Jaꞌ jun libro tiꞌ jix tzꞌibꞌelecan yet abꞌil 755-715 a.C.

Jaꞌ naj Oseas jix tzꞌibꞌencan bꞌey reino del norte, jaꞌton Samaria. Oseas sbꞌi jun libro tiꞌ, yutol jaꞌ titiꞌ tzꞌibꞌebꞌilcan ey jantaj skꞌane Dios jix yal tet naj Oseas, jaꞌton naj ẍejabꞌ Dios.

Jaꞌ yet jun tiempoal tuꞌ caw ey smey, jaꞌton yet cꞌamto chi eyqꞌuey conobꞌ Samaria yet abꞌil 721 a.C. Jaꞌ naj Oseas tiꞌ, caw jix oc naj yin bꞌiscꞌulal yu ebꞌ yet conobꞌ, yutol chi oc ebꞌ yin eyilal tet wan comon dios, caw pit jix yute snaꞌbꞌal ebꞌ tet Jehová. Jaꞌ naj Oseas tiꞌ, caw jix okꞌ scꞌul naj yin ebꞌ yet Israelal, yetoj cꞌal pax yin ix yistil naj, jaꞌton ix Gómer, yutol amul ix ix. Jaxca wal jix yun sbꞌejlecan naj Oseas yu ix, queytuꞌ jix yute sbꞌa ebꞌ Israel, jix sbꞌejcan Jehová ebꞌ. Yu jun tuꞌ, yuxan jix jul syaꞌilal yibꞌan ebꞌ. Jal pax yet slawubꞌal xin, jix okꞌ scꞌul Dios yin ebꞌ sconobꞌ, jix yakꞌ mimancꞌulal yin ebꞌ, jix iꞌle meltzo ebꞌ yu, yet chi oc pax ebꞌ sconobꞌoj junelxa.

Jaꞌ jun libro tiꞌ, ey caabꞌ tujan yeocoj: Bꞌabꞌel tujan, yet chi el yich bꞌey capítulo 1 chi apni oc bꞌey capítulo 3. Jaꞌ titiꞌ chi yal yu skꞌaneal naj Oseas yetoj yistil naj. Yet scaabꞌ tujan, chi el yich bꞌey capítulo 4 chi apni bꞌey capítulo 14. Jaꞌ titiꞌ chi yaltej jantaj tzet albꞌilcan yibꞌan conobꞌ Israel.