Jaꞌ jun libro tiꞌ jix tzꞌibꞌelecan yet abꞌil 971-965 a.C.

Jaꞌ naj rey Salomón jix tzꞌibꞌencanoj, jaꞌton yet jix ẍaꞌel yich yakꞌon yaawil naj yin reyal. Cantares sbꞌi jun libro tiꞌ, chi yal yeloc apnoj, bꞌit manxa jantajoj swatxꞌil. Jaꞌ yul jun libro tiꞌ chi bꞌitnele jun miman tzalacꞌulal snan xol naj winaj yetoj ix ix. Manxa jantajoj bꞌit tzꞌibꞌebꞌilcan ey yul jun libro tiꞌ. Ey bꞌey jaꞌ naj winaj chi bꞌitni tet ix ix, ey pax bꞌey xin, jaꞌ ix ix chi bꞌitni tet naj. Ey pax bꞌey xin, txꞌoj junojxa tujan ánima chi bꞌitnen wanxa bꞌit yul jun libro tiꞌ. Chi yalon pax tej jun libro tiꞌ yu jun miman tzalacꞌulal chi yabꞌ naj winaj yetoj ix ix, caw watxꞌ chi yun ẍaꞌlen sbꞌa yetoj cuybꞌanile chi yal An Biblia, tol jaꞌ Dios jix alon canoj tol ey iꞌlebꞌail. Ey ebꞌ cuywom xol ebꞌ Israel, chi yal ebꞌ tol jaꞌ jun libro tiꞌ, chi xꞌoxel scamcꞌulal Dios yin conobꞌ Israel. Jaꞌ tinaniꞌ, jaꞌ jun camcꞌulal tuꞌ chi txꞌoxontej scamcꞌulal Cristo yin yiglesia.