Jaach Jin Diosal, Jaꞌ Ja Win Chin Col Jin Bꞌa
Jaꞌton xa naj David yet jix yewbꞌa el sbꞌa yul chꞌen nachꞌen.
142
Jaach jin Diosal, caw ip chi yun yel yaw yul jin nukꞌyet chi walon jin bꞌa ey jaach; chi wakꞌ wip jin kꞌanon ja colwal.
2 Jaꞌ ja sattaj chi wal jin bꞌa. Jaꞌ ey jaach chi wal jin cuscꞌulal.
3 Jaach jin Diosal, jaꞌ yet cꞌamxa jin naꞌbꞌal eecꞌ yu cuscꞌulal, ja wotaj masanil. Jaꞌ yul jun bꞌe bꞌey chin eqꞌui jatuꞌ jix yaey yaal ebꞌ chi jowi oc win.
4 Jaꞌ yet chin too tꞌanan bꞌey jin watxꞌ kꞌabꞌ, cꞌam junoj mactxequel chin jul colon eloj. ¡Tutun cꞌam junoj mactxequel chin coloni! ¡Cꞌam mactxequel chi oc yin bꞌiscꞌulal wu, caxcꞌal chin cami!
5 Jaach jin Diosal, jaꞌ ey jaach chi wal jin bꞌa, chi walon jaxca tiꞌ: Jaꞌ ja win chin col jin bꞌa, jaxca wal junoj jin majul tzetyetal bꞌey sat txꞌotxꞌ txꞌotxꞌ tiꞌ queytuꞌ ja weocoj.
6 Abꞌ tzet chi wal yin jin txa, chi el waw ey jaach yutol cꞌamxa wip chi wabꞌe. Col jin el yul skꞌabꞌ ebꞌ chin ujten ecꞌoj, yutol yel xacꞌal ey yip ebꞌ wintaj an.
7 Col jin el yul skꞌabꞌ syaꞌilal, yet watxꞌ oj skeꞌ walon jin watxꞌ kꞌane ey jaach, jaꞌ ebꞌ ánima watxꞌ snaꞌbꞌal oj oc joyan ebꞌ win, yet oj yilon ebꞌ tol oj ja wakꞌ ja watxꞌcꞌulal win.