2 Cꞌam ojabꞌ cha naꞌoc win jain ja chejabꞌ jin tiꞌ, yutol cꞌam junoj mactxequel watxꞌ chi yute sbꞌa ja sattaj.

3 Jaꞌ ebꞌ chi jowi oc win, jix jin ujtele yu ebꞌ, jix jin tecꞌle ey yu ebꞌ sat txꞌotxꞌ. Jix jin yacantoj ebꞌ xol kꞌejkꞌinal, jaxca wal tol camnaj jin xa.

4 Manxa animaoj jin chi wabꞌ tinaniꞌ, yutol caw jix somcha a jin naꞌbꞌal.

5 Chin naꞌtej wan cꞌual ecꞌnajxa el yet peyxa, catuꞌ chi cꞌoli jin naꞌontej masanil tzet ja wunnaj yet yalantoj.

6 Jaꞌ ey jaach chin moobꞌa jin kꞌabꞌ; caw chach woche jaxca wal yochen jaꞌ txꞌotxꞌ tajin txꞌotxꞌ.

7 Jaach Jehová jin Diosal, pajtze jin txa yin eymanil. Tuxa wal chin cꞌam chi wabꞌe. Cꞌam ojabꞌ cha wiꞌel ja sat win; colwaan wetoj, ta cꞌamaj, jaxca mi tol camnaj jin xa, ta cꞌam chach colwa wetoj.

8 Akꞌ jin naꞌtej ja camcꞌulal yet junjun skꞌinibꞌalil; ilaꞌ tol chach waoc yipoj jin cꞌul. Txꞌox ey jin, tzet oj yun jin bꞌeytoj, yutol ipan jin txali ey jaach.

9 Jaach Jehová jin Diosal, col jin el tet ebꞌ chi jowi oc win, yutol jaꞌ ja win chin sey jin colbꞌanil.

10 Cuy jin cꞌal yet chin bꞌeybꞌalne tzet chi yoche ja cꞌul, yutol jin Diosal jaach. Jaꞌ ojabꞌ ja Wespíritu chin iꞌon bꞌey yin watxꞌ bꞌeybꞌale.

11 Jaach jin Diosal, cꞌam ojabꞌ chin ja chaꞌoc yul skꞌabꞌ camich, yet watxꞌ cꞌam chi al-le pena kꞌane ja win. Yutol watxꞌ jaach toni, yuxan col jin el xol jin bꞌiscꞌulal.

12 Yu ja camcꞌulal win, yuxan cha qꞌueycan el masanil ebꞌ chi jowi oc win, yutol jaꞌ chejabꞌ jin.