2 Watxꞌ ojabꞌ chi yun yapni jin txa ja sattaj jaxca chi yun stoo smucꞌal incienso, moan atoj jin kꞌabꞌ ey jaach, laan ojabꞌ jaxca junoj ofrenda chi akꞌle ey jaach yet yeycꞌualil.

3 Jaach Jehová jin Diosal, aoc steynemal jin tiꞌ, yet watxꞌ cꞌam chi wal pena kꞌane.

4 Naat tacꞌal cha wiꞌ can el spenail yin jin naꞌbꞌal. Cꞌam ojabꞌ chin ja chaꞌtoj yin sbꞌeybꞌal ebꞌ penawom, cꞌam ojabꞌ chi watoj jin naꞌbꞌal jin too xol skꞌin ebꞌ penawom.

5 Ta jaꞌ junoj ánima watxꞌ snaꞌbꞌal chin makꞌon yetoj tzꞌuum, jaꞌ jun tuꞌ, caw watxꞌ chin yute. Ta chin tzule yu, laan jaxca junoj perfume labꞌabꞌi xacꞌal chi ale atoj yin jin jolom. Yuxan chin txali ey jaach, yet watxꞌ chi tenle oc tucan ebꞌ pena sbꞌeybꞌal.

6 Jaꞌ syaawil ebꞌ penawom, oj tenle can eytoj ebꞌ satlaj mimej chꞌen, queyton tuꞌ oj yun yilon ebꞌ ánima tol yel tzet chi walaꞌ.

7 Sajleminaj xacꞌal oj yun cantoj sbꞌajil ebꞌ bꞌey scawilal smujbꞌanil ebꞌ camom, ma jaxca txꞌotxꞌ txꞌotxꞌ chi a bꞌulan stiꞌ junoj jolan.

8 Jaach Jehová jin Diosal, jain tiꞌ jaꞌ ja win eyoc jin naꞌbꞌal. Jaꞌ ja win chin sey jin colbꞌanil; yuxan cꞌam ojabꞌ chin ja bꞌejcanoj.

9 Col jin el tet yaal jix yaey ebꞌ penawom jin sattaj.

10 Eyqꞌuey ojabꞌ ebꞌ penawom yul yaal jix swaꞌne ey tuꞌ, jal jin jain tiꞌ xin, watxꞌ ojabꞌ cꞌal chi yun jin bꞌeytoj.