Jaꞌ jun libro tiꞌ jix tzꞌibꞌelecan yet abꞌil 607 a.C.

Jaꞌ naj ẍejabꞌ Dios chi yij Habacuc jix tzꞌibꞌencan jun libro tiꞌ, yet eyecꞌ naj bꞌey Judá.

Jaꞌ yet jun tiempoal tuꞌ jix eyqꞌuey ebꞌ Asirio yu ebꞌ a Babilonia, yuxan jix oc cꞌal ian yiꞌon ecꞌ wanxa conobꞌ ebꞌ, jaꞌton wan eyoc yalan ẍejbꞌanil ebꞌ Asiria. Jaꞌ naj Nahúm, chi yaltej naj tzet jix yun sqꞌueyle el conobꞌ Nínive. Jal pax naj Habacuc tiꞌ xin, caw jix oc naj yin bꞌiscꞌulal yu spenail chi yun ebꞌ sconobꞌ Dios sicꞌbꞌil el yu. Yuxan jix skꞌanle naj Habacuc tiꞌ tet Dios, jantaj to wal tiempo chi techa yilon oc Dios yu spenail chi yun ebꞌ ánima tuꞌ. Jix yalon Dios tol jaꞌ ebꞌ a Babilonia oj yakꞌbꞌalne yet oj yaon oc syaꞌilal ebꞌ conobꞌ tuꞌ. Yuxan jix skꞌanle naj Habacuc tet Dios. ¿Tzet yu, yuxan jaꞌ jun conobꞌ tol yel xacꞌal pena sbꞌeybꞌal, jaꞌ oj aon oc syaꞌilal jun conobꞌ tol txenne spenail? ẍi naj. Jix yalon Dios tet naj jaxca tiꞌ: Tol sowalil oj oc syaꞌilal yibꞌan ebꞌ a Babilonia yet oj jul stiempoal. Yajbꞌan cꞌamto chi yun jun tiꞌ, jaꞌ ebꞌ jijem tet Dios, jijem ojabꞌ cꞌal chi yute sbꞌa ebꞌ, ey ojabꞌ cꞌal oc Dios yipoj scꞌul ebꞌ.

Jaꞌ bꞌey slawubꞌal jun libro tiꞌ, jaꞌ tituꞌ chi yalaꞌ tzet oj yun sqꞌueyle el ebꞌ a Babilonia tuꞌ, yetoj jun bꞌit yin alo watxꞌ kꞌane tet Dios chi bꞌitnelei. Chi yalon pax oj, tol jaꞌ Dios eyoc yipoj scꞌul naj ẍejabꞌ Dios tiꞌ, caxcꞌal eyecꞌ naj xol syaꞌtajilal.