Jaꞌ jun libro tiꞌ jix tzꞌibꞌelecan yet abꞌil 690-640 a.C.

Jaꞌ bꞌey conobꞌ Jerusalén yetoj bꞌey conobꞌ Nínive, jix tzꞌibꞌelecan jun libro tiꞌ yu naj Nahúm.

Jaꞌ yul jun libro tiꞌ chi yaltej tol oj jul tzalacꞌulal, yutol oj eyqꞌuey conobꞌ Nínive, jaꞌton jun miman conobꞌ yeoc yibꞌan yul yet Asiria. Eyqꞌueynaj jun conobꞌ tiꞌ yet 612 a.C. Jaꞌ yet jix eyqꞌuey jun conobꞌ tuꞌ, caw jix tzala masanil nación yet jun tiempoal tuꞌ, yutol jaꞌ jun conobꞌ tuꞌ, ma okꞌ scꞌul yin wanxa conobꞌ. Jaꞌton jun conobꞌ caw chi jowi oc yin conobꞌ Israel. Jaꞌ naj Nahúm tiꞌ, jix yil naj tol yu spital snaꞌbꞌal, yuxan jix qꞌueyle el ebꞌ yu sjowal scꞌul Dios.