Jaꞌ jun libro tiꞌ jix tzꞌibꞌelecan yet abꞌil 635-625 a.C.

Jaꞌ jun ẍejabꞌ Dios chi yij Sofonías tiꞌ, jix eecꞌ yul stiempoal naj chi yij Nahúm, yetoj cꞌal pax yul stiempoal naj Habacuc. Jaꞌ yu tzet chi yal jun libro tiꞌ, yuxan chi naꞌcha el ku, tol yalnaj can yet yalantoj yet cꞌamto chi yaoc scꞌul ebꞌ a Judá yin cuybꞌanile chi yakꞌ Dios, jaꞌton yul stiempoal naj rey Josías.

Jaꞌ jun libro tiꞌ chi yaltej yu spenail ebꞌ ánima jix oqui, yu jun tuꞌ, yuxan jix ale oc syaꞌilal ebꞌ ánima yu Dios yet chi qꞌueyle el ebꞌ. Chi yalon pax tej yu syaꞌilal oj jul yibꞌan ebꞌ a Judá, yutol chi oc ebꞌ yin eyilal tet wan comon dios. Oj qꞌueyle pax el wanxa conobꞌ ey yul yet ebꞌ Filisteo yu Dios. Jal pax conobꞌ Jerusalén xin, yalnaj can Dios tol oj caꞌ waꞌnele a junelxa. Jaꞌ yet jun tiempoal tuꞌ, oj caey ecꞌ ebꞌ conobꞌ yin yeynajilal cꞌal yin sjichanil. Yu jun tuꞌ, jaꞌ jun libro tiꞌ, chi lawi can apnoj yetoj jun bꞌit yet tzalacꞌulal.