Jaꞌ jun libro tiꞌ jix tzꞌibꞌelecan yet abꞌil 835-796 a.C.

Jaꞌ bꞌey conobꞌ Judá cꞌal bꞌey Jerusalén, jix tzꞌibꞌelecan jun libro tiꞌ yu naj Joel, jaꞌton naj ẍejabꞌ Dios. Caw miman syaꞌilal jun yalnaj can el naj ẍejabꞌ Dios tiꞌ.

Jaꞌ bꞌey capítulo 1:1-2 yetoj 11, jaꞌ tituꞌ chi yaltej yu wan noꞌ kochiꞌ noꞌ, chi yalon pax tej yu jun tiempoal tol manxa oj yakꞌ nabꞌ. Txꞌoxbꞌil yil naj tol jaꞌ wan tuꞌ chi txꞌoxontej sjowal scꞌul Jehová yibꞌan ebꞌ pit chi yute sbꞌa tet. Jaꞌ naj ẍejabꞌ Dios tiꞌ chi awten ebꞌ ánima, yet chi snaꞌon sbꞌa scꞌul ebꞌ. Yalnaj can naj tol jix yakꞌ stiꞌ Dios yet chi scolon el ebꞌ ánima, yet chi yakꞌ swatxꞌcꞌulal yibꞌan ebꞌ. Jaꞌton chi yal capítulo 2:12-29.

Ey wanxa versículo caw otajbꞌil yul jun libro tiꞌ, jaꞌton capítulo 2:28-30. Jaꞌ tituꞌ chi yal can yu sjulbꞌal Yespíritu Dios yibꞌan masanil ánima.

Jal capítulo 3, jaꞌ tituꞌ chi yaltej yu syaꞌilal oj jul yibꞌan wan conobꞌ chi jowi oc yin conobꞌ Israel.