Jaꞌ jun libro tiꞌ jix tzꞌibꞌelecan yet abꞌil 735-710 a.C.

Jaꞌ naj Miqueas jix tzꞌibꞌencan jun libro tiꞌ bꞌey conobꞌ Samaria cꞌal bꞌey Jerusalén. Jaꞌ jun ẍejabꞌ Dios chi yij Miqueas tiꞌ, junne jix yun yecꞌ yetoj naj chi yij Isaías. Jatuꞌ caan naj bꞌey jun conobꞌ chi yij Moréset-gat, yul yet Jerusalén. Caw yotaj naj sicꞌlebꞌil tol tuxa oj jul sjowal scꞌul Jehová yibꞌan conobꞌ Judá, jaxca jix yun sjul yibꞌan conobꞌ Israel, yutol caw laan spenail chi yun ebꞌ. Yuxan jix yal naj Miqueas tol oj jul syaꞌilal yibꞌan ebꞌ a Judá tuꞌ, yutol man watxꞌoj tzet chi yun ebꞌ, chi etnele ebꞌ mebꞌa yu ebꞌ. Jaxa pax yet oj lawoj ecꞌtoj jun syaꞌtajilal tuꞌ yibꞌan ebꞌ ánima tuꞌ, oj yakꞌ swatxꞌcꞌulal Dios yibꞌan ebꞌ, yutol camcꞌulnebꞌil ebꞌ yu, ey smimancꞌulal yibꞌan ebꞌ.

Jaꞌ bꞌey capítulo 5:2-5, jaꞌ tituꞌ chi yal yu jun akꞌom watxꞌcꞌulal oj jul bꞌey yul yibꞌankꞌinal tiꞌ. Jaꞌ xol ebꞌ yicꞌaal naj David oj txeclo aoj, yutol sicꞌbꞌilxa el yu Dios. Jaꞌ bꞌey conobꞌ Belén oj aloj, ẍi. Jal capítulo 6:8, chi yaltej yichbꞌanil skꞌane masanil ebꞌ ẍejabꞌ Dios.