Jaꞌ jun libro Amós tiꞌ, jix tzꞌibꞌelecan yet abꞌil 790 a.C.

Jaꞌ naj Amós jix tzꞌibꞌencan jun libro tiꞌ bꞌey Betel, yul yet reino del norte, jaꞌton Samaria. Jaꞌ naj Amós tiꞌ, ẍejabꞌ Dios naj, jatuꞌ caan naj yul yet Judá, caw yelcꞌulal jix yakꞌ yip naj yalon el skꞌane Dios tet ebꞌ Israel, ey ebꞌ bꞌey yetcꞌulal norte yet abꞌil 750 a.C.

Jaꞌ naj Amós tiꞌ, jobꞌom noꞌ naj bꞌey jun conobꞌ chi yij Tecoa, yul yet Judá. Jaꞌ jun conobꞌal ebꞌ ánima yet jun tiempoal tuꞌ, caw bꞌeom ebꞌ sicꞌlebꞌil, chi sjije ẍejbꞌanil Dios ebꞌ yaloni, cꞌamxa cꞌal tzet chi snaꞌ ebꞌ yu wanojxa nación ey scawilal ebꞌ tuꞌ. Jaꞌ yet jix yilon naj Amós tol caw yelcꞌulal chi a can ebꞌ yunen spenail, chi etnele ebꞌ mebꞌa yu ebꞌ. Chi yalon ebꞌ tol caw jijem ebꞌ, tucꞌal chi yal pax ebꞌ, man yin oj snaꞌbꞌal ebꞌ chi tita. Jaꞌ tzet eyoc yipoj scꞌul ebꞌ, junne txolan chi lawi eyoj. Jaꞌ naj Amós tuꞌ, jix ẍaꞌel yich yalon el yu syaꞌilal oj jul yibꞌan junjun conobꞌ ey scawilal conobꞌ Israel tuꞌ. Jix yalon cꞌal pax naj yu wan syaꞌilal oj jul yibꞌan conobꞌ Israel yetoj conobꞌ Judá, yutol jaꞌ Dios Yaaw yeoc yibꞌan masanil nación. Jaꞌ chi naꞌon oc yin masanil ánima pit snaꞌbꞌal, jaxa yin slawubꞌal xin, oj waꞌxoj oc conobꞌ Israel tiꞌ jaxca yeoc yet yalantoj.