Bꞌit Yu Alo Yu Diosalil
12
Jaꞌ yet jun tiempoal tuꞌ, oj je yal jaxca tiꞌ:Jaach Jehová cu Diosal, caw chi kal yu diosalil ey jaach, caxcꞌal mi jix tit ja jowal kin jon; jal tinaniꞌ xin, tuxa jix ecꞌtoj sjowal ja cꞌul kin jon, lalan jon ja mimancꞌulneni yu jantaj ja watxꞌcꞌulal cha wakꞌ ey jon.
2 Jaach cu Diosal, cu Colomal ja weocoj. Caw chach kaoc yipoj cu cꞌul tinaniꞌ jon, yuxan cꞌam chi cu xiw jon. Chi cu bꞌitni ey jaach yutol cha wakꞌ kip, chon ja colon pax eloj.
3 Jaꞌ mactxequel ey stajin tiꞌal, yin xacꞌal tzalacꞌulal chi yucꞌ jaꞌ jaꞌ chi aol snukꞌ yet colbꞌanile; queywal tuꞌ oj yun stzala je cꞌul yu je colbꞌanil jix yakꞌ Dios.
4 Jaꞌ yet tuꞌ, oj je yal jaxca tiꞌ: Kalwej yu diosalil tet Jehová, kalwej watxꞌ kꞌane tet. Kalwej el xol-laj masanil conobꞌ yu jantaj tzetyetal jix yun Naj kin, tol jaꞌ Jehová caw miman yeloc apnoj.
5 Bꞌitnojonwej tet Jehová yutol yel xacꞌal miman yeloc apnoj tzet jix yunne, tol sowalil chi otajnele el bꞌey masanil yul yibꞌankꞌinal tiꞌ.
6 Jaon caan jon bꞌey Sión, el ojabꞌ kaw yin tzalacꞌulal, yutol eyecꞌ cu Diosal ketoj jaon Israel jon tiꞌ, yutol miman yeloc apnoj Naj.