Jaꞌ jun libro tiꞌ jix tzꞌibꞌelecan yet abꞌil 530 a.C.

Jaꞌ Daniel jix tzꞌibꞌencan yet eyecꞌ naj bꞌey Babilonia cꞌal bꞌey Media-persia. Yuxan, Daniel sbꞌi jun libro tiꞌ. Jaꞌ skꞌaneal naj yetoj tzet jix xꞌox Dios tet naj ey can ey yul. Jaꞌ jun libro tiꞌ jix el yich stzꞌibꞌelecan yet eyoc ebꞌ Israel yin syaꞌtajilal yu naj rey Nabucodonosor bꞌey Babilonia.

Jaꞌ jun libro tiꞌ ey oxebꞌ tujan yeocoj. Jaꞌ bꞌabꞌel tujan, jaꞌton bꞌey capítulo 1. Jaꞌ titiꞌ chi yaltej yu yichbꞌanil jun libro tiꞌ.

Jaꞌ yet scaabꞌ tujan, chi ẍaꞌel yich bꞌey capítulo 2 chi apni bꞌey capítulo 7. Jaꞌton titiꞌ tzꞌibꞌebꞌilcan wajebꞌ tujan skꞌaneal bꞌey chi yalaꞌ tol jaꞌ sDiosal Daniel, miman yeloc apnoj yipalil yibꞌan masanil conobꞌlaj, cꞌal yibꞌan wan comon dios, yetoj yibꞌan ebꞌ rey.

Jaꞌ yet yox tujan, chi ẍaꞌel yich bꞌey capítulo 8 chi apni bꞌey capítulo 12. Jaꞌ titiꞌ chi yal yu oxebꞌ tzetyetal jix txꞌoxle yil naj Daniel yin weyicheal, yu ebꞌ chi chichon oc scꞌul yin Dios yetoj yin ebꞌ sconobꞌ, yetoj cꞌal pax tzet oj yun scan yalan ẍejbꞌanil Dios. Caw miman tzet tzꞌibꞌebꞌilcan yul jun libro tiꞌ, eyoc yichbꞌaniloj tzet jix al-le yul An Nuevo Testamento tol tꞌinan yuneni.