2 Yajbꞌan iquis jin to ecꞌoj, oj wal watxꞌ kꞌane tet Naj. Yajbꞌan ey jin to ecꞌoj, oj jin bꞌitnoj tet jin Diosal.

3 Cꞌam ojabꞌ che yaoc ebꞌ ánima miman yeloc apnoj yipoj je cꞌul, yutol naꞌbꞌa ánima cꞌal ebꞌ, yutol cꞌam chi skeꞌ scolwa ebꞌ.

4 Jaꞌ yet chi cam ebꞌ, chi oc can ebꞌ yin pojojal; yutol jaꞌ yet jun cꞌual tuꞌ chi tancan el tzetyetal chi snaꞌ ebꞌ swaꞌneni.

5 Tzalacꞌulal yet mactxequel chi chaꞌon scolwal sDiosal Jacob, jaꞌton ebꞌ chi yaoc Jehová yipoj scꞌul.

6 Yutol jaꞌ Naj jix waꞌnen satcan, txꞌotxꞌ txꞌotxꞌ cꞌal jaꞌ mar, yetoj masanil tzetyetal ey bꞌey junjun tujan. Chi cꞌal yun tzet chi yalaꞌ.

7 Jaꞌ Dios chi colwa yetoj ebꞌ chi etexi, catuꞌ chi yakꞌon sloꞌbꞌe ebꞌ ey swail. Jaꞌ Naj chi colon el ebꞌ majan oc yul preso.

8 Jaꞌ Jehová chi jajon sat ebꞌ cꞌam chi skeꞌ yilwani, catuꞌ chi yiꞌon a waan ebꞌ telkꞌonajtoj. Chi camcꞌulnele ebꞌ ánima watxꞌ snaꞌbꞌal yu.

9 Jaꞌ Jehová chi colon el ebꞌ ánima txꞌoj sconobꞌ. Chi colwa cꞌal pax Naj yin ebꞌ unin camnajxa smam xutx, cꞌal ebꞌ ix ix camnajxa yichamil. Jal ebꞌ penawom xin, chi somcha cantoj snaꞌbꞌal ebꞌ yu Naj.

10 Jex a Sión, jaꞌ Jehová oj yakꞌ yaawilal. Jaꞌ cu Diosal, oj oc Reyal.

¡Al-le ojabꞌ watxꞌ kꞌane tet Jehová!