon el wanxa txꞌoj cuybꞌanile. Laan tzet chi yal jun carta tiꞌ yetoj tzet chi yal an scaabꞌ carta naj Pedro. Chi yal naj tet ebꞌ, tol jaꞌ yet oj jul slawubꞌ cꞌual tol caw tecꞌan ojabꞌ cꞌal chi yute snaꞌbꞌal ebꞌ yin jun cuybꞌanile caw yel, jaꞌton jun ey cꞌal yin junelne.